Kaca:Bali-lontar-gaguritan-rereg-gianyar-300ppi.pdf/98

Saking Wikisource
Kaca puniki sampun kauji-wacén

[᭙᭗97B]
᭙᭗
ᬢ᭄ᬬᬂᬫᬳᭀᬯᬫᬶᬢ᭄ᬩᬾᬜ᭄ᬚᬵᬗᬦ᭄᭞ᬗ᭄ᬭᬯᬸᬳᬶᬦᬶᬧᬸᬦ᭄ᬫᬓᬵᬮᬶᬄ᭞ᬫᬗᭀᬚᭀᬕ᭄ᬲᬶᬩᬂᬓᬓᬨᬮ᭄᭞ᬦᬢᬲ᭄ᬫᬦᬄᬳᬶᬧᬸᬦ᭄ᬫᬮᬶᬄ᭞ᬬᬦ᭄ᬯᬦ᭄ᬢᬄᬳᬶᬧᬸᬦ᭄ᬓᬭᬶ᭞ᬳᬾᬮᬶᬂᬭᬶᬂᬓᬯ᭄ᬯᬗᬦᬶᬧᬸᬦ᭄᭞ᬫᬸᬮᬢᬺᬄᬜᬸᬳᬬ᭞ᬫᬕᭂᬳᬂᬓ᭄ᬱ
ᬢ᭄ᬭᬶᬬᬓᬥᬶᬭᬶ᭞ᬫᬗ᭄ᬤᭀᬳᬶᬧᬸᬦ᭄᭞ᬢ᭄ᬯᬭᬳᬾᬮᬶᬂᬫᬫᬋᬓᬦ᭄᭟ᬬᬦᬶᬂᬳᬶᬧᬸᬦ᭄ᬧᬘᬂᬢᬸᬮᬓ᭄᭞ᬢᬶᬢ᭄ᬬᬂᬜᬤ᭄ᬬᬗᬮᬓ᭄ᬱᬡᬳᬶᬦ᭄᭞ᬫᬗᬤᬓᬂᬧ᭄ᬭᬗᬤ᭄ᬪᬹᬢ᭞ᬩ᭄ᬬᬓ᭄ᬢᬕᭂᬫ᭄ᬧᬸᬂᬤᬤᬶᬳᬲ᭄ᬢᬶ᭞ᬳᬦᬓᬕᬸᬂᬭᬶᬂᬫᬗ᭄ᬯᬶ᭞ᬫᬶᬲᬶᬗ᭄ᬕᬶᬄ᭠
ᬥᬹᬄᬳᬤᬶᬳᬕᬸᬂ᭞ᬲᬭᬳᬤᬶᬫᬦᬶᬢᬳᬂ᭞ᬘᭂᬦ᭄ᬤᭂᬓᬂᬩ᭄ᬮᬶᬫᬗᬶᬭᬶᬂ᭞ᬲᬧᬦᬸᬤᬸᬄ᭞ᬩ᭄ᬮᬶᬩᭀᬬᬧᬸᬭᬸᬦ᭄ᬢᬸᬮᬓ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬭᬶᬂᬳᬜ᭄ᬘᬬᬦ᭄᭞ᬢᬦ᭄ᬘᬭᬶᬢᬤᬶᬦᬭᬢ᭄ᬭᬶ᭞ᬲᬵᬫ᭄ᬧᬸᬦ᭄ᬗᬫᬃᬵᬕ᭄ᬕ᭄ᬬᬂᬳᬸᬢᬸᬲᬦ᭄᭞ᬳᬦᬓᬕᬸᬂᬕ᭄ᬥᬾ
ᬚ᭄ᬮᬡ᭄ᬝᬶᬓ᭄᭞ᬓᬲᬶᬩᬂᬗᬭᬶᬳᬶᬦᬶᬦ᭄᭞ᬕᬸᬲ᭄ᬢᬶᬳᬕᬸᬂᬲᬶᬩᬂᬲᬸᬫᬗ᭄ᬕᬸᬧ᭄᭞ᬗᬚᬧ᭄ᬧᬘᬂᬫᬫᭂᬦ᭄ᬤᬓ᭄᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫᬮᬶᬄ᭞ᬓᬂᬓᬯᬸᬯᬸᬲ᭄᭞ᬲ᭄ᬫᭂᬂᬦᬾᬩᬾᬜ᭄ᬚᬂᬫᬫᬃᬵᬕ᭄ᬕ᭟ᬓ᭄ᬭᬶᬕᬦ᭄ᬲᬳᬳᬶᬭᬶᬗᬦ᭄᭞ᬢᬦ᭄ᬲᬄᬢᬫ᭄ᬩᬸᬭᬾ
[᭙᭘98A]
ᬫᬸᬘᬸᬓᬶᬦ᭄᭞ᬧᬜ᭄ᬚᬂᬬᬦ᭄ᬫᬮᬶᬄᬓᬦ᭄ᬤᬳᬂ᭞ᬳᬶᬦ᭄ᬤᬶᬓ᭄ᬧᬤᬩ᭄ᬤᬩ᭄ᬧᬸᬦᬶᬓᬶ᭞ᬫᬃᬵᬕ᭄ᬕᬶᬫᬭᬭᬢᬩ᭄ᬘᬶᬓ᭄᭞ᬕ᭄ᬮᬃᬩ᭠ᬮᬸᬂᬩᬂᬫᬳᬸᬭᬸᬕ᭄᭞ᬳᬶᬗ᭄ᬕᬶᬄᬬᬦ᭄ᬋᬱᭂᬧᬶᬂᬫᬦᬄ᭞ᬤᭀᬄᬤᬸᬭᬸᬲ᭄ᬧᬘᬂᬬᬸᬯᬤᬶ᭞ᬲᬶᬦᬄᬲᬵᬫ᭄ᬧᬸᬦ᭄᭞ᬧᬘᬂᬤᬤᭀ
ᬲ᭄ᬓᬭᬳᬬ᭄ᬯᬦ᭄᭟ᬲᬧᬸᬦᬶᬓᬓᬧᬶᬦᭂᬳᬂ᭞ᬳᬦ᭄ᬢᬸᬓ᭄ᬤᬦᬾᬳᬶᬧᬸᬦ᭄ᬲᬫᬶ᭞ᬕ᭄ᬮᬶᬲᬂᬫᬗ᭄ᬓᬶᬦ᭄ᬘᬭᬶᬢ᭞ᬳᬦᬓᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬲᬶᬩᬂᬓᬨᬮᬾᬫᭂᬦ᭄ᬤᬓᬶᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬭᬳᬸᬄ᭞ᬢᬸᬫᬸᬮᬶᬫᬜ᭄ᬚᬶᬂᬓᬚ᭄ᬭᭀ᭞ᬢᬦ᭄ᬓᬾᬢᬸᬂ
ᬭᬵᬚᬧᬦᬫᬸᬬ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬯᬢ᭄ᬭᬭᬳᬸᬄᬭᬶᬂᬳᬶᬭᬶᬗᬦ᭄᭟ᬫᬩᬳᭀᬲ᭄ᬫᬲ᭄ᬬᬓᬵᬭᬡ᭞ᬧᬸᬧᬸᬢ᭄ᬧᬗ᭄ᬭᬳᭀᬲᬾᬧᬲ᭄ᬢᬶ᭞ᬧ᭄ᬭᬬᬗᬯᬾᬓᬭᬳᬬ᭄ᬯᬦ᭄᭞ᬧᬳᬋᬧᬾᬓᬫᬗ᭄ᬯᬶ᭞ᬗᬦᬸᬢᬶᬦ᭄ᬓᬤᬶᬗᬹᬦᬶ᭞ᬕᬸᬲ᭄ᬢᬶᬳᬕᬸᬂ
ᬫᬜᬮᬶᬢ᭄ᬲᬳᬸᬭ᭄᭞ᬲᬗ᭄ᬕᬸᬧᬾᬫᬗᬶᬭᬶᬗᬂ᭞ᬬᬤ᭄ᬬᬧᬶᬫᬤᬾᬯᬲᬓ᭄ᬱᬶ᭞ᬫᬗ᭄ᬤᬾᬮᬦ᭄ᬢᬸᬃ᭞ᬗᬾᬮᬶᬗᬶᬦ᭄ᬓ᭠ᬤᬶᬭᬶᬂᬓᬸᬦ᭞ᬳᬦᬓ᭄ᬯᬕᭂᬤ᭄ᬫᬜᭂᬩᭂᬗᬂ᭞ᬯᬦ᭄ᬢᬄᬦᬸᬦ᭄ᬤᬸᬂᬲᬓᬶᬂᬲᬶᬮᬶᬩ᭄᭞ᬫᬗ᭄ᬤᬾᬓᬬᬸᬦ᭄ᬕᭂᬮᬶᬲ᭄ᬢᬸᬮᬓ᭄᭞ᬓᬵᬭᬡ᭠