[᭙᭔94B]
᭙᭔
ᬳᬶᬭᬶᬗᬦ᭄᭞ᬧᭂᬧᭂᬓ᭄ᬲᬃᬯ᭄ᬯᬱᬤ᭄ᬭᬲ᭞ᬫᬾᬧ᭄ᬲᬸᬫᬸᬭᬸᬧ᭄ᬲᬗ᭄ᬳ᭄ᬬᬂᬭᬯᬶ᭞ᬫᬩᬩᬳᭀᬲᬦ᭄᭞ᬳᬶᬤᬲᬂᬭᬢᬸᬜᬮᬶᬄ᭟ᬤᬕᬶᬗᬶᬧᬸᬦ᭄ᬧᬭᬲ᭄ᬧᬭᭀᬲᬧᬃᬡ᭄ᬦᬬ᭞ᬩᬢᬸᬄᬓᬭᬗᬲᭂᬫ᭄ᬲᬶᬓᬶ᭞ᬫᭂᬲᭂᬳᬶᬦ᭄ᬤᬹᬃᬚᬦ᭞ᬳᬲᬶᬂᬫᬯᬘᬦᬳᬮ᭞
ᬧᬸᬦᬶᬓᬳᬸᬕᬶᬫᭂᬲᭂᬳᬶᬦ᭄᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬩᬳᭀᬲ᭄ᬤᬤᭀᬲ᭄ᬳᬲᬶᬓᬶ᭟ᬯᬦ᭄ᬢᬄᬧᬵᬢᬹᬢ᭄ᬳᬶᬘᭀᬓᭀᬃᬤᬮᬶᬕ᭄ᬲᬶᬃᬢᬗᬃ᭞ᬧᬦ᭄ᬓᬵᬭᬶᬧᬭᬸᬭᬸᬤᬦ᭄ᬲᬫᬶ᭞ᬫᬭᬶᬂᬅᬫ᭄ᬮᬭᬵᬚ᭞ᬧᬸᬦᬶᬓᬦᬾᬲᬾᬯᬓᬳᬂ᭞ᬢᬦ᭄ᬓᭀᬘᬧ᭄ᬧᬸᬦᬶᬓᬫ᭠
ᬮᬶᬄ᭞ᬓᬯᬃᬡ᭄ᬦᬳᬾᬜ᭄ᬚᬂ᭞ᬲᬵᬫ᭄ᬧᬸᬦ᭄ᬫᭂᬤᬮ᭄ᬫᬫᬃᬵᬕ᭄ᬕᬶ᭟ᬳᬕᬸᬤᬸᬳᬦ᭄ᬲ᭄ᬯᬭᬦ᭄ᬢᬫ᭄ᬩᬸᬭᬾᬢᬦ᭄ᬧᭂᬕᬢ᭄᭞ᬬᬬᬓ᭠ᬭᬸᬗ᭄ᬯᬶᬂᬮᬗᬶᬢ᭄᭞ᬢᬸᬫᬸᬮᬶᬫᬫᬃᬵᬕ᭄ᬕ᭞ᬓᬾᬦ᭄ᬤ᭄ᬭᬳᬦ᭄ᬓ᭄ᬯᬾᬄᬢᬸᬫᬶᬗ᭄ᬳᬮ᭄᭞ᬲᬂᬫᬯᬧᭂᬤᬂᬧᬭᬾᬲᬶ᭞ᬢᭀᬂᬢᭀᬓ᭄ᬗ᭄ᬭᬶᬲ᭄ᬤᬶᬧᬓ᭄᭞
ᬦᬯᬾᬳᬗᬺᬱᬶᬳᬢᬶ᭟ᬫᬮᬶᬄᬲᬂᬫᬯᬧᬗᬯᬶᬦ᭄ᬮᬦ᭄ᬩᬦ᭄ᬤ᭄ᬭᬗᬦ᭄᭞ᬍᬯᬶᬄᬲᬂᬳᬫᬯᬩ᭄ᬤᬶᬮ᭄᭞ᬲᬫᬶᬲᬶᬦ᭄ᬮᬶᬭᬦ᭄᭞ᬢᬗ᭄ᬓᭂᬧ᭄ᬧ᭄ᬭᬢᬫᬾᬂᬧᭀᬮᬄ᭞ᬢᬦ᭄ᬓᭂᬦᬘᬘᬤᬶᬦ᭄ᬫᬮᬶᬄ᭞ᬧᬥᬧ᭄ᬭᬕᬮ᭄ᬩ᭞ᬧᬦ᭄ᬢᭂᬲᬦᬦ᭄ᬤᬂᬍᬯᬶᬄ᭟ᬲᬶᬦᬂᬓ᭄ᬱᬾᬧ
[᭙᭕95A]
ᬧᬫᬃᬵᬕ᭄ᬕᬦᬾᬓᬤᬘᬭᬶᬢ᭞ᬳᬦᬓᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬢᬸᬮ᭄ᬬᬚᬦᬵᬃᬤ᭄ᬥᬡ᭞ᬲᬳᬾᬲᬓᬶᬂᬯᬶᬭᬢ᭞ᬓᭀᬢᬸᬲ᭄ᬓᬳᬲ᭄ᬢᬶᬦᬧᬸᬭᬶ᭞ᬢᬦ᭄ᬯᬃᬡ᭄ᬦᬾᬂᬫᬃᬵᬕ᭄ᬕ᭞ᬓᬯᬸᬯᬸᬲᬦ᭄ᬭᬶᬂᬫᬗ᭄ᬯᬶ᭟ᬳᬦᬓᬾᬳᬕᬸᬂᬫᬗ᭄ᬯᬶᬮ᭄ᬯᬶᬃᬓᬕᬸᬦ᭄ᬢᬸᬭᬦ᭄ᬫᬺᬢ᭄ᬣ᭞
ᬭᬯᬸᬄᬦᬓᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬳᬦ᭄ᬤᭂᬮ᭄ᬧᬓᬬᬸᬦᬦ᭄᭞ᬫᬶᬯᬄᬲᬵᬫ᭄ᬧᬸᬦ᭄ᬫᬤᬩ᭄ᬤᬩᬦ᭄᭞ᬜᬯᬶᬲᬂᬧᬘᬂᬧᬦᬫᬸᬬ᭄᭞ᬫᬓᬢᬫ᭄ᬧᬳᬦ᭄᭞ᬭᬶᬂᬩᬜ᭄ᬚᬃᬩᬜ᭄ᬚᬃᬲᬫᬶ᭟ᬧᬶᬗ᭄ᬕᬶᬃᬫᬃᬵᬕ᭄ᬕᬤᬸᬯᭂᬕᬦ᭄ᬲᬸᬫ᭄ᬩᬸᬫᬚᬚᬃ᭞ᬭᬸᬚᬓ᭄ᬲᬵᬫ᭄ᬧᬸᬜ᭄ᬘᬸᬫ
ᬯᬶᬲ᭄᭞ᬢᭀᬬᬮᬜ᭄ᬘᬭᬢᬦ᭄᭞ᬧᬧᬘᬾᬢᬦ᭄ᬲᬃᬯ᭄ᬯᬨᬮ᭞ᬲᬚᭂᬂᬚᬓᬦᬾᬓᬧᬸᬭᬶ᭞ᬲᬵᬫ᭄ᬧᬸᬦ᭄ᬫᬤᬫ᭄ᬧ᭄ᬬᬓ᭄᭞ᬓ᭄ᬢᭀᬕᬦ᭄ᬳᬦᬓᬾᬫᬩᬮᬶᬄ᭟ᬲᬵᬫ᭄ᬧᬸᬦ᭄ᬢᬫ᭄ᬧᭂᬓ᭄ᬲ᭄ᬯᬭᬦ᭄ᬢᬾᬫ᭄ᬩᬸᬃᬫᬧᬶᬋᬗᬦ᭄᭞ᬳᬦᬓᬾᬳᬕᬸᬂᬫᬗ᭄ᬯᬶ᭠
ᬕᬶᬧᬶᬄ᭞ᬗᬸᬢᬸᬲ᭄ᬭᬚᬧᬸᬢ᭄ᬭ᭞ᬫᬫᬃᬵᬕ᭄ᬕᬶᬧ᭄ᬭᬬᬫᭂᬦ᭄ᬤᬓ᭄᭞ᬫᬜ᭄ᬘᬧᬸᬗ᭄ᬕᬯᬜᬋᬗᬶᬦ᭄᭞ᬲᬳᬳᬶᬭᬶᬗᬦ᭄᭞ᬯ᭄ᬬᬓ᭄ᬢᬶᬩᬩᬦ᭄ᬢᬭᬦ᭄ᬲᬫᬶ᭟ᬕᬕ᭄ᬮᬶᬲᬦ᭄ᬧᬗᬋᬧ᭄ᬕᬸᬲ᭄ᬢᬶᬫᬥᬾᬗᬸᬭᬄ᭞ᬕᬸᬲ᭄ᬢᬶᬧᬸᬢᬸᬫᬬᬸᬦ᭄ᬫᬮᬶᬄ᭞ᬮᬦ᭄ᬧ᭄ᬭᬭᬵᬚ
Kaca:Bali-lontar-gaguritan-rereg-gianyar-300ppi.pdf/95
Kaca puniki sampun kauji-wacén
