[᭗᭐70B]
ᬳᬗᬫᬹᬓ᭄ᬭᬫ᭄ᬧᬓ᭄᭞ᬢ᭄ᬭᬸᬡᬲᬓᬯᬢᬶᬫᬗᬶᬭᬶᬂ᭟ᬲᬸᬫᬳᬢ᭄ᬧᬶᬤᬦ᭄ᬧᬥᬵᬗᬤ᭄ᬯᬓᬯᬶᬭᬦ᭄᭞ᬲᬮᬶᬂᬤᭂᬤᭂᬲ᭄ᬦ᭄ᬤᬢᬦ᭄ᬚ᭄ᬭᬶᬄ᭞ᬫᬳᬶᬕᭂᬮᬶᬕᭂᬮᬦ᭄᭞ᬫᬤᬤᬾᬂᬓ᭄ᬮᬾᬗᬸᬬᭂᬂᬢᬸᬫ᭄ᬩᬓ᭄᭞ᬫᬸᬮᬓᬲᬸᬩ᭄ᬲᬓᬶᬂᬗᬹᬦᬶ᭞ᬳᬸᬫᬄᬧ᭄ᬭᬕᬶᬦ᭞ᬧᬥᬲᬮᬶᬂ
ᬳᭀᬓᭀᬓᬶᬦ᭄᭟ᬢᬦ᭄ᬲᬧᬶᬭᬭᬫ᭄ᬬᬦᬶᬂᬧᬸᬦᬂᬬᬸᬤ᭄ᬥ᭞ᬫᬢᬂᬩᬶᬦᬲᬶᬮ᭄ᬬᭀᬓᬶᬄ᭞ᬧᬥᬧ᭄ᬭᬯᬶᬭᬾᬂᬧ᭄ᬭᬂ᭞ᬲᬶᬂᬫᬾᬗᭀᬢᬦ᭄ᬯᬸᬦ᭄ᬧ᭄ᬚᬄ᭞ᬘᭀᬓᭀᬃᬤᬫᬵᬲ᭄ᬓᬯ᭄ᬭᬶᬦ᭄ᬯ᭄ᬭᬶᬦ᭄᭞ᬳᬦᬸᬦ᭄ᬢᬸᬢ᭄ᬧᬜ᭄ᬚᬓ᭄᭞ᬓᭀᬃᬤᬧᬢᬸᬮᬸᬜᬦ᭄ᬤᬶᬂ᭟ᬮ᭄ᬯᬶᬃᬫᭀᬂᬕ
ᬮᬓ᭄ᬭᬫ᭄ᬬᬧᬥᬵᬲᬶᬭᬲᬶᬭᬦ᭄᭞ᬧ᭄ᬭᬕ᭄ᬭᭀᬕᬄᬜᬳᬬᬯ᭄ᬥᬶ᭞ᬳᬢᬓᭂᬃᬲ᭄ᬯᬦᬶᬢ᭞ᬫᬓᭀᬭᬸᬧᬦᬥᬦ᭞ᬰᬹᬭᬭᬶᬂᬭᬡᬳᬶᬦᭀᬗ᭄ᬲᬶ᭞ᬤᬤᬶᬳᬢ᭄ᬭᬚᬶ᭞ᬭᬭᬫᬳᬧ᭄ᬭᬂᬲᬶᬮᬶᬄᬓ᭄ᬭᬶᬲ᭄᭟ᬓᭀᬃᬤᬗᬸᬭᬄᬲᬓᬯᬢᬶᬕᬤ᭄ᬕᬤᬢᬸᬫᬦ᭄ᬤᬂ᭞ᬲ᭄ᬫᬸ
ᬢᬦ᭄ᬤᬶᬂᬳᬶᬯᬶᬱ᭄ᬝᬶ᭞ᬚᬸᬫᬸᬚᬸᬕᬾᬂᬳᬃᬱ᭞ᬢᬦ᭄ᬤᬂᬧᬦ᭄ᬢᭂᬲ᭄ᬧ᭄ᬭᬕᬮ᭄ᬩ᭞ᬢᬸᬡᬧᬋᬓᬦ᭄ᬫᬗᬶᬭᬶᬂ᭞ᬦ᭄ᬤᬢᬦ᭄ᬮᬶᬗᬸᬦᭂᬦ᭄᭞ᬲᬶᬂᬢᭂᬫ᭄ᬧᬸᬄᬩᬸᬩᬃᬚ᭄ᬭᬶᬄ᭟ᬢᬦ᭄ᬧᬳᬶᬗᬦ᭄ᬭᬫ᭄ᬬᬧᬢᭂᬫ᭄ᬧᬸᬳᬶᬂᬲᬜ᭄ᬚᬢ᭞ᬮ᭄ᬯᬶᬃᬕ᭄ᬮᬧ᭄ᬲ᭄ᬯᬭᬦᬶᬂᬩ᭄ᬤᬶᬮ᭄᭞ᬢᬦ᭄ᬧᬳᬶᬗᬦ᭄ᬧ᭄ᬚᬄ᭞ᬓ᭄ᬦᬳ᭄ᬮᬸᬂᬳᬶ
[᭗᭑71A]
ᬗᬸᬲᬸᬗᬦ᭄᭞ᬧᬘᬺᬗᬸᬢ᭄ᬗᬤᬸᬄᬫᬗ᭄ᬮᬶᬂ᭞ᬬᬬᬮ᭄ᬯᬶᬃᬯᬃᬱ᭞ᬧᬢᭂᬫ᭄ᬧᬸᬳᬦᬶᬂᬫᬶᬫᬶᬲ᭄᭟ᬕᬶᬗ᭄ᬲᬶᬃᬫᬾᬗᬲ᭄᭞ᬯᭀᬂᬧᬮ᭄ᬬᬢᬦ᭄ᬢ᭄ᬕᬮ᭄ᬮᬮᬂ᭞ᬫᬮᬬᬸᬗᬸᬗ᭄ᬲᬶᬳᬸᬭᬶ᭞ᬋᬩᬄᬢᬶᬦᬸᬢᬹᬢᬦ᭄᭞ᬢᬦ᭄ᬓᭂᬦᬳᬶᬗᬦ᭄ᬤᭂᬕᬂ᭞ᬳᬧᬦ᭄ᬓᬳᬓ᭄ᬯᬾᬄᬳ
ᬦᬶᬂᬳᬭᬶ᭞ᬢᬹᬃᬲᬶᬦᬸᬭᬓᬦ᭄᭞ᬓᭂᬦ᭄ᬤᬂᬕᭀᬂᬫᬸᬦ᭄ᬬᬕᬦ᭄ᬢᬶ᭟ᬧᬗᬸᬯᬸᬳᬶᬂᬯᭀᬂᬦᬵᬕᬭᬧᬢᬶᬓᬸᬭᬫ᭄ᬩᬢ᭄᭞᭠ᬩᬲᭀᬂᬧᬮ᭄ᬬᬢᬦ᭄ᬤᬤᬶᬚ᭄ᬭᬶᬄ᭞ᬢ᭄ᬯᬭᬗᬾᬤᬍᬫᬂ᭞ᬦᬾᬚᬦᬶᬢᬦ᭄ᬤᬗᬦ᭄᭞ᬢᬦ᭄ᬯᬸᬦ᭄ᬕᭂᬲᭂᬂᬵᬤᬤᬶᬳᬱ᭄ᬝᬶ᭞ᬬᬦ᭄ᬩᬦᬸᬗ᭄ᬓᬮ
᭞ᬜᬾᬦ᭄ᬓᭀᬩᭂᬃᬫᬦᬫ᭄ᬧᬾᬦᬶᬦ᭄᭟ᬇᬭᬶᬓᬵᬘᭀᬓᭀᬃᬤᬭᬳᬶᬗᬓ᭄ᬱᬶᬚ᭄ᬭᬶᬳᬶᬂᬧᬜ᭄ᬚᬓ᭄᭞ᬢᬸᬫᬦ᭄ᬤᬂᬦᬸᬤᬶᬗᬶᬦ᭄᭞ᬳᬢᬓᭀᬦᬶᬂᬧᬜ᭄ᬚᬓ᭄᭞ᬲᬂᬫᬗᬋᬧᬂᬳᬧ᭄ᬭᬂ᭞ᬳᬦᬫᬵᬢᬹᬃᬲᬧᬸᬦᬶᬓᬶ᭞ᬘᭀᬓᭀᬃᬤᬗᬸᬭᬄ᭞ᬧᬸᬭᬶ
ᬓᬮᬾᬭᬦ᭄ᬲᬓᬵᬯᬢᬶ᭟ᬫᬧᬗᬋᬧ᭄ᬓᬢᬾᬯᬾᬮ᭄ᬳᬶᬧᬸᬦ᭄ᬳᬶᬕᬶᬦ᭞ᬤ᭄ᬯᬢᭂᬗ᭄ᬓᬶᬂᬫᬗᭀᬋᬕᬶᬂ᭞ᬯᬸᬲ᭄ᬮᬶ᭠ᬦ᭄ᬢᬂᬩᬮᬸᬂᬩᬂ᭞ᬕ᭄ᬮᬃᬲᬵᬫ᭄ᬧᬸᬦ᭄ᬭᬶᬦᬫ᭄ᬧᬲ᭄᭞ᬓᬯᬸᬮᬦᬾᬲᬵᬫ᭄ᬧᬸᬦ᭄ᬮᬶᬮᬶᬄ᭞ᬭᬢᬸᬕ᭄ᬮᬶᬲᬂ᭞ᬫᬾᬄᬕᭂᬲᭂᬂᬵᬫᬵᬲ᭄ᬧᬸᬦᬶᬓᬶ
Kaca:Bali-lontar-gaguritan-rereg-gianyar-300ppi.pdf/71
Kaca puniki sampun kauji-wacén
