Kaca:Bali-lontar-gaguritan-rereg-gianyar-300ppi.pdf/72

Saking Wikisource
Kaca puniki sampun kauji-wacén

[᭗᭑71B]
᭟ᬘᭀᬓᭀᬃᬤᬭᬳᬶᬓᬤᬶᬲᬶᬦᭂᬧᬂᬓᬂᬓᬃᬡ᭄ᬦ᭞ᬯ᭄ᬬᬓ᭄ᬢᬶᬓᬤᬶᬢᬶᬦᬗᬶ᭞ᬫᬗᬸᬦ᭄ᬩ᭄ᬭᬳ᭄ᬫᬵᬦ᭄ᬢ᭄ᬬᬾᬂᬢ᭄ᬯᬲ᭄᭞ᬳᬸᬫᭂᬢᬶᬓ᭄ᬫᬶᬗ᭄ᬓᬶᬲ᭄ᬩᬲᬳᬦ᭄᭞ᬦ᭄ᬳᭂᬃᬢᬸᬫᬸᬮᬶᬳᬗᬫ᭄ᬩᬶᬮ᭄᭞ᬓᬯᬶᬢᬦ᭄ᬧᬮ᭄ᬬᬢᬦ᭄᭞ᬳᬶᬓᬭᬂᬲᬸᬳᬸᬂᬘᬶᬦᬗ᭄ᬓᬶᬂ᭟ᬦ᭄ᬳᭂᬃᬢᬸᬫᬦ᭄ᬤᬂᬳᬸᬧ
ᬫᬭᬭᬶᬢ᭄ᬯᬢ᭄ᬫᬚ᭞ᬳᬶᬦᬸᬦ᭄ᬲᬭᬸᬗᬦ᭄ᬬᬾᬓᬶ᭞ᬫᬢ᭄ᬭᬓᬮᬶᬳᬮ᭞ᬚ᭄ᬦᬃᬓᬢᭀᬦ᭄ᬗ᭄ᬯᬦ᭞ᬓᬤᬸᬮᬸᬭᬦ᭄ᬳᬸᬚᬦ᭄ᬭᬶᬭᬶᬲ᭄᭞ᬳᬗᬫᬹᬓᬭᬫ᭄ᬧᬓ᭄᭞ᬲᬸᬫᬳᬩ᭄ᬓᬯᬸᬮᬗᬶᬭᬶᬂ᭟ᬫᬓᬧᬫᬸᬦ᭄ᬢᬢ᭄ᬳᬶᬤᬾᬯᬮᬶᬗ᭄ᬲᬶᬃᬢ᭄ᬕᬮ᭄ᬮᬮᬂ᭞ᬳᬮᬶᬢᬮᬶᬢ᭄ᬧ
ᬮ᭄ᬬᬢᬦ᭄ᬲᬫᬶ᭟ᬫᬶᬯᬾᬄᬓᭀᬃᬤᬭᬓ᭞ᬫᬲᬹᬃᬬ᭄ᬬᬓ᭄ᬫᬳᬶᬮᬓᬦ᭄᭞ᬫᬜ᭄ᬘᬢ᭄ᬕᬮ᭄ᬮᬮᬂᬫᬸᬮᬶᬄ᭞ᬮ᭄ᬯᬶᬃᬲᬶᬗ᭄ᬳᬭᭀᬤ᭄ᬭ᭞ᬳᬧ᭄ᬢᬶᬳᬫᬸᬦ᭄ᬢᬂᬫᬦ᭄ᬢᬶᬂ᭟ᬩᬳ᭄ᬦᬶᬫᬸᬦ᭄ᬢᬩ᭄ᬧᬫᬹᬓ᭄ᬦ᭄ᬬᬧᬥᬲᬳᬲ᭞ᬲᬸᬭᬓ᭄ᬳᬯᬦ᭄ᬢᬶ᭞ᬩ᭄ᬤᬶᬮ᭄ᬢᬦ᭄ᬧᬭᬸᬗ᭄ᬯᬂ᭞ᬲᬶᬦᬫ᭄ᬬ
ᬦᬶᬂᬕᬕᬫᭂᬮᬦ᭄᭞ᬯᭀᬂᬦᬵᬕᬭᬳᬗᬺᬲᬶᬳᬢᬶ᭞ᬢᬦ᭄ᬤ᭄ᬯᬓᬕᬶᬯᬂ᭞ᬋᬩᬄᬫᬮᬬᬸᬳᬚ᭄ᬭᬶᬄ᭟ᬤᬳᬸᬢ᭄ᬧᬬᬸᬂᬧᬫᬯᬮᬂᬢᬶᬦ᭄ᬩᬄ᭞ᬧᬢᬶᬧᬸᬭᬸᬕᬶᬦ᭄᭞ᬍᬯᬶᬄᬗᬸᬭᬕ᭄ᬩᬮᬸᬂᬩᬂ᭞ᬯᬾᬦ᭄ᬢᭂᬦ᭄ᬚᬾᬗ᭄ᬓᬾᬂᬓ᭄ᬦᬲᬸᬗ᭄ᬕ᭞ᬮᬾ
[᭗᭒72A]
ᬦ᭄ᬜᭂᬩᬸᬭᬶᬦ᭄ᬕ᭄ᬭᬾᬫ᭄ᬩᬾᬂᬳᬶᬥᬷ᭞ᬦ᭄ᬤᬢᬦ᭄ᬯᬶᬦᬶᬮᬂ᭞ᬫᬵᬢᬶᬤᬶᬂᬓ᭄ᬮᬓ᭄ᬓᬦᬶᬦ᭄᭟ᬫᬥᬾᬕᬶᬦᬲᬶᬦᬸᬭᬸᬂᬳᬦ᭄ᬢᬸᬓ᭄ᬭᬾᬜ᭄ᬘᬂ᭠ᬦ᭄ᬬ᭞ᬗᬭᬂᬩᬸᬦ᭄ᬢᭂᬃᬫ᭄ᬮᬳᬶᬩ᭄᭞ᬯᭀᬂᬲᬶᬤ᭄ᬥᬳᬦ᭄ᬤᭂᬕᬂ᭞ᬫ᭄ᬭᬲᬤᬶᬗᬶᬦ᭄ᬚᭂᬚᭂᬄᬗ᭄ᬢᭀᬃ᭞ᬮᬶᬮᬶᬄᬭᬯᬸᬄᬓᬲᬓ᭄ᬯᬢᬶ᭞ᬗᬸᬢᬂᬘᭀ
ᬓᭀᬃᬤ᭞ᬭᬶᬂᬳᬩ᭄ᬬᬦ᭄ᬧᬦ᭄ᬤᬦ᭄ᬫᬮᬶᬗ᭄ᬕᬶᬄ᭟ᬬᬦ᭄ᬫᬤᭀᬳᬸᬧᬫᬢᬫ᭄ᬩᬓᬮ᭄ᬬᬸᬲᬩᬸᬜ᭄ᬘᬂ᭞ᬫᬓᬢᬸᬮᬤᬾᬯᬢᭂᬗ᭄ᬓᬶᬂ᭞ᬲᬵᬫ᭄ᬧᬸᬦ᭄ᬓᬢᭂᬢᭂᬳᬦ᭄᭞ᬫᬮᬬᬸᬢᬯᬦ᭄ᬩ᭄ᬭᬡ᭞ᬓᬲᬄᬓᬲᬄᬫᬜᬸᬗ᭄ᬓᬶᬮᬶᬂ᭞ᬓᬧᬮ᭄ᬬ
ᬢᬦ᭄ᬧ᭄ᬭᬫᬗ᭄ᬓᬶᬦ᭄᭟ᬲᬧᬸᬦᬶᬓᬲᭀᬢᬦᬶᬂᬓᬤᬂᬢᬸᬗ᭄ᬕᬮ᭄᭞ᬓᬳᬾᬬ᭄ᬯᬂᬧᬢᭂᬧᭂᬢᬶᬦ᭄᭞ᬫᬭᬶᬂᬧᬮ᭄ᬬᬢᬦ᭄᭞ᬢᬦ᭄ᬘᬭᬶᬢᬧᬸᬦᬶᬓ᭞ᬘᭀᬓᭀᬃᬤᬦᬵᬕᬭᬫᬗ᭄ᬓᬶᬦ᭄᭞ᬭᬶᬂᬳᬩ᭄ᬬᬦ᭄ᬧᬦ᭄ᬤᬦ᭄᭞ᬗᬓ᭄ᬱᬶᬧᬜ᭄ᬚᬓᬾᬚ᭄ᬭᬶᬄ᭟ᬕ᭄ᬦᬶ
ᬚ᭄ᬯᬮᬫᬤ᭄ᬭᬰᬭᬶᬭᬳᬭᬓ᭄ᬢ᭞ᬧᬦ᭄ᬲᬵᬫ᭄ᬧᬸᬦ᭄ᬫᬘᬶᬳ᭄ᬦᬮᬶᬮᬶᬄ᭞ᬮ᭄ᬯᬶᬃᬓᬤᬶᬳᬫ᭄ᬧᬸᬳᬦ᭄᭞ᬢᬸᬫᬸᬮᬶᬫᬗᭀᬮᬾᬲ᭄ᬧᬜ᭄ᬚᬓ᭄᭞ᬲᬂᬓᬵᬭᬶᬓᬸᬓᬸᬄᬫᬗᬶᬭᬶᬂ᭞ᬯᬾᬦ᭄ᬢᭂᬦᬤᬰ᭞ᬧᬋᬓᬦ᭄ᬮᬦ᭄ᬚᬸᬭᬸᬳᬯᬶᬦ᭄᭟ᬫᬕᬕᬶᬭᬲ᭄ᬳᬧ᭄ᬢᭂᬓ᭄ᬦᬸᬮᬶ