[᭖᭕65B]
᭖᭕
ᬢᬦ᭄ᬓᭀᬘᬧ᭄᭞ᬢᬍᬃᬲᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬗᬾᬮᬶᬗᬶᬦ᭄ᬳᭀᬭᭀᬗᬦ᭄ᬲᬫᬶ᭞ᬘᭀᬓᭀᬃᬤᬭᬶᬂᬫᬵ᭠ᬲ᭄᭞ᬫᬗ᭄ᬕᭂᬄᬫᬫᬸᬘᬸᬓᬶᬦ᭄᭟ᬘᭀᬓᭀᬃᬤᬭᬳᬶᬳᬸᬩᬸᬤ᭄ᬫᬓᬳᬯᬓᬶᬂᬲᬜ᭄ᬚᬢ᭞ᬫᬸᬮᬢᭀᬂᬢᭀᬲᬶᬦ᭄ᬚᬸᬭᬶᬢ᭄᭞ᬢᬦ᭄ᬓᬾᬫᬸ᭠
ᬢᬾᬂᬩᬬ᭞ᬓᬭᬂᬲᬸᬯᬸᬂᬓᬲᬶᬓᭂᬧᬂ᭞ᬢᬦ᭄ᬤᬂᬕᬜ᭄ᬘᬂᬢᬹᬃᬘᬮᬶᬭᬶᬂ᭞ᬢ᭄ᬯᬭᬓᬾᬯ᭄ᬭᬦ᭄᭞ᬢᬸᬮ᭄ᬬᬲᬢ᭄ᬬᬓᬶᬭᬶᬂᬢᬸᬮᬶᬲ᭄᭟ᬓᭀᬃᬤᬧᬢᬸᬮᬸᬫᬗ᭄ᬕᭂᬄᬢᬗ᭄ᬕᭂᬄᬦᬶᬂᬩᬬ᭞ᬢ᭄ᬕᬮ᭄ᬮᬮᬗᬾᬫᭀᬗ᭄ᬓᭀᬮᬶᬦ᭄᭞ᬮ᭄ᬯᬶᬃᬲᬶᬗ᭄ᬳᬵᬥᬶᬓᬵᬭ᭞ᬢ᭄ᬯᬄᬧᬫᬸᬧᬸᬮᬦᬶᬂᬦᬬ᭞
ᬭᬶᬂᬳ᭄ᬫᬵᬲ᭄ᬫᬗ᭄ᬓᬶᬦ᭄ᬓᬸᬓᬸᬳᬶᬦ᭄᭞ᬲᬵᬫ᭄ᬧᬸᬦ᭄ᬫᬗᬫ᭄ᬩ᭄ᬬᬃ᭞ᬗᬕᭂᬫ᭄ᬲᬫ᭄ᬧᬦᬲᬫᬶ᭟ᬧᬦᬸᬤᬸᬳᬶᬂᬳᬶᬢᬶᬢᬄᬕᬦ᭄ᬢᬶᬤᬸᬭᬸᬂᬭᬫ᭄ᬬᬦᬶᬂᬧ᭄ᬭᬂᬧᬘᬂᬫᬲᬵᬕᬭᬕ᭄ᬢᬶᬄ᭞ᬫᬕᬸᬦᬸᬂᬓᬸᬦᬧ᭞ᬓᬮᬗᬦ᭄ᬯᬾᬦ᭄ᬢᭂᬦ᭄ᬳᭀᬃᬢ᭄ᬢ᭞ᬧᬵᬗ᭄ᬓᬢ᭄ᬦᬵᬕᬭᬦᬾᬫᬗ᭄ᬓᬶᬦ᭄᭞ᬦᭀᬤᭀᬲ᭄ᬗᬮᬾ
ᬭᬂ᭞ᬳᬸᬩᬸᬤ᭄ᬧ᭄ᬭᬬᬩᬶᬦᬲ᭄ᬫᬶ᭟ᬘᭀᬓᭀᬃᬤᬕ᭄ᬥᬾᬳᬸᬩᬸᬤ᭄ᬭᬗ᭄ᬓᬸᬂᬩᬶᬗᬃᬧᬓᬬᬸᬦᬦ᭄᭞ᬳᬗ᭄ᬓᬲ᭄ᬧᬘᬂᬫᬢᬦ᭄ᬤᬶᬂ᭞ᬳᬲᬶᬗ᭄ᬳᬭᬶᬓ᭄ᬭᬫᬦ᭄᭞ᬫᬸᬮᬢᬢᬲ᭄ᬧ᭄ᬭᬯᬷᬭ᭞ᬫᬮᬶᬄᬓᬲᬸᬩ᭄ᬳᬸᬮᬶᬂᬗᬹᬦᬶ᭞ᬧ᭄ᬭᬚᬸᬭᬶᬢ᭄ᬕ᭄ᬬᬜᬃᬦᭀᬭᬓᭂᬦ᭄ᬤᬸᬭᬶᬂᬧ᭄ᬭᬚᬸᬭᬶᬢ᭄᭞ᬧ
[᭖᭖66A]
ᬦ᭄ᬓᬶᬦᬸᬘᬧ᭄ᬯ᭄ᬓᬦᬾᬲᬶᬭᬗᬯᬾᬦᬂ᭞ᬧᬦ᭄ᬢᭂᬲ᭄ᬳᬦᬦ᭄ᬤᬂᬍᬯᬶᬄ᭞ᬓᬤᬶᬓᬵᬮᬦ᭄ᬢᬓ᭞ᬭᬶᬂᬲ᭄ᬥᭂᬗᬶᬂᬧ᭄ᬭᬮᬬ᭞ᬋᬲ᭄ᬋᬲ᭄ᬧᬸᬦᬂᬳᬦᬶᬗ᭄ᬳᬮᬶᬦ᭄᭞ᬢᬾᬚᬤᬸᬫᬶᬮᬄ᭞ᬳᬶᬩᬢᬸᬓᬭᬸᬓᬲᬸᬂᬓ᭄ᬮᬶᬓ᭄᭟ᬲᬶᬦᬋᬗᬦ᭄ᬳᬶᬭᬓᬘᭀᬓᭀᬃᬤᬳᭀᬓ᭞ᬳᬦ
ᬓ᭄ᬓᬲᬸᬩ᭄ᬫᬸᬮᬭᬶᬭᬶᬄ᭞ᬫᬫᭂᬜ᭄ᬘᬭᬂᬤᬬ᭞ᬧᬦ᭄ᬲᬵᬫ᭄ᬧᬸᬦᬶᬂᬯᬺᬢ᭄ᬢ᭞ᬢᬸᬫᬸᬮᬶᬫᬗ᭄ᬓᬢ᭄ᬕᭂᬮᬶᬲ᭄᭞ᬳᬭᬦ᭄ᬢᬩᬦ᭄᭞ᬓᬢᬶᬓ᭄ᬮᬦ᭄ᬢᬗᬾᬳᬸᬘᬧᬶᬦ᭄᭟ᬕᬕ᭄ᬮᬶᬲᬦ᭄ᬧᬫᬃᬵᬕ᭄ᬕᬶᬦᬾᬢᬦᬶᬫᬦᬶᬫᬦ᭄᭞ᬳᬶᬭᬶᬗᬦ᭄ᬧᬥᬳᬢᬶᬳᬢᬶ᭞ᬳᬧ᭄ᬢᬶᬳᬢᬓᭂᬃᬧ᭄ᬭᬂ᭞᭠
ᬳᬗᬕᬧ᭄ᬓᬵᬬᬾᬂᬢ᭄ᬯᬦ᭄᭞ᬢᬶᬓᭂᬮ᭄ᬯᬮᬸᬂᬘᬘᬮ᭄ᬓᬸᬮᬶᬢ᭄᭞ᬘᭀᬓᭀᬃᬤᬲᬬᬦ᭄᭞ᬭᬶᬂᬢᬩᭀᬗ᭄ᬓᬂᬗᬸᬓᬸᬳᬶᬦ᭄᭟ᬓᬩᬶᬦᬧᬗ᭄ᬓᬢ᭄ᬰᬢ᭄ᬭᬸᬦᬾᬗ᭄ᬮᬶᬲᬂ᭞ᬦᬾᬯᬢᬸᬢ᭄ᬲᬦ᭄ᬤᬢ᭄ᬫᬓᬵᬤᬶ᭞ᬘᭀᬓᭀᬃᬤᬩᬢᬸᬬᬂ᭞ᬲᬶᬗ᭄ᬳᬧᬤᬸᬩᬢᬸᬩᬸᬮᬦ᭄᭞ᬫ
ᬕᭂᬧ᭄ᬧ᭄ᬬᬸᬓ᭄ᬤᬤᭀᬲ᭄ᬳᬲᬶᬓᬶ᭞ᬲᬳᬭᭀᬗᬦ᭄᭞ᬳᬸᬩᬸᬤᬾᬓᬳᬸᬘᬸᬧᬶᬦ᭄᭟ᬤᬾᬯᬲᬦ᭄ᬤᬢ᭄ᬜᬶᬦᬳᬂᬢᭀᬂᬓᬦ᭄ᬢᬶᬳᬓᬶᬚᬧ᭄᭞ᬳᬧᬦᬮᬶᬓ᭄ᬳᬸᬩᬸᬤᬾᬩᬲ᭄ᬫᬶ᭞ᬓᭀᬃᬤᬕ᭄ᬥᬾᬩᬸᬯᬢᬂ᭞ᬩᬓᬮ᭄ᬳᬗ᭄ᬕᭀᬦ᭄ᬮᬬᬂᬮᬬᬂ᭞ᬲᬶᬤ᭄ᬥᬫᬦᬯᬸᬃᬲ
Kaca:Bali-lontar-gaguritan-rereg-gianyar-300ppi.pdf/66
Kaca puniki sampun kauji-wacén
