[᭖᭔64B]
᭖᭔
ᬓᬢᬸᬦ᭄ᬯᬦ᭄᭞ᬲᬹᬃᬬ᭄ᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭞ᬮ᭄ᬯᬶᬃᬓᬭᬸᬗ᭄ᬯᬶᬂᬳᬓᬵᬱ᭞ᬧᬥ᭄ᬳᬗᬤ᭄ᬯᬂᬓᬰᬹᬭᬵᬦ᭄᭞ᬧᬜ᭄ᬚᬂᬬᬦ᭄ᬘᬭᬶᬢᬫᬮᬶᬄ᭞ᬢᬶᬗ᭄ᬓᬳᬶᬂᬬᬸᬤ᭄ᬥ᭞ᬫᭂᬲᭂᬄᬢᬦ᭄ᬓᬭ᭄ᬯᬦ᭄ᬧᬶᬮᬶᬄ᭟ᬫᬲᬶᬄᬢᬶᬕᬂᬭᬳᬶᬦᬬᬦ᭄ᬧᬂᬭᬳᬢ᭄ᬦᬵᬕᬭᬓᬧᬮ᭄ᬬᬢᬦ᭄᭞ᬦᬸ᭠
ᬦᬸᬚᬸᬰᬦᬶᬰ᭄ᬘᬭᬫᬦᬶᬲ᭄᭞ᬯᬭᬢᭀᬮᬸᬭᬶᬂᬓᬸᬦ᭞ᬰᬰᬶᬄᬜᬢᬍᬃᬓᬢᬶᬕ᭞ᬧᬗ᭄ᬮᭀᬂᬧᬶᬲᬦ᭄ᬢᭂᬗ᭄ᬕᭂᬓ᭄ᬲᬶᬓᬶ᭞ᬭᬄᬩᬤ᭄ᬭᬯᬤ᭞ᬇᬰᬓᬵᬓᬤᬶᬗᬹᬦᬶ᭟ᬘᭀᬓᭀᬃᬤᬦᬵᬕᬭᬲᬵᬫ᭄ᬧᬸᬦ᭄ᬜᬶᬓ᭄ᬬᬂᬩᬩᬯᭀᬲ᭄᭞ᬭᬶᬂᬳᬶᬤ᭠
ᬘᭀᬓᭀᬃᬤᬦᬵᬕᬭᬲᬵᬫ᭄ᬧᬸᬦ᭄ᬜᬶᬓ᭄ᬬᬂ᭟ᬮᬶᬗ᭄ᬲᬶᬃ᭞ᬧᬘᬂᬫᬭᬳᬢᬦ᭄᭞ᬫᬗ᭄ᬓᬢᬾᬓᬧᬮ᭄ᬬᬢᬦ᭄᭞ᬩᬩᬢᬸᬳᬾᬲᬓᬶᬂᬓᬗᬶᬦ᭄᭞ᬢ᭄ᬯᬢᬗᬾᬮᬶᬗᬂ᭞ᬋᬘᭂᬄᬩᬯᭀᬲᬾᬭᬶᬂᬗᬹᬦᬶ᭟ᬘᭀᬓᭀᬃᬤᬮᬶᬗ᭄ᬲᬶᬃᬩᬯᭀ
ᬲ᭄ᬲᬵᬫ᭄ᬧᬸᬦ᭄ᬫᬜᬗ᭄ᬕᬸᬧᬂ᭞ᬲᬋᬂᬫᬤᬾᬤᬾᬲᬶᬗ᭄ᬕᬶᬄ᭞ᬲᬋᬂᬫᬭᬳᬢᬦ᭄᭞ᬓ᭄ᬭᬡᬘᭀᬓᭀᬃᬤᬦᬵ᭠ᬕᬭ᭞ᬳᬦ᭄ᬤᭂᬮ᭄ᬓᬬᬸᬦᬾᬢᬦ᭄ᬲᬶᬧᬶ᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬧᬘᬂᬫᬗ᭄ᬓᬢᬾᬫᬗ᭄ᬓᬶᬦ᭄᭟ᬓᬩᬶᬦᬯᬉᬢ᭄ᬲᬳᬭᬶᬂ
[᭖᭕65A]
ᬚ᭄ᬭᭀᬦᬵᬕᬭ᭞ᬢᬗᬶᬲ᭄ᬳ᭄ᬬᬂᬳ᭄ᬬᬗᬶᬂᬧᬸᬭᬶ᭞ᬮᬦ᭄ᬳᬸᬚᬦ᭄ᬳᬫ᭄ᬩᭂᬗᬦ᭄᭞ᬮᬶᬦᬸᬲ᭄ᬗᬫ᭄ᬧᭂᬳᬂᬧᬕᬫ᭄ᬩᬸᬳᬦ᭄᭞ᬓᬶᬮᬧ᭄ᬢᬝᬶᬢ᭄ᬳᬸᬚᬦ᭄ᬕᭂᬢᬶᬄ᭞ᬮᬦ᭄ᬓᬮ᭄ᬬᬮᬄ᭞ᬗᬶᬦᬸᬫ᭄ᬢᭀᬬᬓᬧᬸᬭᬶ᭟ᬫᬮᬶᬄᬤᬸᬓ᭄ᬫᭂᬤᬮ᭄ᬳᬶᬤᬦᬾᬘᭀᬓᭀᬃᬤ᭞ᬲᬓᬶᬂ᭠
ᬚ᭄ᬭᭀᬲᬸᬓᬵᬯᬢᬶ᭞ᬧᬗᬯᬶᬦ᭄ᬲᬦ᭄ᬤᭂᬃᬕᬵᬯᬓ᭄᭞ᬧᬸᬦᬶᬓᬘᬶᬭᬶᬢ᭄ᬮᬲ᭄᭞ᬓᬯᬶᬪᬵᬯᬦ᭄ᬓᬤᬶᬗᬹᬦᬶ᭞ᬢᬦᬸ᭠ᬭᬸᬂᬲᬾᬤ᭄ᬥ᭞ᬭᬶᬂᬭᬡᬓᬤᬶᬫᬗ᭄ᬓᬶᬦ᭄᭟ᬦᬵᬗ᭄ᬳᬶᬂᬘᭀᬓᭀᬃᬤᬯ᭄ᬬᬓ᭄ᬢᬶᬢᬦ᭄ᬓᬾᬗ᭄ᬕᬸᬳᬶᬂᬩᬬ᭞ᬓ᭄ᬱᬢ᭄ᬭᬶᬬᬦᬾᬳᬶᬦᭀ
ᬗ᭄ᬲᬶ᭞ᬢ᭄ᬯᬄᬫᬸᬮᬧᬸᬭᬸᬱ᭞ᬳᬕᬸᬮᬕᬸᬮᬲᬶᬕ᭞ᬓᬤᬶᬫᬦ᭄ᬢᬓᬤᬶᬢᬸᬮᬶᬲ᭄᭞ᬳᬜᭂᬗ᭄ᬓᬶᬂᬦᬶᬮᬄᬯ᭄ᬬᬓ᭄ᬢᬶᬳᬂᬋᬲᬶᬳᬢᬶ᭟ᬧᬗᬶᬭᬶᬗᬾᬮ᭄ᬯᬶᬃᬕᬢ᭄ᬕᬢ᭄ᬭᬲᬦᬶᬂᬫᬦᬄ᭞ᬓᬬᬢᬦ᭄ᬢᬺᬱ᭄ᬡᬵᬭᬶᬂᬳᬸᬭᬶᬧ᭄᭞ᬮᬶᬧ᭄ᬬᬾᬂᬳᭀᬬᬦᬓ᭄
ᬲᭀᬫᬄ᭞ᬫᬗᬋᬧ᭄ᬘᭀᬓᭀᬃᬤᬗᬸᬭᬄ᭞ᬧᬸᬭᬶᬓᬮᬾᬭᬦ᭄ᬲᬸᬓᬵᬯᬢᬶ᭞ᬢ᭄ᬭᬸᬡᬧᬋᬓᬦ᭄᭞ᬓ᭠ᬢᬾᬯᬾᬮᬾᬫᬸᬘᬸᬓᬶᬦ᭄᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬤᬩ᭄ᬤᬩᬾᬭᬭᬶᬲ᭄ᬫᬫᬵᬃᬕ᭄ᬕ᭞ᬢᬦ᭄ᬘᬭᬶᬢᬭᬶᬂᬫᬃᬵᬕ᭄ᬕᬶ᭞ᬭᬶᬂᬧᬮ᭄ᬬ᭠
Kaca:Bali-lontar-gaguritan-rereg-gianyar-300ppi.pdf/65
Kaca puniki sampun kauji-wacén
