[᭕᭓53B]
᭕᭓
ᬳᬾᬓᬮᬶᬯᬢ᭄᭞ᬭᬭᬶᬲ᭄ᬦᬯᬸᬳᬶᬦ᭄ᬳᬶᬲᬶᬦ᭄ᬚ᭄ᬭᭀ᭞ᬧᬘᬂᬫᬫᬃᬵᬕ᭄ᬕ᭞ᬦᬾᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬫᬤᬩ᭄ᬤᬩ᭄᭞ᬧᬘᬂᬭᬭᬸᬤᬾᬫᬗ᭄ᬓᬶᬦ᭄᭟ᬓᬕᬾᬢ᭄ᬫᬢ᭄ᬭᬬ᭄ᬯᬦ᭄ᬧᬜ᭄ᬚᬓᬾᬧᬥᬢ᭄ᬓ᭞ᬧᬕ᭄ᬭᭀᬂᬢ᭄ᬓᬫᬗ᭄ᬮᬶᬂ᭞ᬗᬸᬗ᭄ᬲᬶᬓᬩᬜ᭄ᬘᬶᬗᬄ᭞ᬫᬗ᭄ᬮᬸᬂᬧᬢᬶᬦ᭄ᬢᬸᬫ᭄ᬩ᭠
ᬓ᭄᭞ᬜᬸᬯᬸᬦ᭄ᬓᭂᬩᭂᬦ᭄ᬦ᭄ᬕᭂᬦ᭄ᬧ᭄ᬢᬶ᭞ᬫᬜᬶᬗᬮ᭄ᬧ᭄ᬬᬦᬓ᭄᭞ᬧᬘᬼᬗᬶᬓ᭄ᬧᬥᬗ᭄ᬮᬶᬂ᭟ᬚᭂᬚᭂᬄᬗ᭄ᬢᭀᬃᬦᭂᬗ᭄ᬕᬸᬄᬤᬾᬯᬾᬓᬕᬸᬭᬳᬦ᭄᭞ᬯᬾᬦ᭄ᬢᭂᬦ᭄ᬦᬦᭂᬫ᭄ᬫᬵᬲ᭄ᬧᬶᬧᬶᬲ᭄᭞ᬭᬢᬸᬳᬶᬂᬧ᭄ᬢᬶᬓᭀᬘᬧ᭄᭞ᬮᬘᬸᬭᬦ᭄ᬳᬤᬫᬜ᭄ᬯᬂ᭞ᬮᬾᬦ᭄ᬳᬤᬫᬦᬦ᭄ᬤᬦ᭄ᬲ
ᬫ᭄ᬧᬶ᭞ᬩᬾᬩᬾᬚ᭄ᬮᬦ᭄ᬳᬬᬫ᭄᭞ᬳᬤᬜᬸᬯᬸᬦ᭄ᬧ᭄ᬭᬰᬱ᭄ᬝᬶ᭟ᬳᬲᬸᬗᬦ᭄ᬢ᭄ᬓᬜᬸᬯᬸᬦ᭄ᬧ᭄ᬭᬮᬶᬗ᭄ᬕ᭞ᬫᬲᬶᬄᬳᬶᬗᭂᬢ᭄ᬦᭂᬤᬸᬗᬶᬦ᭄᭞ᬫᬩᭂᬋᬤ᭄ᬬᬫᬚᬮᬦ᭄᭞ᬚᭂᬚᭂᬮ᭄ᬫᬳᬤᬸᬧᬮ᭞ᬬᬦ᭄ᬲᬯᬂᬫᬶᬭᬶᬩ᭄ᬫᬮᬲ᭄ᬢᬶ᭞ᬳᬾᬮᬶᬂᬫᬓᬸᬭᬫ᭄ᬩ᭄ᬬᬦ᭄᭞ᬫᬲᬯᬂ᭠
ᬓᬶᬤᬸᬂᬓᬓᬯᬶᬦ᭄᭟ᬮᬾᬦ᭄ᬳᬤᬦᬦ᭄ᬤᬦ᭄ᬳᬦᬓ᭄ᬢ᭄ᬯᬗ᭄ᬭᬸᬬᬸᬤ᭄ᬫᬚᬮᬦ᭄᭞ᬮᬾᬦ᭄ᬗᬦ᭄ᬤᭀᬂᬳᬦᬓ᭄ᬲᬓᬶᬢ᭄᭞ᬫᬦᬶ᭠ᬯᬂᬚᬮᬦ᭄᭞ᬳᬤᬩ᭄ᬮᬶᬂᬫᬕᬾᬤᬾᬳᬦ᭄᭞ᬫᬓ᭄ᬚᬂᬳᬦᬓᬾᬳᭂᬜ᭄ᬚᭀᬮᬶᬦ᭄᭞ᬓᬾᬄᬬᬦ᭄ᬢᬸᬢᬸᬭᬂ᭞ᬲᬵᬫ᭄ᬧᬸᬦ᭄ᬫᬤ
[᭕᭔54A]
ᬩ᭄ᬤᬩ᭄ᬫᬫᬃᬵᬕ᭄ᬕᬶ᭟ᬦᬸᬚᬸᬤᬶᬦᬘᭀᬫᬧᬳᬶᬂᬧᬸᬦᬶᬓ᭞ᬧᬤᬶᬦᬦ᭄ᬜᬦᬾᬗᬹᬦᬶ᭞ᬲᬃᬯ᭄ᬯᬶᬫᬮᬜ᭄ᬘᬭᬦ᭄᭞ᬮᬸᬄᬫ᭄ᬯ᭠ᬦᬶᬩᬚᬂᬢ᭄ᬯ᭞ᬩᬸᬓᬯᬾᬦ᭄ᬢᭂᬦ᭄ᬓᬮᬶᬄᬢᬮᬶ᭞ᬋᬫ᭄ᬋᬫ᭄ᬳ᭄ᬬᬂᬲᬹᬃᬬ᭄ᬬ᭞ᬤᬸᬮᬸᬭᬶᬦ᭄ᬳᬸᬚᬦ᭄ᬗ᭄ᬭᬶᬩᬶᬲ᭄᭟ᬧ᭄ᬭᬕᬸᬂᬩᬢᬸᬄᬲᬵᬫ᭄ᬧᬸᬦ᭄ᬧᬥ
ᬫᬤᬩ᭄ᬤᬩ᭄᭞ᬓᬾᬯᬦ᭄ᬢᭂᬦ᭄ᬗᬦ᭄ᬢᬶᬳᬶᬳᬚᬶ᭞ᬤᬸᬭᬸᬂᬤᬦᬾᬫ᭄ᬥᬮ᭄᭞ᬭᬶᬂᬚ᭄ᬭᭀᬓᬵᬭᬶᬲᬦ᭄ᬤᭂᬢ᭄᭞ᬢᬗᬶᬲᬶᬂᬲᬂᬧᬭ᭠ᬳᬶᬲ᭄ᬢ᭄ᬭᬶ᭞ᬲᬬᬂᬬᬦ᭄ᬓᬸᬢᬂ᭞ᬲᬶᬦᭀᬫᬾᬧᬕᬸᬮᬯᬶᬭ᭄᭟᭜᭟ᬧᬸᬄᬲᬶᬦᭀᬫ᭄᭟᭜᭟ᬕᬸᬲ᭄ᬢᬶᬗᬸᬭᬄᬓ᭄ᬢᬸᬢ᭄ᬗᬦ᭄ᬤᬶᬓ᭞ᬗ᭄ᬮᬸᬢ᭄ᬩ
ᬳᬸᬫᬧᬲᬶᬳᬶᬦ᭄᭞ᬧᬸᬢᬸᬳᬮᬶᬢ᭄ᬳᬶᬲ᭄ᬢ᭄ᬭᬶᬳᬦᭀᬫ᭄᭞ᬭᬩᬶᬦᬾᬲᬫᬶᬓᬢᬭᬶ᭞ᬜᬳᬶᬜᬳᬶᬧᬥᬲᬫᬶ᭞ᬮᬘᬸᬃᬧᬲᬚᬧᬥᬢᬸᬫ᭄ᬩᬸᬄ᭞ᬢᬸᬫᬶᬢᬶᬲ᭄ᬓᬫᬥ᭄ᬬᬧᬥ᭞ᬫᬦᭂᬧᬸᬓᬶᬦ᭄ᬩᬸᬓᬚᬦᬶ᭞ᬚᬮᬦ᭄ᬢᬸᬢᬸᬕ᭄᭞ᬢᬢᬓᬶᬦ᭄ᬳᬚᬓ᭄ᬫᬓᭂᬚᬂ᭟ᬭ
ᬩᬶᬦ᭄ᬤᬦᬾᬲᬳᬸᬃᬲᭂᬫ᭄ᬩᬄ᭞ᬧᬢ᭄ᬮᬤ᭄ᬢᬤ᭄ᬗᭂᬜᬕᬂᬳᬢᬶ᭞ᬜᬮᬾᬫ᭄ᬧᭀᬄᬫᬗ᭄ᬮᬸᬢ᭄ᬘᭀᬓᭀᬃ᭞ᬳᬢᬹᬃᬫᬤᬸᬮᬸᬭᬦ᭄ᬢᬗᬶᬲ᭄᭞ᬲᬵᬫ᭄ᬧᬸᬦ᭄ᬫᬫᬜ᭄ᬚᬗᬂᬫᬮᬶᬄ᭞ᬤᬶᬓᬧᬦ᭄ᬢ᭄ᬯᬭᬫᬦᬳᬸᬭ᭄᭞ᬲᬶᬄᬤᬦᬾᬦᬾᬭᬶᬂᬢᬶᬢ᭄ᬬᬂ᭞ᬢᬸᬯᬶᬫᬶᬲᬤ᭄ᬬᬫ᭠
Kaca:Bali-lontar-gaguritan-rereg-gianyar-300ppi.pdf/54
Kaca puniki sampun kauji-wacén
