Kaca:Bali-lontar-gaguritan-rereg-gianyar-300ppi.pdf/53

[᭕᭒52B]
᭕᭒
ᬦ᭄ᬢᬶᬮ᭄᭞ᬳᬶᬗᬦᬦ᭄ᬲᬾᬤ᭄ᬥ᭞ᬳᬮᬶᬢ᭄ᬗᬸᬭᬄᬭᬶᬂᬩᬗ᭄ᬮᬶ᭟ᬳᬧᬦ᭄ᬫᬸᬮᬫᬯᬶᬤᬶᬗᬦ᭄ᬲᬓᬶᬂᬓᬸᬦ᭞ᬲᬗ᭄ᬓᬦᬶᬂᬓᬧᬶᬂᬲᬶᬲᬶᬧ᭄᭞ᬯᬸᬲ᭄ᬓᬲᬶᬦᬫ᭄ᬧᬸᬭ᭞ᬢᬹᬃᬓᬳᬶᬘ᭄ᬙᬦᬶᬂᬓᬯᬶᬢᬦ᭄᭞ᬳᬶᬩᬶᬦ᭄ᬢᬂᬓᬸᬓᬸᬲ᭄ᬫᬍᬯᬶᬄ᭞ᬮ᭄ᬯᬶᬃᬩ᭄ᬯᬬᬜᭂᬩᬓ᭄᭞ᬳᬧ᭄ᬢᬶᬫᬸᬗ᭄ᬲᬂᬫᬗ᭄ᬲᬶᬂ᭟ᬗᬸ
ᬭᬄᬳᭀᬓᬯ᭄ᬬᬓ᭄ᬢᬶᬢᭀᬂᬤᬤᬶᬳᬦ᭄ᬤᭂᬕᬂ᭞ᬩᬸᬤᬮ᭄ᬲᬓᬶᬂᬲᬸᬓᬵᬯᬢᬶ᭞ᬳᬗ᭄ᬲᭂᬗᬦᬾᬢᬸᬗ᭄ᬕᬄ᭞ᬫᬫᬃᬵᬕ᭄ᬕᬫᬭ᭠ᬭᬫ᭄ᬧ᭞ᬤᬶᬧᬢᬦᬸᬫ᭄ᬦᬾᬓ᭄ᬓᬗᬶᬦ᭄᭞ᬫᬲᭂᬫ᭄ᬩᬃᬲᭂᬫ᭄ᬩᬃ᭞ᬯ᭄ᬢᭂᬗᬾᬲᬸᬗ᭄ᬓᬦ᭄ᬓᬧ᭄ᬭᬫᬗ᭄ᬓᬶᬦ᭄᭟ᬤᬾᬯᬕ᭄ᬥᬾᬳᬕᬸᬂᬲᬸᬓᬵᬯᬢᬶᬦᬸᬢᬸᬕ᭄ᬲᬕᬺ
ᬳᬦ᭄᭞ᬭᬩᬶᬧᬸᬢ᭄ᬭᬫᬗᬶᬭᬶᬂ᭞ᬳᬶᬤᬾᬯᬚ᭄ᬭᭀᬧᬳᬂ᭞ᬲᬋᬂᬳᬶᬤᬾᬯᬗᬸᬭᬄ᭞ᬢ᭄ᬮᬲᬦ᭄ᬲᬤᬕᬶᬂᬧᬸᬭᬶ᭞ᬧᬜ᭄ᬚ᭄ᬭᭀᬯᬦ᭄ᬧᬋᬓᬦ᭄᭞ᬧᬜ᭄ᬚᬓ᭄ᬳᬓᬾᬄᬫᬗᬶᬭᬶᬂ᭟ᬓᬩᬶᬦᬯᬳᬶᬤᬘᭀᬓᭀᬃᬤᬦᬵᬕᬭ᭞ᬦ᭄ᬭᬚᬂᬗᬯᬸᬕ᭄ᬲᬓᬵᬯᬢᬶ᭞ᬢᬸ
ᬮ᭄ᬬᬲᬶᬗ᭄ᬳᬮᭀᬤ᭄ᬭ᭞ᬗᬸᬗ᭄ᬲᬶᬧ᭄ᬮᬬᬸᬦᬶᬂᬓᬶᬤᬂ᭞ᬳᬧ᭄ᬢᬶᬳᬜᬫ᭄ᬩᬓ᭄ᬳᬫᬦ᭄ᬢᬶᬂ᭞ᬗᬤᭀᬓᬂᬧᬜ᭄ᬚᬓ᭄᭞ᬲᬹᬃᬬ᭄ᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭟ᬕᬸᬫᬸᬭᬸᬄᬢᬢᬩᬸᬳᬦ᭄ᬯ᭄ᬬᬓ᭄ᬢᬶᬗᬺᬲᬶᬂᬫᬦᬄ᭞ᬭᬶᬂᬩᬜ᭄ᬘᬶᬗᬄᬮᬶᬗ᭄ᬕᬶᬄ᭞ᬬᬦ᭄ᬓᬦ᭄ᬤᬬᬂ᭞ᬭᬶᬂᬳᬩ᭄ᬢᬸᬄ
[᭕᭓53A]
ᬫᬮᬶᬄᬘᬭᬶᬢ᭞ᬢᭀᬫ᭄ᬧ᭄ᬮᭀᬓ᭄ᬧᬭᬭᬸᬤᬦ᭄ᬲᬸᬓᬵᬯᬢᬶ᭞ᬮᬦ᭄ᬳᬩ᭄ᬬᬦ᭄ᬲᭂᬤᬄ᭞ᬲᭂᬫᬶᬗ᭄ᬓᬶᬦ᭄ᬫᬯᭂᬯᭂᬄᬭᬶᬫ᭄ᬭᬶᬫ᭄᭟ᬤᬤᬶᬯ᭄ᬢᬸᬧᬧᬶᬦᭂᬳᬾᬫᬲᬮᬶᬲᬸᬳᬦ᭄᭞ᬢᭀᬩᬦ᭄ᬫᬶᬦᭂᬳᬶᬦ᭄᭞ᬮᬭᬧᬦ᭄ᬦᭂᬫᬸᬚᭂᬗᬄ᭞ᬬᬦ᭄ᬧᬸᬭᬸᬦ᭄ᬫᬓᬸᬓᬸᬳᬦ᭄᭞ᬢ᭄ᬯᬶ᭠
ᬢ᭄ᬯᬄᬫᬩᬭᬶᬩᬭᬶ᭞ᬭᬫᬾᬢᬂᬬᬸᬤ᭄ᬥ᭞ᬧᬦᬓᬾᬄᬫᬤ᭄ᬯᬾᬓᬦ᭄ᬢᬶ᭟ᬧᬗ᭄ᬤᬦᬶᬂᬢᬶᬢᬄᬯ᭄ᬢᬸᬤᬤᬶᬢ᭄ᬯᬭᬚ᭄ᬗᬄ᭞ᬓᬩᬦ᭄ᬤᬩᬦ᭄ᬳᭀᬓᬭᬩᬶ᭞ᬘᬸᬢᭂᬢ᭄ᬩᬦ᭄ᬦᬸᬢᬸᬭᬂ᭞ᬢ᭄ᬯᬄᬮᬓ᭄ᬱᬡᬦᬾᬲᬸᬩ᭞ᬢ᭄ᬯᬭᬓᭀᬤᬤᬶᬓ᭄ᬮᬶᬤᬶᬦ᭄᭞ᬲᬂᬫᬸᬮᬄᬳᬮ᭞ᬜ
ᬦ᭄ᬤᬂᬦᬫᬬᬂᬫᬗ᭄ᬓᬶᬦ᭄᭟ᬤᬜᬮᬳᬂᬕᬶᬮᬶᬭᬦ᭄ᬫᬫᬗ᭄ᬕᬶᬄᬮᬭ᭞ᬳᬩ᭄ᬬᬦ᭄ᬩᬲᬾᬲᬸᬓᬵᬯᬢᬶ᭞ᬓ᭄ᬥᭂᬄᬫᬢ᭄ᬮᬲᬦ᭄᭞ᬬᬤᬶᬦ᭄ᬫᬜ᭄ᬘᬲᬫ᭄ᬢᭀᬦᬦ᭄᭞ᬧᬕ᭄ᬭᭀᬂᬧᬥᬫᬗ᭄ᬮᬶᬂ᭞ᬢᬸᬯᬶᬫᬶᬓ᭄ᬥᭂᬳᬂ᭞ᬚᬕᬢᬾᬗᬶᬭᬶᬂᬓᬸᬓᬸᬳᬶᬦ᭄᭟ᬦᬶᬲ᭄ᬓ᭄ᬭᬡᬫᬢ᭄ᬕᭂᬳᬶᬦ᭄
ᬲ᭄ᬫᬦ᭄ᬳᬦᬓ᭄᭞ᬩ᭄ᬘᬶᬓ᭄ᬭᬢᬸᬳᬶᬭᬶᬓᬶ᭞ᬧᬘᬂᬫᬢ᭄ᬮᬲᬦ᭄᭞ᬳᬢᬹᬃᬧᬸᬦᬶᬓᬩᬯᬶᬲ᭄ᬬᬢᬶ᭞ᬦᬶᬲ᭄ᬢᬬᬦᬧᬸᬘᭂᬄ᭞ᬮᬶᬗ᭄ᬕᬶᬄ᭞ᬲᬗᬶᬦᬢᬸᬭᬦ᭄᭞ᬫ᭄ᬦᭂᬂᬢᬦᬜᬯᬸᬭᬶᬦ᭄᭟ᬓᬵᬭᬶᬩᭂᬮ᭄ᬩᭂᬮᬦ᭄ᬤᬦᬾᬲᬂᬢᬶᬕᬲᬦᬓ᭄᭞ᬦᭀᬭᬦᬾᬳᬢᬹᬃᬧᬶᬭᬕᬶ᭞ᬚᭂᬚᭂ