[᭓᭔34B]
᭓᭔
ᬗᬶᬦ᭄ᬤ᭄ᬭᬚᬮ᭞ᬫᬗ᭄ᬤᬾᬲᬶᬤ᭄ᬥᬫᬧᬶᬓᭀᬮᬶᬄ᭞ᬢ᭄ᬯᬶᬲᬩᬾᬂᬧᬸᬭ᭞ᬫᬦᬶᬲ᭄ᬯ᭄ᬢᬸᬫᬦᬲᬶᬦ᭄᭟ᬯᬾᬦ᭄ᬢᭂᬦ᭄ᬫᬮᬶᬄᬤ᭄ᬫᭂᬦ᭄ᬫᬳᬸᬜᬳᬸᬜᬬᬦ᭄᭞ᬭᬶᬓᬵᬮᬦ᭄ᬬᬓᬧᬗ᭄ᬕᬶᬄ᭞ᬲ᭄ᬥᭂᬓ᭄ᬭᬶᬂᬕ᭄ᬬᬜᬃ᭞ᬳᬾᬜᭀᬃᬫᬦᬕᬶᬄ᭞ᬫ᭄ᬯᬢᬂᬲ᭄ᬬ᭠
ᬧ᭄ᬦᬕᬶᬄᬦᬲᬶ᭞ᬋᬫᬹᬓ᭄ᬫᬗᭀᬃᬢ᭄ᬢ᭞ᬜ᭄ᬚᬸᬂᬜ᭄ᬚᬸᬂᬳᬯᬓ᭄ᬲᬩᬾᬂᬧᬸᬭᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬫᬧᬲᬗᬦ᭄ᬤᬾᬯᬕ᭄ᬥᬾᬲᬶᬗ᭄ᬕᬳᬦ᭄᭞ᬲᬓᬶᬂᬕᬾᬮ᭄ᬕᬾᬮ᭄ᬧ᭄ᬭᬤᬾᬰᬶ᭞ᬲ᭄ᬫᬸᬓᬧᬶᬢᬺᬱ᭄ᬡᬵᬦ᭄᭞ᬜᬶᬮᬶᬩ᭄ᬫᬗᬩᬳᭀᬃᬢ᭄ᬢ᭞ᬓᭀᬘᬧ᭄ᬧ
ᬘᬂᬓᬩᬸᬲ᭄ᬩᬸᬲᬶᬦ᭄᭞ᬤᬶᬦᬦᬾᬩᬾᬜ᭄ᬚᬂ᭞ᬳᬶᬕ᭄ᬥᬾᬫᬫᬵᬃᬕ᭄ᬕᬶᬲᬶᬲᬶᬧ᭄᭟ᬲ᭄ᬫᬸᬲᭂᬦ᭄ᬤᬸᬳᬾᬮᬶᬗᬾᬓᬭᬶᬓ᭠ᬩ᭄ᬭᬬᬦ᭄᭞ᬧᬲᬼᬢ᭄ᬜᬦᬾᬓᬢᬕᬶᬄ᭞ᬧᬘᬂᬓᬲᬶᬗ᭄ᬲᬾᬬᬂ᭞ᬯᭂᬓᬲ᭄ᬬᬦ᭄ᬓᬲᬶᬦᬫ᭄ᬧᬸᬭ᭞ᬇᬭᬶᬓᬵᬩᬸᬤᬮᬂᬫᬮᬶᬄ᭞
ᬕ᭄ᬥᬾᬢᬦ᭄ᬧᬜ᭄ᬚᬂ᭞ᬫᬶᬲᬤ᭄ᬬᬢ᭄ᬮᬲ᭄ᬲᬳᬶᬭᬶᬂ᭟ᬧᬾᬮᬾᬢ᭄ᬢᭀᬕᭀᬕ᭄ᬢᬸᬃᬫᬓᬓᬦ᭄ᬤᭂᬮᬦ᭄ᬫᬵᬲ᭄᭞ᬲᬭᬶᬢᬲᬵᬫ᭄ᬧᬸᬦ᭄ᬫᬫᬵᬃᬕ᭄ᬕᬶ᭞ᬓᬢᬸᬦ᭄ᬤᬸᬂᬓᬦᬹᬱ᭞ᬲᬲ᭄ᬯᬾᬦᬾᬫᬭᬶᬂᬦᬹᬱ᭞ᬢ᭄ᬯᬭᬳᬶᬗᭂᬢ᭄ᬫᬫᬧᬾᬢᬶᬦ᭄᭞ᬩ᭄ᬓᭂᬮ᭄ᬳᬩᬶᬤᬂ᭞᭠
[᭓᭕35A]
ᬫᬸᬲ᭄ᬩᬸᬲᬶᬦ᭄ᬲᬓᬶᬂᬲᬶᬮᬶᬩ᭄᭞ᬤ᭄ᬭᭀᬳᬓᬫᬶᬢ᭄ᬭᬦ᭄ᬪᬶᬦᬓᬤᬶᬲᬂᬩᬓ᭞ᬳᬶᬗ᭄ᬕᬶᬄᬬᬦ᭄ᬲᬂᬓᬧᬶᬂᬲᬶᬲᬶᬧ᭄᭞ᬓᬢᬸᬦ᭄ᬤᬸᬂᬓᬦᬹᬱ᭞ᬓᬜ᭄ᬘᬦ᭄ᬧᬲᭂᬓᬾᬭᬶᬂᬕ᭄ᬬᬜᬃ᭞ᬭᬳᬸᬄᬭᬶᬂᬓᬸᬭᬫᬲ᭄ᬲᬫᬶ᭞ᬢ᭄ᬕᬮ᭄ᬫ᭄ᬥᬳᬦ᭄᭞ᬫᬸᬗ᭄ᬕ᭄ᬯᬶᬂᬯᬵ
ᬱ᭄ᬝᬧᬸᬦᬶᬓᬶ᭟ᬕ᭄ᬥᬾᬧᬲᭂᬓ᭄ᬓᬵᬮᬶᬄᬳᬶᬓ᭄ᬢᬸᬢ᭄ᬲᭂᬓᬃ᭞ᬓ᭄ᬢᬸᬢ᭄ᬧᬲᭂᬓ᭄ᬫᬶᬦᬓᬵᬤᬶ᭞ᬮᬦ᭄ᬳᬶᬯᬬ᭠ᬦ᭄ᬳᬜ᭄ᬘᬕ᭄᭞ᬫᬥᬾᬋᬩᬸᬢ᭄ᬫᬥᬾᬋᬕᬄ᭞ᬳᬶᬕ᭄ᬮᬃᬳᬶᬘᬸᬩᬸᬂᬫᬮᬶᬄ᭞ᬲᬂᬧᬭᬲᬢ᭄ᬭᬶᬬ᭞ᬤᬾᬯᬩᬤᬸᬂᬲᬶᬲᬶᬧ᭄ᬳᬲᬶ
ᬓᬶ᭞ᬓᬭᬵᬚᬩᬬᬲᬶᬲᬶᬧ᭄ᬳᬦ᭄ᬢᬸᬓ᭄ᬧᬶᬰᬸᬦ᭞ᬧᬤ᭄ᬭᬸᬯᬾᬬᬦ᭄ᬜᬭᬦ᭄ᬤᬳᬶᬦ᭄᭞ᬭᬳᬸᬳᬶᬂᬧ᭄ᬬᬦᬓ᭄ᬲᭀᬫᬄ᭞ᬳᬓᬾᬄᬫᬮᬶᬄᬬᬦ᭄ᬢᬸᬢᬸᬭᬂ᭞ᬓᬧᬶᬂᬲᬶᬲᬶᬧ᭄ᬯᬾᬦ᭄ᬢᭂᬦ᭄ᬫᬵᬢᬶ᭞ᬢ᭄ᬯᬄᬚᬕᬢ᭄ᬭᬸᬦ᭄ᬤᬄ᭞ᬮᬾᬦ᭄ᬳᬤᬦᬶᬗ᭄ᬕᬮ᭄ᬕᬸᬫᬶ
᭟ᬢᬦ᭄ᬧᭀᬧᬫᬮᬾᬤᬂᬤᬍᬫᬾᬲᬢᬢ᭞ᬳᬶᬘᬳᬶᬘᬳᬦ᭄ᬲᬳᬶ᭞ᬲᬫ᭄ᬩᬶᬮ᭄ᬫᬮᬗ᭄ᬲᬶᬗᬦ᭄᭞ᬢᬦ᭄ᬲᬄᬧᬥᬡ᭄ᬥᬧᬶᬥᬥ᭞ᬗᬸᬮᬸᬗᬸᬮᬸᬗᬶᬦ᭄ᬗᬯᬾᬘᬶ᭞ᬢᬦ᭄ᬲᬸᬫᬗ᭄ᬲᬬ᭞ᬧᬸᬦᬧᬶᬫᬮᬶᬄᬲᭂᬫᬗᬶᬦ᭄᭞ᬯ
Kaca:Bali-lontar-gaguritan-rereg-gianyar-300ppi.pdf/35
Kaca puniki sampun kauji-wacén
