[᭓᭓33B]
᭓᭓
ᬧ᭄ᬭᬕᬦ᭄ᬳᬶᬤᬩᬕᬸᬲ᭄ᬭᬳᬶ᭞ᬳᬦᬾᬫᬮᬸ᭞ᬧ᭄ᬭᬬᬫᬗᭂᬫ᭄ᬩᬓᬂᬚᬕᬢ᭄᭟ᬚ᭄ᬗᬄᬩᬸᬤᬮ᭄ᬗᬸᬲᬧ᭄ᬢᬗᬦ᭄᭞ᬩᬭᬓ᭄ᬩᬶᬬᬶᬂᬩᬸᬓᬮᬦ᭄ᬢᬶᬕ᭄᭞ᬢ᭄ᬯᬄᬓ᭄ᬦᬧᬗᬶᬦ᭄ᬤ᭄ᬭᬚᬮ᭞ᬫᬥᬾᬧᬲᭂᬓ᭄ᬫᬗᬃᬤ᭄ᬥᬶᬦᬶᬦ᭄᭞ᬩ᭄ᬯᬶᬦ᭄ᬗᬤᭀᬯᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬢᬢᬕᭀᬦ᭄ᬳᬶ
ᬤᬤᬾᬯᬵᬕᬸᬂ᭞ᬧᬸᬢ᭄ᬭᬶᬲᬓᬶᬂᬕ᭄ᬬᬜᬃ᭞ᬓᬳᬫ᭄ᬩᬶᬮ᭄ᬓᬲᬸᬓᬵᬯᬢᬶ᭞ᬳᬶᬤᬾᬯᬵᬕᬸᬂ᭞ᬓ᭄ᬭᭀᬥᬦᬾᬫᬢᬸᬂᬢᬸᬂ᭠ᬳᬾᬭᬂ᭟ᬫᬲᬳᬸᬃᬦᬦᬂᬲᬫ᭄ᬧᬮᬦ᭄᭞ᬦᬄᬢᭀᬲᬚᬢ᭄ᬯᬭᬧ᭄ᬮᬶᬄ᭞ᬧᬦ᭄ᬲᬂᬭᬢᬸᬰᬹᬭᬥᬃᬫ᭄ᬫ᭞ᬫᬕᭂᬲᭃᬗᬦ᭄ᬲᬃᬯ᭄ᬯᬯᬾᬘᬶ
᭞ᬫᬕᭂᬳᬂᬰᬰᬡᬍᬯᬶᬄ᭞ᬗᬃᬤ᭄ᬥᬶᬦᬶᬦ᭄ᬚᬕᬢ᭄ᬭᬳᬬᬸ᭞ᬢᭀᬳᬶᬲᬶᬗ᭄ᬳᬭᬵᬚ᭞ᬤᬤᬶᬢ᭄ᬯᬭᬓᬩᬳᭀ᭠ᬲᬶᬦ᭄᭞ᬜᬭᬸᬜᬭᬸ᭞ᬫᬓᭂᬮᭀᬕ᭄ᬓᬳᬂᬯ᭄ᬮᬡ᭄ᬥ᭟ᬘᭂᬦ᭄ᬤᭂᬓ᭄ᬳᬶᬤ᭄ᬯᬕᬸᬂᬢ᭄ᬯᬄᬳᬶᬃᬱ᭄ᬬ᭞ᬳᬋᬧ᭄ᬭᬶᬂᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄ᬓᬕᬸᬗᬦᬾ
ᬩᬲ᭄ᬓᬮᬶᬯᬢ᭄ᬢ᭄ᬯᬄᬢᬾᬫᬲᬶᬄᬤᬍᬫ᭄ᬚᬢᬶ᭞ᬢᬶᬢᬶᬲ᭄ᬤᬍᬫ᭄ᬲᬕᬦᬶᬂ᭞ᬘᬳᬶᬩ᭄ᬮᬶᬤᬩᬲ᭄ᬮ᭄ᬬᬸ᭞ᬧ᭄ᬮᬧᬦᬶᬂᬫᬗᭀᬫᭀᬗᬂ᭞ᬳᬧᬂᬤᬫᬗᬯᬾᬧ᭄ᬮᬶᬄ᭞ᬘᬸᬢᭂᬢᬶᬧᬸᬦ᭄᭞ᬭᬱᬶᬤᬹᬃᬫ᭄ᬫᬶᬢᬦᬶᬂᬚᬕᬢ᭄᭟᭜᭟ᬧᬸᬧᬸᬄᬤᬹᬃᬫ᭄ᬫ᭟᭜᭟
[᭓᭔34A]
ᬢᬦᬶᬦᬸᬘᬧ᭄ᬳᬦᬓᬾᬳᬕᬸᬂᬫᬮᬶᬗ᭄ᬕᬶᬄᬭᬶᬂᬲᬢ᭄ᬭᬶᬬ᭞ᬳᬶᬭᬶᬗᬦ᭄ᬳᬓᬾᬄᬦᬶᬗ᭄ᬕᬮᬶᬦ᭄᭞ᬫᬗ᭄ᬮᬶᬤᬂᬳᬯᬓ᭄᭞ᬫᬗᬮᬶᬄᬧᬲᬬᬸᬩᬦ᭄᭞ᬓᬧᬸᬭᬶᬗᬢᬸᬭᬂᬪᬓ᭄ᬢᬶ᭞ᬭᬶᬂᬮᬶᬗ᭄ᬕᬦ᭄ᬳᬶᬤ᭞ᬤᬍᬫ᭄ᬫᬸᬦ᭄ᬤᭂᬭᬶᬂᬩᬮᬶ᭟ᬳᬓᬾᬄᬯᬾᬦ᭄ᬢᭂᬦ᭄ᬭᬭᬶᬲ᭄ᬓᬢᬸᬦ᭄ᬤᬸᬂ
ᬓᬦᬹᬱ᭞ᬧᬶᬰᬸᬦᬦᬾᬫᬫᬹᬃᬢ᭄ᬢᬶ᭞ᬳᬲᬶᬂᬦᬾᬓᬳᬾᬫᬦ᭄᭞ᬲᬤᬯᭂᬕ᭄ᬭᬶᬂᬕ᭄ᬬᬜᬃ᭞ᬤ᭄ᬭᬸᬯᬾᬦ᭄ᬜᬦᬾᬓᬚᬭ᭠ᬳᬶᬦ᭄᭞ᬓᬭᬵᬚᬩᬬ᭞ᬮᬾᬦ᭄ᬧᬥᭂᬫᬂᬧ᭄ᬭᬫᬗ᭄ᬓᬶᬦ᭄᭟ᬧ᭄ᬬᬦᬓ᭄ᬲᭀᬫᬄᬭᬶᬲ᭄ᬓᬳᬢᬹᬃᬓᬚ᭄ᬭᭀ᭞ᬫᬗ᭄ᬓᬶᬦ᭄ᬫᬭᬹᬧᬩ᭄ᬘᬶᬓ᭄
ᬤᬤᬶᬳᬶᬲᬶᬦ᭄ᬚ᭄ᬭᭀ᭞ᬳᬶᬗ᭄ᬕᬶᬄᬧᬸᬦᬶᬓᬧᬶᬲᬦ᭄᭞ᬲᬢᬢᬯᬦ᭄ᬢᬄᬧᬸᬦᬸᬚᬶ᭞ᬭᬶᬂᬧᬓᬬᬸᬦᬦ᭄᭞ᬳᬗ᭄ᬕᬾᬦ᭄ᬗᭂ᭠ᬩᭂᬓᬶᬦ᭄ᬧᬸᬭᬶ᭟ᬯᬦ᭄ᬢᬄᬪᬝᬭᬤᬍᬫ᭄ᬩᭀᬬᬫᬮᬶᬄᬫᬗ᭄ᬮᭀᬓᬶᬓ᭞ᬲᬶᬂᬳᬢᬹᬃᬓᬮᬶᬗ᭄ᬕᬦᬶᬦ᭄᭞ᬓ᭄ᬭᬡᬮ᭄ᬬᬸᬲᬮᬄ᭞
ᬫᬵᬢᬶᬩᬳᬦ᭄ᬧᬶᬰᬸᬦ᭞ᬚᭂᬚᭂᬄᬚᬕᬢᬾᬢᬦ᭄ᬲᬶᬧᬶ᭞ᬧᬗᬚ᭄ᬭᭀᬯᬦ᭄ᬕ᭄ᬬᬜᬃ᭞ᬲᬓᬢᬳᬶᬂᬳᬕᬸᬂᬳᬮᬶᬢ᭄᭟ᬧ᭄ᬭᬓᬗ᭄ᬕᬾᬫᬾᬦᬵᬳᬓ᭄ᬓ᭄ᬮᬸᬂᬓᬸᬂᬫᬍᬯᬶᬄᬍᬯᬶᬳᬦ᭄᭞ᬓᬤᬶᬪᬹᬢᬳᬦᭀᬦ᭄ᬪᬸᬓ᭄ᬢᬶ᭞ᬫᬫᭂᬜ᭄ᬘᬭᬂᬤᬬ᭞ᬩ᭄ᬯᬢᬶᬂᬧ
Kaca:Bali-lontar-gaguritan-rereg-gianyar-300ppi.pdf/34
Kaca puniki sampun kauji-wacén
