Kaca:Bali-lontar-gaguritan-rereg-gianyar-300ppi.pdf/22

[᭒᭑21B]
᭒᭑
ᬢᬶᬢ᭄ᬬᬂ᭟ᬲᬤᬾᬗᬾᬲᬾᬭᬂᬫᬗᬓ᭄᭞ᬫᬦᭀᬮᬶᬄᬮᬳᬸᬢ᭄ᬫᬫᬸᬜᬶ᭞ᬫᬦᬶᬲ᭄ᬋᬫ᭄ᬧᬹᬄᬲᬤᬩᬦ᭄ᬩᬦ᭄᭞ᬘ᭄ᬦᬶᬂᬓ᭄ᬢᬸᬢ᭄ᬲᬸᬓᬵᬯᬢᬶ᭞ᬩᬢᭂᬓ᭄ᬳᬶᬥᭂᬧᬾᬚᬦᬶ᭞ᬩᬶᬦ᭄ᬧᬶᬤᬦ᭄ᬘᭂᬦᬶᬂᬫᬤᬸᬳᬸᬃ᭞ᬬᬦᬶᬂᬳᬤᬉᬧᬬ᭞ᬧᬘᬂᬕ᭄ᬮᬭᬂᬦᬾ
ᬚᬦᬶ᭞ᬩᬧᬫᬶᬮᬸᬢᬸᬯᬶᬕᬕ᭄ᬮᬭᬦ᭄ᬳᬓᬲ᭄᭟ᬳᬧᬂᬲᬸᬩᬦᬦ᭄ᬩᬲ᭄ᬳᬶᬮᬂ᭞ᬲ᭄ᬯᬾᬘ᭄ᬙᬦ᭄ᬪᬝᬵᬭᬭᬶᬂᬘ᭄ᬦᬶᬂ᭞ᬬᬦ᭄ᬤᬶᬗᭂᬄᬩᬧᬢᬸᬢᬸᬭᬦ᭄᭞ᬲᬂᬓᬳᬶᬘ᭄ᬙᬾᬦ᭄ᬨᬮᬩᬸᬓ᭄ᬢᬶ᭞ᬩᬳᬸᬭᬂᬧᬢᬶᬳᬸᬭᬶᬧ᭄᭞ᬭᬶᬢᬢ᭄ᬓᬵᬮᬦᬶᬂᬧᬓᬾᬯᬸᬄ᭞ᬳ
ᬦᬓᬾᬩᬸᬓᬩᬧ᭞ᬩᬦ᭄ᬢ᭄ᬯᬦᬾᬳᬫ᭄ᬩᬸᬮ᭄ᬚᬦᬶ᭞ᬲᭀᬓ᭄ᬲᬢᬸᬭᬸᬢ᭄᭞ᬫᬳᬗᬶᬦ᭄ᬢᬾᬳᬦᬾᬲᬬᬗᬂ᭟ᬢᬹᬢ᭄ᬲᬭᬳ᭄ᬦᭂᬓ᭄ᬦᬶᬗᭂᬳᬂ᭞ᬳᭂᬗ᭄ᬲᭂᬓ᭄ᬚᭂᬗᬄᬩᬸᬓᬮᬦ᭄ᬢᬶᬕ᭄᭞ᬩᭂᬗᭀᬂᬢ᭄ᬯᬭᬧᭂᬲᬸᬭᬳᭀᬲ᭄᭞ᬭᭀᬯᬗᬾᬢ᭄ᬮᬲ᭄ᬗᬮ
ᬳᬶᬦ᭄᭞ᬩᬸᬓᬧᬹᬳᬾᬩᬸᬢ᭄ᬩᬸᬢᬶᬦ᭄᭞ᬧᬸᬦᬧᬶᬓᬳᬗ᭄ᬕᬾᬦ᭄ᬫᬓ᭄ᬩᬸᬃ᭞ᬚᬦᬶᬩᬜᬳᭀᬮᬕᬦ᭄᭞ᬫᬕᬸᬳᬸᬗᬦ᭄ᬓ᭄ᬭᬜ᭄ᬚᬂᬘ᭄ᬭᬶᬓ᭄᭞ᬮᬢ᭄ᬮᬢ᭄ᬫᬦᬸᬓ᭄᭞ᬫᬾᬄᬩᬩᬓ᭄ᬤᬶᬧᬢᭀᬗᭀᬲᬦ᭄᭟ᬧᬸᬦᬧᬶᬫᬮᬶᬄᬩᬳᭀᬲᬂ᭞ᬚᬤ᭄ᬫ
[᭒᭒22A]
ᬢᬫ᭄ᬩᭂᬢ᭄ᬫᬩᭂᬢ᭄ᬭᬶᬭᬶᬄ᭞ᬧᭀᬮᬶᬄᬦᬗ᭄ᬓᭂᬩᬂᬓᬓᭂᬜ᭄ᬘᬦ᭄᭞ᬓ᭄ᬭᬡᬯᬾᬦ᭄ᬢᭂᬦ᭄ᬓᬤᬶᬫᬗ᭄ᬓᬶᬦ᭄᭞ᬢᬦ᭄ᬘᬭᬶᬢᬧᬸᬦᬶᬓᬶ᭞ᬲᬵᬫ᭄ᬧᬸᬦ᭄ᬫᬧᬸᬢᬸᬲᬦ᭄ᬫᬦ᭄ᬢᬸᬓ᭄᭞ᬲᬭᬳᬸᬳᬾᬭᬶᬂᬕ᭄ᬬᬜᬃ᭞ᬗᬢᬸᬭᬶᬦ᭄ᬲᬧᬭᬳᬶᬲ᭄ᬢ᭄ᬭᬶ᭞ᬫᬗ᭄ᬤᬾᬧᬸᬧᬸᬮ᭄᭞
ᬭᬳᬸᬄᬭᬶᬂᬚ᭄ᬭᭀᬩᬜ᭄ᬚᬭᬗ᭄ᬓᬦ᭄᭟ᬩᬳᬸᬫᬤᬩ᭄ᬤᬩ᭄ᬫᬫᬵᬃᬕ᭄ᬕ᭞ᬳᬸᬫ᭄ᬬᬂᬢᬗᬶᬲ᭄ᬲᬚ᭄ᬭᭀᬧᬸᬭᬶ᭞ᬮ᭄ᬯᬶᬃᬕᬸᬭᬸᬄᬓᬃᬯᬶᬓᬲᬸᬫ᭄ᬬᭀᬓ᭄᭞ᬳᬭᬶᬭᬶᬲ᭄ᬧᬗ᭄ᬮᬸᬗᬶᬗᬓ᭄ᬱᬶ᭞ᬲᬫ᭄ᬩᬢ᭄ᬲᬫ᭄ᬩᬣᬫ᭄ᬮᬤ᭄ᬲᬶᬄ᭞ᬥᬹᬄᬲᬸᬲᬸᬳᬸᬦᬦ᭄ᬢᬶᬢ᭄ᬬᬂᬭᬢᬸ᭞ᬲᬵ᭠
ᬫ᭄ᬧᬸᬦ᭄ᬮᬮᬶᬗᬜ᭄ᬚᬓᬂ᭞ᬤᬶᬓᬧᬦ᭄ᬧᬶᬦ᭄ᬢᭂᬮ᭄ᬲᬸᬪᬓ᭄ᬢᬶ᭞ᬧ᭄ᬭᬬᬦᬳᬸᬃ᭞ᬬᬤᬶᬦ᭄ᬭᬶᬂᬬᬫᬡᬶᬮᭀᬓ᭟ᬧᬥ᭠ᬡ᭄ᬥᬳᬶᬲ᭄ᬢ᭄ᬭᬶᬗᬦ᭄ᬤᬶᬓ᭞ᬧᬓ᭄ᬭᬾᬢᬾᬲ᭄ᬳᬲ᭄ᬫᬸᬢᬗᬶᬲ᭄᭞ᬭᬢᬸᬭᬢᬸᬲᬋᬂᬲᬫ᭄ᬬᬦ᭄᭞ᬲᬵᬫ᭄ᬧᬸᬦ᭄ᬢᬤᬳᬢ᭄ᬳᬦᬗᬶᬲ᭄᭞ᬰ
ᬰᬡᬦ᭄ᬭᬢᬸᬦᬾᬳᬶᬲ᭄ᬢ᭄ᬭᬶ᭞ᬮ᭄ᬯᬶᬃᬓᬧᬢᬶᬩ᭄ᬭᬢᬕᬶᬦᬸᬂ᭞ᬧᬕᭂᬳᬶᬂᬫᬗᬳᬸᬮ᭞ᬧᬸᬦᬶᬓᬜᬦ᭄ᬤᬂᬳᬶᬦᬶᬲ᭄ᬢᬶ᭞᭠ᬳᬦᬓ᭄ᬳᬕᬸᬂ᭞ᬕᬾᬩ᭄ᬭᬲᬂᬭᬶᬂᬧᬓᬬᬸᬦᬦ᭄᭟ᬓ᭄ᬦᬶᬲᬵᬫ᭄ᬧᬸᬦ᭄ᬓᬤᬶᬲ᭄ᬭᬦ᭄ᬢ᭞ᬪᬝᬵᬭᬲᬸᬯᬾᬜᬦ᭄ᬢᭀᬲᬶᬦ᭄᭞ᬘᬸᬢᭂ᭠