Kaca:Bali-lontar-gaguritan-rereg-gianyar-300ppi.pdf/21

[᭒᭐20B]
᭒᭐
ᬩᬸᬓᬤᬭᬾᬢᬦᬾᬦᬕᬶᬄ᭞ᬬᬤ᭄ᬬᬳᬦ᭄ᬤᭂᬕᬂ᭞ᬲᬸᬫᬗ᭄ᬓᬶᬦ᭄ᬫᬓ᭄ᬧᬓ᭄ᬫᬫᬦ᭄ᬢᬶᬂ᭟ᬳᬲᬧᬸᬦᬶᬓᬲᭀᬢ᭠ᬦᬶᬂᬳᬦᬓ᭄ᬫᬦᬶᬦ᭄ᬤᬶᬳᬂ᭞ᬤᬾᬰᬲᬸᬳᬸᬂᬓᬘᬼᬧᬶᬦ᭄᭞ᬲᬭᬾᬫᬾᬗᬶᬕᭂᬮᬂ᭞ᬢ᭄ᬯᬭᬢᭀᬜᬦ᭄ᬤᬂᬘᬼᬕᭂᬓᬂ᭞ᬭᬶᬂᬓ᭄ᬮᬸᬂᬓᬸᬂ
ᬓᬳᬸᬘᬧ᭄ᬫᬮᬶᬄ᭞ᬧᬫᬓ᭄ᬥᬧᬦ᭄᭞ᬮᬬᬸᬢᬶᬦᬶᬩᬾᬂᬭᬯᬶ᭟᭜᭟ᬧᬸᬧᬸᬄᬲᬶᬦᭀᬫ᭄᭟᭜᭟ᬳᬶᬤᬳᬦᬓ᭄ᬳᬕᬸᬂᬗᬸᬭᬄ᭞ᬧ᭄ᬭᬲᬗ᭄ᬕᬦᬸᬦᬲ᭄ᬫᬧᬫᬶᬢ᭄᭞ᬲᬸᬫᬗ᭄ᬲᬬᬓᭂᬲ᭄ᬬᬩ᭄᭞ᬫᬾᬮᬶᬂᬭᬶᬂᬳᬶᬤᬳᬶᬳᬚᬶ᭞ᬲ᭠
ᬫ᭄ᬢᭀᬦ᭄ᬳᬮᬶᬢ᭄ᬳᬮᬶᬢ᭄᭞ᬳᬶᬲ᭄ᬢ᭄ᬭᬶᬤᬸᬭᬸᬂᬧᭂᬧᭂᬓ᭄ᬭᬳᬸᬄ᭞ᬲᬫᬮᬶᬄᬯᬾᬦ᭄ᬢᭂᬦ᭄ᬳᭀᬃᬢ᭄ᬢ᭞ᬬᬦ᭄ᬢᬓᭀᬘᬧ᭄ᬲᬶ᭠ᬓᭂᬧ᭄ᬩᬗ᭄ᬮᬶ᭞ᬧᬬᬗᬫᬹᬓ᭄᭞ᬦᬸᬳᬸᬓ᭄ᬲᬲᬶᬤ᭄ᬥᬲᬶᬤ᭄ᬥᬳᬦ᭄᭟ᬳᬢᬸᬭᬾᬫᬶᬲᭂᬋᬂᬧᬶᬲᬦ᭄᭞ᬓᬵᬮᬶᬄᬲᬵᬫ᭄ᬧᬸᬦ᭄ᬲ᭄ᬯ᭠
ᬭᬦ᭄ᬩᭂᬤᬶᬮ᭄᭞ᬓ᭄ᬦᬶᬲᬵᬫ᭄ᬧᬸᬦ᭄ᬓᬳᬾᬗ᭄ᬕᬢᬂ᭞ᬧ᭄ᬭᬬᬫᬗ᭄ᬫᬶᬢ᭄ᬳᬶᬳᬚᬶ᭞ᬲᬸᬗ᭄ᬓᬦᬦ᭄ᬓᬮᬶᬄᬮᬶᬗ᭄ᬲᬶᬃ᭞ᬕᭂᬫ᭄ᬩᬭᬸᬬᬸᬤ᭄ᬧᭂᬘᬓ᭄ᬭᬸᬦ᭄ᬢᬸᬄ᭞ᬓᬳᬶᬘ᭄ᬙᬾᬦ᭄ᬧᬦᬸᬕ᭄ᬭᬳᬦ᭄᭞ᬭᬭᬶᬲ᭄ᬫᬤᬩ᭄ᬤᬩ᭄ᬫᬫᬃᬵᬕ᭄ᬕᬶ᭞ᬕ᭄ᬮᬶᬲ᭄ᬫᬦ᭄ᬢᬸᬓ᭄᭞ᬭᬳᬸᬄᬭᬶᬂᬚ᭄ᬭᭀ
[᭒᭑21A]
ᬩᬜ᭄ᬚᬭᬗ᭄ᬓᬦ᭄᭟ᬲᬭᬳᬸᬳᬾᬭᬭᬶᬲ᭄ᬜᬸᬫ᭄ᬩᬄ᭞ᬳᬢᬸᬭᬾᬫᬢᬸᬂᬢᬸᬂᬢᬗᬶᬲ᭄᭞ᬜᬮᬾᬫ᭄ᬧᭀᬄᬗ᭄ᬩᭂᬓᬶᬦ᭄ᬧᬗ᭄ᬓᭀᬦ᭄᭞ᬳᬦᬓ᭄ᬳᬕᬸᬂᬓᬤᬶᬫᬗ᭄ᬓᬶᬦ᭄᭞ᬤᬸᬄᬓᬶᬢᬦᬾᬓᬧᬗ᭄ᬕᬶᬄ᭞ᬓᬮ᭄ᬩᬸᬭᬶᬓᬯᬄᬳᭂᬦ᭄ᬤᬸᬢ᭄᭞ᬫᬮᬶᬄᬧᬶ
ᬤᬦ᭄ᬧᬘᬂᬮᬸᬓᬢ᭄᭞ᬲᬲᬸᬗ᭄ᬓᬦᬶᬂᬧᬜ᭄ᬘᬩᬸᬫᬶ᭞ᬲᬶᬮᬶᬄᬧᭂᬓᬸᬮ᭄᭞ᬩᬩᬳᭀᬲᬾᬫᬢᬢᬗᬶᬲᬦ᭄᭟ᬳᬶᬓ᭄ᬢᬸᬢ᭄ᬧᬲᭂᬓ᭄ᬩᭂᬢᬾᬦᬦ᭄᭞ᬫᬜᬸᬫ᭄ᬩᬄᬳᬢᬸᬭᬾᬗ᭄ᬮᬶᬂ᭞ᬲᬵᬫ᭄ᬧᬸᬦ᭄ᬭᬢᬸᬫᬫᬜ᭄ᬚᬗᬂ᭞ᬧᬦᬶᬢᬄᬳᬶᬤᬳ᭄ᬬᬂᬯᬶ
ᬤ᭄ᬥᬶ᭞ᬯᬦ᭄ᬢᬄᬳᬲᬧᬸᬦᬶᬓᬶ᭞ᬯᬢᭂᬲ᭄ᬧᬦᬸᬕ᭄ᬭᬦᬾᬤᬸᬫᬸᬦ᭄᭞ᬳᬸᬲᬦᬂᬫᬜᬸᬗ᭄ᬓᬦᬂ᭞ᬲᬸᬫᬶᬗ᭄ᬓᬶᬦ᭄ᬫᬯᬾ᭠ᬯᬾᬄᬤᬓᬶ᭞ᬫᬗ᭄ᬤᬾᬮᬶᬲᬸᬄ᭞ᬧᬓᬬᬸᬦᬾᬫᬫᬶᬦᭂᬳᬂ᭟ᬩ᭄ᬘᬶᬓᬂᬫᬗᬫᭀᬂᬬᬸᬱ᭞ᬧᬕᭂᬳᬂᬧᬘᬂᬦᬢᬓᬶ᭠
ᬦ᭄᭞ᬬᬤ᭄ᬬᬦ᭄ᬭᬳᬸᬄᬧᬦ᭄ᬤᬾᬯᬢᬦ᭄᭞ᬭᬶᬂᬘᭀᬓᭀᬃᬳᬶᬤᬾᬯᬓᬵᬮᬶᬄ᭞ᬳᬶᬳᬭᬶᬱᬥᬲᬫᬶ᭞ᬧᬸᬦᬶᬓᬳᬗ᭄ᬕᬾᬦ᭄ᬧᬦᬳᬸᬃ᭞ᬪᬓ᭄ᬢᬶᬦᬾᬫᬗᬳᬸᬮ᭞ᬢᬶᬢ᭄ᬬᬂᬫᬶᬲᬤ᭄ᬬᬫᬗᬶᬭᬶᬂ᭞ᬧ᭄ᬭᬬᬦᬳᬸᬃ᭞ᬥᬦᬦᬾᬢᬶᬩᬭᬶᬂ