[᭑᭖16B]
ᬚ᭄ᬭᭀ᭞ᬫᬜ᭄ᬘᬩᭀᬬᬫᬗᬢᬸᬭᬶᬦ᭄᭞ᬓᬤᬶᬳᬢᬹᬃᬳᬦᬓ᭄ᬳᬕᬸᬂᬕ᭄ᬥᬾᬭᬓ᭟ᬓ᭄ᬥᭂᬄᬫᬗᬢᬸᬭᬶᬦ᭄ᬮᬸᬗ᭄ᬳ᭞ᬧᬦ᭄ᬲᬵᬫ᭄ᬧᬸᬦ᭄ᬤᬾᬯᬵᬕᬸᬂᬭᬳᬶ᭞ᬋᬦ᭄ᬢᭂᬳᬶᬂᬩᬲᬫᬋᬓᭀ᭞ᬳᬃᬱᬧᬘᬂᬫᬦᬢᬓᬶᬦ᭄᭞ᬳᬶᬤᬳᬦᬓ᭄ᬳᬕᬸᬂᬫᬗ᭄ᬕᬶᬲ᭄᭞᭠
ᬥᬃᬫ᭄ᬫᬦᬶᬲ᭄ᬓᬵᬮᬦᬾᬚᬸᬚᬸᬃ᭞ᬦᬾᬯᬕ᭄ᬥᬾᬳᬩ᭄ᬬᬦ᭄ᬲᭂᬤᬄ᭞ᬤᬾᬯᬢᬸᬮᬶᬓᬸᬧ᭄ᬫᬜᬋᬗᬶᬦ᭄᭞ᬫᬧᬧᬸᬗᬸ᭞᭠ᬭᬶᬧᬸᬭᬶᬗᬶᬭᬶᬂᬫᬢ᭄ᬮᬲᬦ᭄᭟ᬳᬓᬾᬄᬓᬂᬓᬵᬭᬶᬲᬸᬪᬓ᭄ᬢ᭄ᬬ᭞ᬤᬸᬭᬸᬂᬓᬯᭂᬲᬶᬂᬓᬯᬦᬶᬦ᭄᭞ᬓᬾᬯᬦ᭄ᬢᭂᬦ᭄ᬘᭀᬓᭀᬃᬳᬶᬤᬾ
ᬯ᭞ᬮᬸᬕ᭄ᬭᬳᬶᬘ᭄ᬙᬫᬗᬓ᭄ᬱᬶ᭞ᬳᬦᬓᬾᬳᬕᬸᬂᬜᬳᬸᬭᬶᬦ᭄᭞ᬤᬦ᭄ᬤᬾᬦ᭄ᬳᬤᬶᬓᬤ᭄ᬮᬸᬫᬸᬓ᭄᭞ᬳᬧᬦ᭄ᬕᬸᬫᬶᬓᬳᬢᬸᬭᬂ᭞ᬭᬶᬂᬳᬶᬤᬲᬂᬫᬸᬢᭂᬃᬩᬮᬶ᭞ᬳᬧᬂᬮᬶᬘᬸᬄ᭞ᬲᬸᬪᬓ᭄ᬢᬶᬦᬾᬫᬫᬋᬓᬦ᭄᭟ᬩᬲᬫᬦ᭄ᬳᬶᬤᬾᬯᬵᬕᬸᬂᬦᬾᬲᬸᬩ᭞
ᬢ᭄ᬯᬄᬳᬶᬤᬫᬗᬃᬤ᭄ᬥᬶᬦᬶᬦ᭄᭞ᬩᬭᬳᬬ᭄ᬯᬦ᭄ᬩᭂᬮᬶᬤᬶᬕ᭄ᬬᬜᬃ᭞ᬢᭀᬳᬤᬶᬚᬮᬦ᭄ᬢᬢᬓᬶᬦ᭄᭞ᬳᬶᬭᬶᬗᬂᬲᬓᬶᬂᬳᬭᬶᬲ᭄᭞ᬲᬥᬹᬥᬃᬫ᭄ᬫᬦᬾᬚ᭄ᬯᬚᬸᬚᬸᬃᬯ᭄ᬬᬤᬶᬦ᭄ᬫᬨᬮᬳ᭄ᬜᬕ᭄᭞ᬦᬶᬲ᭄ᬓᬵᬮᬚ᭄ᬯᬳᬶᬦᬶᬲ᭄ᬢᬶ᭞ᬩ᭄ᬬᬓ᭄ᬢᬦᬸ᭞ᬢ᭄ᬓᬦᬶᬂᬧ᭄ᬭᬢᬶ
[᭑᭗17A]
ᬲᬦ᭄ᬢᬦ᭟ᬗᬤᭂᬕ᭄ᬢᬸᬃᬫᬤᬦ᭄ᬤᬦ᭄ᬢᬗᬦ᭄᭞ᬳᬶᬭᬓᬲᬋᬂᬫᬗᬶᬭᬶᬂ᭞ᬓᬦᬓ᭄ᬳᬕᬸᬂᬫᬥᬾᬭᬓ᭞ᬓᬕ᭄ᬥᭀᬗ᭠ᬦ᭄ᬲᬋᬂᬓᬵᬮᬶᬄ᭞ᬫᬩᬳᭀᬲ᭄ᬫᬸᬩᭂᬢ᭄ᬓᭀᬭᬶ᭞ᬬᬦᬧᬲᬶᬗᬶᬢᬶᬂᬓᬬᬸᬦ᭄᭞ᬢᭀᬂᬳᬤᬩᬦᬶᬫᬢᬗᬄ᭞ᬯᬶᬭᬾᬄ
ᬩᬩᬳᭀᬲᬦ᭄ᬧᬶᬗᬶᬢ᭄᭞ᬓᬤᬶᬩ᭄ᬬᬸᬃ᭞ᬧᬫᬶᬦᭂᬳᬾᬭᬶᬂᬚᬩᬳᬦ᭄᭟ᬳᬓᬾᬄᬋᬓᬾᬬᬦᬸᬘ᭠ᬧᬂ᭞ᬧᬫᬸᬗᬸᬦᬾᬤᬸᬓ᭄ᬭᬶᬂᬯ᭄ᬗᬶ᭞ᬫᬲᬶᬄᬢ᭄ᬯᬭᬓᬮᬶᬗ᭄ᬕᬦ᭄᭞ᬧᬥᬡ᭄ᬥᬲᬹᬃᬬ᭄ᬬᬲᭂᬫᬸᬢᬗᬶᬲ᭄᭞ᬫᬮᬶᬄᬧ᭄ᬭᬕᬸᬗᬾᬲ
ᬫᬶ᭞ᬲᬫᬶᬫᬶᬢᬳᭂᬦ᭄ᬧᬓᬾᬯᬸᬄ᭞ᬫᬮᬶᬄᬯᬾᬦ᭄ᬢᭂᬦ᭄ᬫᬦᭂᬓᭂᬲᬦ᭄᭞ᬢᬦ᭄ᬲᬶᬫ᭄ᬧᬂᬳᬢᬸᬭᬾᬗᬹᬦᬶ᭞ᬫᬥᬾᬧᬲᭂᬓ᭄᭞ᬬᬦ᭄ᬳᭂᬫ᭄ᬩᬓ᭄ᬢᬦ᭄ᬯᬗ᭄ᬤᬾᬭᬸᬲᬓ᭄᭟ᬳᬾᬜ᭄ᬚᬂᬫᬮᬶᬄᬓᬯᬸᬯᬸᬲᬦ᭄᭞ᬳᬶᬤᬳᬦᬓᬾᬳᬕᬸᬂᬫᬗ᭄ᬕᬶᬲ᭄᭞
ᬲᬵᬫ᭄ᬧᬸᬦ᭄ᬯᬸᬲ᭄ᬫᬗ᭄ᬓᬶᬦ᭄ᬫᬲᬸᬘ᭄ᬬᬦ᭄᭞ᬧ᭄ᬭᬯᬶᬓᬹᬫᬗ᭄ᬓᬶᬦ᭄ᬓᬵᬢᬸᬭᬶᬦ᭄᭞ᬧᬘᬂᬦᭂᬤᬸᬦᬂᬧᬗᬯᬶᬦ᭄᭞ᬓ᭄ᬭᬶᬲ᭄ᬓᬯᬶᬢᬦ᭄ᬧᬸᬦᬶᬓᬸ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬓᬢ᭄ᬥᬸᬦᬂ᭞ᬩᬳᬭᬸᬧᬘᬂᬫᬗᬶᬭᬶᬂ᭞ᬓᬓ᭄ᬮᬸᬂᬓᬸᬂ᭞ᬧᬗᬶᬭᬶᬂᬲᬵᬫ᭄ᬧᬸᬦ᭄ᬫᬗᬫ᭄ᬩ᭄ᬬᬃ᭟ᬫ᭄ᬥᬮ᭄ᬭ᭠
Kaca:Bali-lontar-gaguritan-rereg-gianyar-300ppi.pdf/17
Kaca puniki sampun kauji-wacén
