[᭑᭔᭙149B]
᭑᭔᭙
ᬦ᭄ᬲᬸᬗ᭄ᬕᬧᭀᬮᬶ᭟ᬢᬦᬲᬸᬯᬾᬋᬦᭂᬲ᭄ᬕ᭄ᬮᬃᬩᬮᬸᬂᬫ᭄ᬩᬂᬧᬸᬦᬶᬓ᭞ᬚᬕᬢᬾᬤᬸᬭᬸᬂᬓ᭄ᬦᬶ᭞ᬗᬯᬸᬮᬓᬕ᭄ᬬᬜᬃ᭞ᬚ᭠ᬕᬢ᭄ᬧᬾᬚᬾᬂᬮᬦ᭄ᬳᬧ᭄ᬯᬦ᭄᭞ᬤᬰᬤᬾᬰᬫᬓᬲᬫᬶ᭞ᬫᬮᬶᬄᬧᬬᬗᬦ᭄᭞ᬲᬶᬤᬦ᭄ᬢᬮᬶᬓᬸᬧ᭄ᬦᬶᬓᬫᬮᬶᬄ᭟ᬩᬜ᭄ᬚᬭ᭠
ᬗ᭄ᬓᬦ᭄ᬜᬮ᭄ᬬᬦ᭄ᬭᬯᬸᬄᬓᬩᬸᬂᬩᬸᬗᬦ᭄᭞ᬧᬸᬦᬶᬓᬦᬾᬤᬸᬭᬸᬂᬓ᭄ᬦᬶ᭞ᬢᬸᬮᬓ᭄ᬓᬕ᭄ᬬᬜᬃ᭞ᬓ᭄ᬮᬸᬗ᭄ᬓᬸᬂᬫᬗᬫᭂᬮᬂ᭞ᬚᬕ᭠ᬢᬾᬤᬗᬶᬦ᭄ᬫᬮᬗᬶᬢ᭄᭞ᬓᬲ᭄ᬬᬦ᭄ᬧᬸᬦᬶᬓ᭞ᬩᬗ᭄ᬮᬶᬦᬾᬗᬫᭂᬮ᭄ᬲᬫᬶ᭟ᬲᬧᬸᬦᬶᬓᬳᬶᬦ᭄ᬤᬶᬓᬾᬓᭀᬘᬧ᭄ᬭᬶᬂᬓᬸᬦ᭞ᬧᬫᬶᬗ᭄ᬕ᭠
ᬢ᭄ᬳᬦᬓ᭄ᬳᬕᬸᬂᬓᬵᬮᬶᬄ᭞ᬫᬦ᭄ᬢᬸᬓ᭄ᬓᬕ᭄ᬬᬜᬃ᭞ᬯᬯᬸᬲᬄᬲ᭄ᬓᬳᬶᬂᬲᬢ᭄ᬭᬶᬬ᭞ᬢᬦᬸᬘᬧ᭄ᬧᬸᬗ᭄ᬕᬯᬲᬫᬶ᭞ᬪᬓ᭄ᬢᬶᬗᬯᬸᬮ᭞ᬗᬦᬹᬢᬶᬦ᭄ᬓᬤᬶᬭᬶᬳᬶᬦ᭄᭟ᬭᬗ᭄ᬓᬸᬂᬲᬸᬗ᭄ᬓᬯᬲᬂᬧᬭᬭᭀᬚᬧᬸᬗ᭄ᬕᬯ᭞ᬮᬦ᭄ᬧ᭄ᬭᬫᬜ᭄ᬘᬲᬫᬶ᭞ᬩᬮᬾᬳᬓᬾᬄᬢ᭄ᬮᬲ᭄᭞ᬢᬸᬮ᭄ᬬ
ᬢ᭄ᬕᬮ᭄ᬫᬮᬓᬂ᭞ᬢᭀᬂᬳᬤᬕ᭄ᬦᬄᬫᬮᬶᬗ᭄ᬕᬶᬄ᭞ᬭᬶᬂᬚ᭄ᬭᭀᬓᬤᬢ᭄ᬯᬦ᭄᭞ᬧᭂᬘᬓ᭄ᬩᬗ᭄ᬮᬶᬦᬾᬜᬭᬳᬶᬦ᭄᭟ᬧ᭄ᬭᬫᬗ᭄ᬓᬶᬦ᭄ᬫᬓᬃᬵᬬ᭄ᬬᬧᬓᭀᬍᬫ᭄ᬗ᭄ᬳᬶᬂᬘᬘᬗ᭄ᬕᬳᬦ᭄᭞ᬳᬗ᭄ᬕᬾᬦ᭄ᬧᬗᬦ᭄ᬢᬶ᭞ᬯ᭄ᬬᬓ᭄ᬢᬶᬳᬲᬓ᭄ᬱᬡ᭞ᬲᭀᬢ
[᭑᭕᭐150A]
ᬦᬶᬂᬧᬥᬕᬶᬭᬂ᭞ᬲᬤᬕᬶᬂᬧ᭄ᬯᬋᬕᬦ᭄ᬫᬮᬶᬄ᭞ᬫᬜ᭄ᬘᬧᬸᬗ᭄ᬕᬯ᭞ᬫᬕᬶᬮᬶᬃᬗᬢᬸᬭᬂᬓᬧᬸᬭᬶ᭟ᬧᬸᬦᬧᬶᬫᬮᬶᬄᬧ᭄ᬭᬩ᭄ᬓᭂᬮ᭄ᬧᬜ᭄ᬚᬓ᭄ᬕ᭄ᬬᬜᬃ᭞ᬫᬦ᭄ᬕᭂᬦ᭄ᬜᬸᬯᬸᬦ᭄ᬫᬜᬗ᭄ᬓᬶᬮ᭄᭞ᬓᭂᬦ᭄ᬤᭂᬮᬾᬓᬮᬶᬯᬢ᭄᭞ᬢ᭄ᬓᬦᬶᬂᬩᬩᬄᬘᬶᬦ᭞ᬫᬭᬸᬬ᭄ᬬᬦ᭄ᬕᬶᬭᬂᬫᬦᬗ᭄ᬓᬶ᭠
ᬮ᭄᭞ᬳᬧ᭄ᬢᬶᬗᬯᬲᬂ᭞ᬲᬂᬲᬶᬤ᭄ᬥᬳᬜᬃᬧ᭄ᬭᬧ᭄ᬢᬶ᭟ᬬᬦ᭄ᬲᬯᬗᬂᬓᬤᬶᬢᬺᬡᬢᬭᬸᬮᬢ᭞ᬓᬢᬶᬩᬦᬶᬂᬳᬸᬤᬦ᭄ᬯᭂᬗᬶ᭞ᬫᬼᬢᬶᬓᬶᬂᬓᬤᬧᬦ᭄ᬬᬘ᭄ᬭᬄ᭞ᬲᬧᬸᬦᬦᬶᬂᬕ᭄ᬬᬜᬃ᭞ᬧᬳᬸᬗ᭄ᬕᭂᬮᬂᬧᬸᬦᬶᬓᬫᬗ᭄ᬓᬶᬦ᭄᭞ᬕ᭄ᬮᬶᬲᬶᬂᬘᬭᬶᬢ᭞ᬲᬵᬫ᭄ᬧᬸᬦ᭄ᬚᬸᬭᬂᬫ᭄ᬦᭂᬂᬫ᭠
ᬗ᭄ᬓᬶᬦ᭄᭟ᬳᬶᬤᬳᬦᬓᬾᬳᬕᬸᬂᬲ᭄ᬩᭂᬢ᭄ᬢᬹᬃᬜᬶᬓ᭄ᬯᬂᬭᬕ᭞ᬓᬩᬤᬸᬂᬫᬗᬮᬶᬄᬓᬦ᭄ᬢᬶ᭞ᬫᬶᬯᬄᬓᬢᬩᬦ᭠ᬦ᭄᭞ᬗᬾᬮᬶᬗᬶᬦ᭄ᬓᬸᬦᬤᬺᬱ᭄ᬝ᭞ᬧᬯᬗᬸᬦ᭄ᬪᬝᬵᬭᬭᬶᬳᬶᬦ᭄᭞ᬫᬭᬢᬸᬢᬶᬕ᭞ᬢᬩᬦᬦ᭄ᬩᬤᬸᬂᬕ᭄ᬬᬜᬃᬲᬶᬓᬶ᭟ᬫᬓ
ᬧᬗᬫᭂᬃᬧᬫᬺᬢᬶᬂᬳᬶᬤᬹᬃᬚᬦ᭞ᬢᬹᬃᬲᬋᬂᬫᬤᬾᬯᬲᬓ᭄ᬱᬶ᭞ᬩ᭄ᬯᬢ᭄ᬲᬪᬵᬬᬦ᭄ᬢᬓ᭞ᬓᬳᬶᬭᬶᬂᬩᬦ᭄ᬧᬸᬗ᭄ᬕᬯᬢᬶᬕ᭞ᬢᬩᬦᬦ᭄ᬕ᭄ᬬᬜᬃᬩᬤᬸᬂᬲᬫᬶ᭞ᬳᬤᬾᬯᬕᬫ᭞ᬭᬶᬂᬢᬫ᭄ᬩᬗᬦ᭄ᬩᬤᬸᬂᬭᬶᬳᬶᬦ᭄᭟ᬯᬸᬲ᭄ᬭᬶᬂᬢᬫ᭄ᬩᬗᬦ᭄᭠
Kaca:Bali-lontar-gaguritan-rereg-gianyar-300ppi.pdf/150
Kaca puniki sampun kauji-wacén
