[᭑᭔᭘148B]
᭑᭔᭘
ᬫᭀᬦ᭄ᬤᭀᬓᬶᬦ᭄᭟ᬯᬦ᭄ᬢᬸᬦᬓ᭄ᬦᬬᬸᬤ᭄ᬥᬦᬾᬭᬶᬂᬲᬫ᭄ᬧ᭄ᬮᬗᬦ᭄᭞ᬩᬗ᭄ᬮᬶᬦᬾᬫᬗᬸᬗ᭄ᬕᬳᬶᬦ᭄᭞ᬩ᭄ᬥᬶᬮ᭄ᬢᬦ᭄ᬧᬭᬸᬗ᭄ᬯᬦ᭄᭞ᬓᬤᬶᬲᬫᬶᬓᬢᬸᬦ᭄ᬯᬦ᭄᭞ᬢᬢᬩᬸᬳᬦ᭄ᬬᬕᬸᬫᬶᬭᬶᬄ᭞ᬭᬫ᭄ᬬᬵᬲᬸᬲᬸᬫ᭄ᬩᬭ᭄᭞ᬲᬹᬃᬬ᭄ᬬᬓ᭄ᬲᬮᬶᬂᬚ᭄ᬭᬶᬢᬶᬦ᭄᭟ᬭᬫ᭄ᬬ
ᬢᬂᬬᬸᬤ᭄ᬥᬲᬓᬤᬶᬳᬸᬦ᭄ᬤᬸᬭᬸᬦ᭄ᬤᬸᬭᬦ᭄᭞ᬢᬦ᭄ᬤᬂᬤᬾᬯᬩᬸᬦᬸᬢᬶᬦ᭄᭞ᬫᬗᬶᬮᬓᬂᬧᬜ᭄ᬚᬓ᭄᭞ᬢᬸᬮ᭄ᬬᬓ᭠ᬤᬶᬫᬾᬂᬕᬮᬓ᭄᭞ᬤᬾᬯᬧᬸᬢᬸᬲᬋᬂᬫᬮᬶᬄ᭞ᬓᬤᬶᬫᬾᬂᬩ᭄ᬯᬂ᭞ᬕ᭄ᬭᬸᬯᬂᬕ᭄ᬭᬸᬯᬾᬂᬳᬸᬗ᭄ᬓᬮᬗ᭄ᬓᬶᬮ᭄᭟ᬤᬾᬯᬕᬕᬤᬾ᭠
ᬯᬢᬫᬦ᭄ᬩᬮᬶᬫᬲᬋᬗᬦ᭄᭞ᬢᬦ᭄ᬤᬗᬾᬢᬦ᭄ᬕᬶᬕᬶᬲᬶᬦ᭄᭞ᬯ᭄ᬬᬓ᭄ᬢᬶᬜᬶᬘᬶᬂᬕᬮᬓ᭄᭞ᬘᭂᬗ᭄ᬓᬂᬘᭂᬗ᭄ᬓᬾᬂᬫᬜᬓᬮ᭄᭞ᬳᬶᬤᬾᬯᬧᭀᬕᭀᬢ᭄ᬫᬓᬵᬤᬶ᭞ᬤᬾᬯᬓ᭄ᬮᭀᬤᬦ᭄᭞ᬗᬮᬶᬄᬳᬮᬶᬗᬦ᭄ᬫᬶᬫᬶᬲ᭄᭟ᬳᬧᬦ᭄ᬓᬤᬺᬱᬦ᭄ᬓᬤᬶᬕᬸ
ᬮᬸᬗᬦ᭄ᬳᬸᬚᬦ᭄᭞ᬤᬾᬯᬤᬗᬶᬦ᭄ᬫᬫᬸᬘᬸᬓᬶᬦ᭄᭞ᬮᬦ᭄ᬧ᭄ᬭᬫᬾᬦᬓ᭄ᬕ᭄ᬬᬜᬃ᭞ᬩ᭄ᬥᬶᬮ᭄ᬳᬸᬩᬸᬤᬾᬗᬋᬧᬂ᭞ᬩᬩᬢᬸᬄᬇᬭᬶᬓᬵᬜᬦ᭄ᬤᬶᬂ᭞ᬮ᭄ᬯᬶᬃᬪ᭄ᬦᬶᬫᬸᬦ᭄ᬢᬩ᭄᭞ᬧ᭄ᬭᬫᬜ᭄ᬘᬩᬢᬸᬄᬫᬸᬦ᭄ᬢᬢᬶᬦ᭄᭟ᬗ᭄ᬳᬶᬂᬢᬦ᭄ᬲᬶᬤ᭄ᬥᬩᬗ᭄ᬮᬶᬦᬾᬧᭀᬮᬶᬄ
[᭑᭔᭙149A]
ᬫᬢᬗᬄ᭞ᬳᬸᬩᬸᬤ᭄ᬩᬭᬸᬄᬗᬸᬓᬸᬳᬶᬦ᭄᭞ᬲᬮᬶᬂᬗᭂᬩᬶᬲ᭄ᬤᬾᬰ᭞ᬫᬬᬸᬤ᭄ᬥᬲ᭄ᬮᬢ᭄ᬢᬸᬓᬤ᭄᭞ᬓᬾᬯᬮ᭄ᬬᬭᬫ᭄ᬬᬦᬶᬂ᭠ᬩ᭄ᬥᬶᬮ᭄᭞ᬮᬦ᭄ᬢᬢᬩᬸᬳᬦ᭄᭞ᬲᬹᬃᬬ᭄ᬬᬓ᭄ᬳᬯᬦ᭄ᬢᬶᬯᬦ᭄ᬢᬶ᭟ᬧ᭄ᬭᬕᬸᬂᬩᬗ᭄ᬮᬶᬓᬤᬶᬪᬵᬕᬯᬦᬵᬭᬤ᭞ᬚᬸᬭᬸᬢᭀᬦ᭄ᬢᭀᬦ᭄ᬲᬓᬶᬂᬩᬸ
ᬓᬶᬢ᭄᭞ᬢᬗᬃᬢᬸᬳᬸᬦ᭄ᬓᭂᬮᭀᬤ᭄᭞ᬭᬶᬂᬩᬸᬓᬶᬢ᭄ᬕᬶᬮᬂᬕᬶᬮᬂ᭞ᬓᬳᬸᬓ᭄ᬓᬳᬸᬓ᭄ᬚ᭄ᬭᬶᬢ᭄ᬚ᭄ᬭᬶᬢ᭄᭞ᬦᬸᬦ᭄ᬤᬾᬦ᭄ᬗᬫᬹᬓᬂ᭞ᬢ᭄ᬓᭂᬤᬂᬤᬶᬕ᭄ᬬᬜᬃᬚᬦᬶ᭞ᬳᭀᬫᭀᬂᬓᭀᬲᭀᬂᬢ᭄ᬯᬭᬓᭀᬜᬦ᭄ᬤᬂᬘᬼᬕᭂᬓᬂ᭞ᬫᬶᬗ᭄ᬕᭂᬓ᭄ᬳ᭄ᬬᬂᬧ᭄ᬭᬢᬗ᭄ᬕᬧᬢᬶ᭞ᬳᬮ᭄ᬯᬭᬦ᭄ᬢᬂᬬᬸ᭠
ᬤ᭄ᬥ᭞ᬤᬯᭂᬕ᭄ᬤᬶᬦᬧᬸᬦᬶᬓ᭞ᬦᬸᬚᬸᬰᬦᬶᬰ᭄ᬘᬭᬫᬦᬶᬲ᭄᭞ᬫᬳᬸᬓᬸᬲᬸᬗ᭄ᬲᬂ᭞ᬢᬗ᭄ᬕᬮ᭄ᬢᬶᬕᬤᬸᬓᬶᬗᬹᬦᬶ᭟ᬰᬰᬶᬄᬓᬳᬸᬮᬸᬭᬄᬲ᭄ᬬᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬇᬰᬓᬵᬓᬤᬶᬗᬹᬦᬶ᭞ᬲ᭄ᬬᬩᬗ᭄ᬲᬶᬢ᭄ᬧᬢ᭄ᬩᭂᬮᬲ᭄᭞ᬧᬩᬮᬶᬓ᭄ᬳᬶᬤᬰᬤᬾᬰ᭞ᬧᬸᬦ᭄ᬳᬶᬧᬶᬲᬶᬄ
ᬳᬸᬘᬧ᭄ᬫᬮᬶᬄ᭞ᬲᬵᬫ᭄ᬧᬸᬦ᭄ᬧ᭄ᬭᬲᬶᬤ᭄ᬥ᭞ᬫᬭᬃᬵᬬ᭄ᬬᬦ᭄ᬬᬸᬤ᭄ᬥᬧᬸᬦᬶᬓ᭞ᬗ᭄ᬭᬭᬶᬲ᭄ᬧᬥᬦᬗᬸᬦ᭄ᬕᭂᬮᬃᬫᬶᬯᬄᬩᬮᬸᬂᬩᬂ᭞ᬭᬶᬂᬢ᭄ᬧᬶᬢ᭄ᬧᬶᬲᬶᬭᬶᬂ᭞ᬭᬭᬾᬦ᭄ᬓᬸᬢᬫᬭ᭞ᬫᬕᭂᬩ᭄ᬬᭀᬕ᭄ᬢᬫ᭄ᬩᬶᬂᬤᬾᬰ᭞ᬲᭂᬫ᭄ᬧᬦᬦᬾᬦ᭄ᬤᬢᬦ᭄ᬫᬭᬶ᭞ᬕ᭄ᬮᬃᬧᬸᬦᬳᬦ᭄᭞ᬩ᭄ᬮᬶᬗᬲ᭄ᬮ᭠
Kaca:Bali-lontar-gaguritan-rereg-gianyar-300ppi.pdf/149
Kaca puniki sampun kauji-wacén
