[᭑᭔᭗147B]
᭑᭔᭗
ᬲ᭄ᬯᬘᬦᬢᬸᬫᬸᬮᬶᬦ᭄ᬳᭂᬃᬕᬶᬭᬲ᭄᭞ᬢᬦ᭄ᬤᬂᬢᬦ᭄ᬧᬧᬓᬾᬭᬶᬂ᭞ᬓᬶᬦᬩᬸᬄᬕᬫᭂᬮᬦ᭄᭞ᬰᬗ᭄ᬓᬓᬵᬮᬖᬹᬃᬡ᭄ᬦᬶᬢ᭞ᬲᬹᬃᬬ᭄ᬬᬓᬾᬳᬯᬦ᭄ᬢᬶ᭞ᬤᭂᬤᭂᬄᬢᬂᬪᬹᬯᬦ᭞ᬓᬢᬾᬚᬦᬷᬲᬹᬃᬬ᭄ᬬᬵᬢᬶᬲ᭄᭟ᬧᬗᬶᬭᬶᬗᬾᬩᬩᬄᬧᬲ᭄ᬢᭀ
ᬮ᭄ᬓᬳᬋᬧᬂ᭞ᬩᭂᬂᬲ᭄ᬭᭀᬗ᭄ᬕᬳᬩ᭄ᬬᬦ᭄ᬩᬲᬾᬗᬶᬭᬶᬂ᭞ᬳᬂᬓ᭄ᬮᬶᬂᬮᬦ᭄ᬩᬩᬓᬦ᭄᭞ᬧᬘᬸᬂᬧᬥᬫᬕᬶᬭᬲ᭄᭞ᬓᬸᬫᬭᬸᬕ᭄ᬲ᭄ᬯᬭᬦᬶᬂᬩ᭄ᬥᬶᬮ᭄᭞ᬮ᭄ᬯᬶᬃᬩᬳ᭄ᬦᬶᬫᬸᬦ᭄ᬢᬩ᭄᭞ᬧᬫᬹᬓᬾᬢᬦ᭄ᬕᬶᬕᬶᬲᬳᬶᬦ᭄᭟ᬦᭀᬤᭀᬲ᭄ᬗᬮᬾᬭᬂᬢᬸᬫᬫ᭄ᬧᬸᬳᬶᬂᬢᬫ᭄ᬩᬶᬂ
ᬓᬩᭂᬢᬦ᭄᭞ᬭᬫ᭄ᬬᬵᬗᬤ᭄ᬯᬓᭂᬦ᭄ᬚᬸᬭᬶᬢ᭄᭞ᬫᬗᭂᬚᭂᬭᬂᬢᬸᬫ᭄ᬩᬓ᭄᭞ᬲᬮᬶᬂᬘᭀᬄᬘᭀᬄᬲᬸᬤ᭄ᬥᬥ᭞ᬢᬦ᭄ᬮᬶᬗᬦᬶᬂᬤᬺᬲ᭄ᬦᬶᬂᬫᬶᬫᬶᬲ᭄᭞ᬗᬤᬸᬓᬰᬹᬭᬵᬦ᭄᭞ᬲᬮᬶᬂᬘᬘᬄᬘᬶᬦᬗ᭄ᬓᬶᬂ᭟ᬳᬭᬸᬓᭂᬢ᭄ᬳᬭᬄᬧᬥᬲᬶᬮᬶᬄᬘᬶᬤ᭄ᬭ᭞᭠
ᬲᬮᬶᬂᬲᬦ᭄ᬤᬸᬮ᭄ᬳᬢᬶᬦ᭄ᬤᬶᬄ᭞ᬯᬂᬯᬂᬯᬶᬦᬂᬯᬗᬦ᭄᭞ᬳᬧ᭄ᬢᬶᬳᬓᬵᬬᬾᬄᬢᬸᬯᬦ᭄᭞ᬢᬦ᭄ᬧᬾᬦᬕ᭄ᬫᬵᬢᬶᬳᬓᬦᬶᬦ᭄᭞ᬭᬄᬫᬓᬘᬓᬦ᭄᭞ᬓᬤᬶᬗᬫ᭄ᬩᬗᬶᬦ᭄ᬓ᭄ᬱᬶᬢᬶ᭟ᬲᬸᬭᬸᬂᬲᬶᬦᬸᬭᬸᬂᬩᬗ᭄ᬓᬾᬦᬾᬧᬚᬸᬮᬾᬫ᭄ᬧᬂ᭞ᬯ᭄ᬬᬓ᭄ᬢᬶᬳ
[᭑᭔᭘148A]
ᬢᬶᬦ᭄ᬤᬶᬄᬢᬶᬦ᭄ᬤᬶᬄ᭞ᬓᬤᬶᬭᬶᬂᬘᬭᬶᬢ᭞ᬮ᭄ᬯᬶᬃᬳᬕᬸᬦᬸᬂᬓᬸᬦᬧ᭞ᬳᬸᬧᬫᬲᬵᬕᬭᬕ᭄ᬢᬶᬄ᭞ᬗ᭄ᬳᬶᬂᬬᬦ᭄ᬋᬲᭂᬧᬂ᭞ᬧᬲᬸᬦᬶᬓᬬᬸᬦᬸᬧᬫᬶ᭟ᬳᬕᭂᬦ᭄ᬢᬸᬭᬦ᭄ᬢᬦ᭄ᬪᬶᬦᬫᬶᬡᬾᬂᬲᬫᬸᬤ᭄ᬭ᭞ᬯᬶᬚᬳᬗᬶᬮᬸᬗᬗᬶᬚᬶᬂ᭞ᬲᬹᬃᬬ᭄ᬬᬓᬾᬢᬦ᭄ᬧ᭄ᬕᬢ᭄᭞ᬫᬶᬫᬶ
ᬲᬾᬓᬤᬶᬯᬃᬱ᭞ᬲᬶᬦᬧᬸᬢ᭄ᬤᬸᬫᬦᬶᬂᬩ᭄ᬥᬶᬮ᭄᭞ᬓᬸᬓᬸᬲ᭄ᬦᬶᬂᬤᬾᬰ᭞ᬧ᭄ᬢᭂᬂᬩᬸᬓ᭄ᬢᬦ᭄ᬓᬢᭀᬦ᭄ᬩᬸᬫᬶ᭟ᬢᬦᬲᬸᬯᬾᬳᬩ᭄ᬯᬦ᭄ᬩᬗ᭄ᬮᬶᬮᬶᬮᬶᬄᬩᬸᬗ᭄ᬓᬄ᭞ᬤᬳᬸᬢ᭄ᬧᬬᬸᬂᬢ᭄ᬓᬵᬚ᭄ᬭᬶᬄ᭞ᬮ᭄ᬯᬶᬃᬯᬮᬂᬢᬶᬦᭂᬩᬄ᭞ᬳᬓᬾᬄᬫᬵᬢᬶᬦᭂᬧᬾᬦ᭄ᬚᬸᬭᬂ᭞ᬧ᭄ᬭ᭠
ᬤᬾᬯᬓᬩᭂᬢᬦ᭄ᬫᬗ᭄ᬓᬶᬦ᭄᭞ᬰᬾᬱᬦᬶᬂᬧ᭄ᬚᬄ᭞ᬦᬸᬗ᭄ᬓᬸᬮ᭄ᬫᬦᬸᬦᬲ᭄ᬳᬸᬭᬶᬧ᭄᭟ᬧᬗᬶᬭᬶᬂᬕ᭄ᬬᬜᬃᬢ᭄ᬓᬲᬳᬲᬫ᭠ᬢᬂ᭞ᬦ᭄ᬳᭂᬃᬫᬦᬸᬫ᭄ᬩᬓᬶᬦ᭄᭞ᬫᬵᬢᬶᬧᬚᬸᬮᬾᬫ᭄ᬧᬂ᭞ᬳᬲᬶᬂᬢ᭄ᬓᬤᬓ᭄ᬩᬶᬢᬂ᭞ᬯᬶᬭᬾᬄᬤᭀᬱᬦ᭄ᬬᬫᬩᬮᬶᬓ᭄᭞ᬯ᭄ᬦᬂᬚᬭ
ᬳᬦ᭄᭞ᬧᬦᬓ᭄ᬲᭀᬫᬄᬦ᭄ᬬᬲᬫᬶ᭟ᬧ᭄ᬭᬲᬶᬤᬓ᭄ᬦᬶᬫᬮᬶᬄᬓᬩᭂᬢᬦ᭄ᬧᬸᬦᬶᬓ᭞ᬯᭀᬂᬤᬾᬰᬲᬸᬯᬸᬂᬲᭂᬧᬶ᭞ᬭᬭᬸᬤ᭄ᬧᬲᬫ᭄ᬩᬸᬭᬢ᭄᭞ᬢ᭄ᬕᬮ᭄ᬮᬮᬂᬫᬗ᭄ᬓᬶᬦ᭄ᬧ᭄ᬭᬧ᭄ᬢ᭞ᬳᬶᬤᬤᬾᬯᬫᬥᬾᬭᬳᬶ᭞ᬤᬤᬶᬲᬳᬸᬗᬦ᭄᭞ᬇᬭᬶᬓᬵ
Kaca:Bali-lontar-gaguritan-rereg-gianyar-300ppi.pdf/148
Kaca puniki sampun kauji-wacén
