[᭑᭐᭓103B]
ᬳᬧ᭄ᬢᬶᬳᬦᬭᬫᬗ᭄ᬲ᭞ᬲᬸᬫᬶᬗ᭄ᬓᬶᬦ᭄ᬓᬤᬶᬯᭂᬯᭂᬳᬶᬦ᭄᭞ᬓᬵᬦ᭄ᬪᬹᬢᬦᬶᬂᬧ᭄ᬭᬂ᭞ᬓᬫ᭄ᬩᭂᬦ᭄ᬭᬗ᭄ᬤᬶᬦᬾᬫᬗᭂᬦ᭄ᬤᬶᬄ᭟ᬓᬕᬾ᭠ᬢ᭄ᬓᭂᬮᭀᬤ᭄ᬓᬯᬸᬄᬮ᭄ᬯᬶᬩᬮᬾᬫ᭄ᬩᭀᬂᬓᬢᬶᬕ᭞ᬓᬩᬓᬩᬦᬾᬮᬸᬫᬶᬦ᭄ᬤᬶᬄ᭞ᬫᬤᭀᬤᭀᬲ᭄ᬗᬮᬾᬭᬂ᭞ᬲᬸᬭᬓ᭄ᬳᬲᬗ᭄ᬕ
ᬭᬸᬳᬦ᭄᭞ᬢᬩᬦᬦᬾᬫᬸᬗ᭄ᬕᬄᬓᬗᬶᬦ᭄᭞ᬫᬦᬓᭂᬧ᭄ᬤᬾᬰ᭞ᬤᬓ᭄ᬤᬓᬦᬾᬳᬸᬘᬸᬧᬶᬦ᭄᭟ᬧᬜ᭄ᬚᬂᬬ᭠ᬦ᭄ᬘᬭᬶᬢᬢᬶᬗ᭄ᬓᬳᬶᬗᬬᬸᬤ᭄ᬥ᭞ᬤᬸᬭᬸᬂᬓᬦ᭄ᬢᭂᬦ᭄ᬓᬯᭀᬦ᭄ᬧᭀᬮᬶᬄ᭞ᬲᬤ᭄ᬮᭀᬤ᭄ᬓᭂᬓ᭄ᬭᬦ᭄᭞ᬭᬯᬸᬄᬓᬂᬧᬲᬶᬲᬶᬓ᭄ᬮᭀᬤ᭄᭞
ᬲᬵᬫ᭄ᬧᬸᬦ᭄ᬫᬭᬹᬧᬫᬩᬮᬶᬓ᭄᭞ᬲᬸᬯᬾᬫᬭᬃᬬ᭄ᬬᬦ᭄᭞ᬲᭀᬓ᭄ᬫᬩ᭄ᬭᬡᬗᬦ᭄ᬲᬳᬶ᭟ᬲᬬᬦ᭄ᬫᬾᬯᭂᬄᬧᬗ᭄ᬭᬯᭀᬲᬾᬭᬶᬂᬓᬯᬶᬰᬹᬦ᭄ᬬ᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬫᬶᬢᬳᭂᬦ᭄ᬓᬸᬘᬶᬯ᭞ᬓᭀᬩᭂᬢ᭄ᬫᬯ᭄ᬢᬸᬳᬾᬭᬂ᭞ᬫᬩᬩ᭠
ᬳᭀᬲ᭄ᬲᬋᬂᬓᬵᬮᬶᬄ᭞ᬩ᭄ᬮᬶᬧᬕᭂᬳᬂ᭞ᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬧᬫᬶᬢ᭄᭟ᬤᬸᬫᬤᬓ᭄ᬲᬶᬤ᭄ᬥᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬯᬍᬲᬂ᭞ᬳᬦᬓ᭄ᬳᬕᬸᬂᬭᬶᬂᬫᬗ᭄ᬯᬶ᭞ᬗ᭄ᬕᬶᬄᬳᬤᬶᬩᬢᭂᬓᬂ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬩᬳᭀᬲᬦ᭄᭞ᬭᬭᬶᬲ᭄ᬩᬸᬤᬮ᭄ᬧ᭄ᬭᬫᬗ᭄ᬓᬶᬦ᭄᭞ᬭᬶᬂᬓ᭠
[᭑᭐᭔104A]
ᬯᬶᬰᬹᬦ᭄ᬬ᭞ᬲᭀᬓ᭄ᬕᬸᬲ᭄ᬢᬶᬓ᭄ᬮᭀᬤᬦ᭄ᬫᬓ᭄ᬫᬶᬢ᭄᭟ᬫᬲᬋᬗᬦ᭄ᬩᬳᬸᬥᬡ᭄ᬥᬤᬶᬂᬤᬶᬂᬥᬥ᭞ᬧᬲᬾᬗᬦ᭄ᬤᬾᬯᬕ᭄ᬥᬾᬤᬗᬶᬦ᭄᭞ᬫᬧᬗᬶᬭᬶᬂᬤᭀᬫᬲ᭄᭞ᬲᬫᬶᬧᬥᬲᬲ᭄ᬮᬶᬭᬦ᭄᭞ᬧᬸᬦᬶᬓᬧ᭄ᬭᬬᬫᬢᬶᬦ᭄ᬤᬶᬄ᭞ᬦ᭄ᬤᬭᬦ᭄ᬘᬭᬶᬢ᭞ᬲᬂᬫᬦ᭄ᬢᬸᬓ᭄ᬳᬸᬘᬧ᭄ᬫ᭠
ᬮᬶᬄ᭟ᬢ᭄ᬯᬭᬧᭂᬤᭂᬓ᭄ᬓᬓ᭄ᬮᬸᬂᬓᬸᬂᬢ᭄ᬓᬫᬗ᭄ᬭᬭᬶᬲ᭄ᬩᬸᬤᬮ᭄᭞ᬳᬾᬭᬂᬓᬬᬸᬦᬾᬢᬦ᭄ᬫᬭᬶ᭞ᬫ᭄ᬭᬲᬭᬶᬂᬭᬕ᭞ᬢ᭄ᬯᬄᬳᬶ᭠ᬤᬾᬯᬕᬸᬂᬗ᭄ᬭᬡᬬᬂ᭞ᬗᬯᬾᬚ᭄ᬗᬄᬩᬸᬓᬚᬦᬶ᭞ᬦᬄᬤᭂᬧᬂᬧᬶᬲᬦ᭄᭞ᬫᬜ᭄ᬘᬦᬾᬚᬦᬶᬳ᭄ᬮᬾᬩᬶᬦ᭄᭟ᬲᬭᬯᬸᬳᬾᬭᬶᬂ᭠
ᬧᬸᬭᬶᬗᭂᬲᬾᬗᬶᬦ᭄ᬧᬭᬭᬸᬤᬦ᭄᭞ᬩᬩᬢᬸᬄᬮᬦ᭄ᬲᬸᬓᬵᬯᬢᬶ᭞ᬫᬶᬯᬄᬳᬩ᭄ᬬᬦ᭄ᬲᭂᬤᬄ᭞ᬯᬢ᭄ᬭᬭᬯᬸᬳᬶᬂ᭞᭠ᬳᬶᬭᬶᬗᬦ᭄᭞ᬲᬤᬶᬭᬶᬤᬶᬭᬶᬓᬢᬭᬶ᭞ᬧᬘᬂᬓᬩᬸᬤᬮᬂ᭞ᬲᬗᬶᬦᬚ᭄ᬜᬦ᭄ᬜᬤ᭄ᬬᬗᬶᬭᬶᬂ᭟ᬫᬸᬮᬗᬗ᭄ᬓᬲ᭄ᬓᬭᬶᬜᬦ᭄ᬢᭀ᭠
ᬲ᭄ᬧᬗᬦ᭄ᬤᬶᬓ᭞ᬫᬗ᭄ᬓᬶᬦ᭄ᬓᬮᬸᬕ᭄ᬭᬫᬸᬮᬶᬄ᭞ᬢᬦ᭄ᬲᬶᬧᬶᬕᬃᬚ᭄ᬚᬶᬢ᭞ᬳᬸᬧᬫᬢᬭᬸᬮᬢ᭞ᬓᬢᬶᬩᬦᬶᬦ᭄ᬳᬸᬤᬦ᭄ᬯᭂᬗᬶ᭞ᬫᬼᬢᬶᬓ᭄ᬫᬓ᭄ᬤᬧᬦ᭄᭞ᬯ᭄ᬢᬸᬩᬸᬗᬄᬧ᭄ᬭᬚᬦᬶ᭟ᬓᬜ᭄ᬘᬶᬢ᭄ᬭᬳᬸᬄᬳᬸᬢᬸᬲᬦ᭄ᬢᭂᬕᬮ᭄ᬮᬮᬂ᭞ᬫᬲᬋᬗᬦ᭄ᬭᬶᬂᬫᬗ᭄ᬯᬶ᭞
Kaca:Bali-lontar-gaguritan-rereg-gianyar-300ppi.pdf/104
Kaca puniki sampun kauji-wacén
