[᭑᭐᭔104B]
᭑᭐᭔
ᬧ᭄ᬭᬬᬫᬗ᭄ᬮᬶᬲᬂ᭞ᬦᬸᬦᬲ᭄ᬧ᭄ᬭᬭᬸᬤᬦᬾᬩᬸᬤᬮ᭄᭞ᬳᬦᬓ᭄ᬳᬕᬸᬂᬕ᭄ᬥᬾᬚ᭄ᬮᬡ᭄ᬝᬶᬓ᭄᭞ᬳᬶᬤᬢᬦ᭄ᬧᬜ᭄ᬚᬂ᭞ᬜᬦ᭄ᬢᭀ᭠ᬲ᭄ᬤᬾᬲᬩ᭄ᬘᬶᬓ᭄᭟ᬦᬸᬚᬸᬤᬶᬦᬲᭀᬫᬓ᭄ᬮᬶᬯᭀᬦ᭄ᬓ᭄ᬭᬸᬮᬸᬢ᭄ᬧᬸᬦᬶᬓ᭞ᬧᬤᬾᬯᬲᬦ᭄ᬜᬦᬾᬗᬹᬦᬶ᭞ᬓᬵᬭᬶᬰᬰᬶᬄᬓᬳ᭞᭠
ᬭᬄᬢᬶᬕᬢᭂᬗ᭄ᬕᭂᬓ᭄ᬢᬸᬗ᭄ᬕᬮ᭄᭞ᬢᬗ᭄ᬕᬮ᭄ᬧᬶᬧᬶᬢᬸᬳᬶᬗᬹᬦᬶ᭞ᬇᬰᬓᬵᬯᬃᬱ᭞ᬲ᭄ᬬᬩᬗ᭄ᬲᬶᬢ᭄ᬢ᭄ᬮᬸᬮᬲ᭄ᬲᬶᬓᬶ᭟ᬤᬸ᭠ᬚ᭄ᬧᬸᬦᬶᬓᬧᬫᬃᬕ᭄ᬕᬶᬦ᭄ᬧ᭄ᬭᬭᬸᬤᬦᬾᬩᬸᬤᬮ᭄᭞ᬗᬫ᭄ᬩᬄᬓᬕᬸᬦᬸᬂᬩᬗ᭄ᬮᬶ᭞ᬢᬦ᭄ᬯᬃᬡ᭄ᬦᬭᬶᬂᬫᬃᬵᬕ᭄ᬕ᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬢ᭄ᬕᬮ᭄ᬮᬮᬂ᭞
ᬇᬭᬶᬓᬵᬫᬭᬃᬵᬬ᭄ᬬᬦ᭄ᬲᬯ᭄ᬗᬶᬲᭀᬓ᭄ᬫᬭᬬᬸᬦᬦ᭄᭞ᬮᬸᬗ᭄ᬳᬓᬧᬮ᭄ᬬᬢᬦ᭄ᬭᬭᬶᬲ᭄᭟ᬯ᭄ᬗᬶᬧᬸᬦᬶᬓᬧᬳᬸᬫ᭄᭠ᬧ᭄ᬭᬕᬸᬗᬾᬲᬶᬦᬫ᭄ᬬᬦ᭄᭞ᬳᬸᬩᬸᬤ᭄ᬧᬮ᭄ᬬᬢᬦ᭄ᬲᬫᬶ᭞ᬫᬓᬵᬤᬶᬦᬾᬢ᭄ᬕᬮ᭄ᬮᬮᬂ᭞ᬩᬩᬢᬸᬄᬮᬦ᭄ᬳᬩ᭄ᬬᬦ᭄ᬲᭂᬤᬄ᭞ᬧᬢᬸᬮᬸ
ᬫᬵᬲ᭄ᬲᬸᬓᬵᬯᬢᬶ᭞ᬓᬾᬦ᭄ᬤ᭄ᬭᬦ᭄ᬦ᭄ᬯᬩ᭞ᬲᬬᬦ᭄ᬮᬦ᭄ᬧᬾᬚᬾᬗᬚᬶ᭟ᬧᬤᬩ᭄ᬤᬩᬾᬧᬘᬂᬧᬗ᭄ᬓᬢᬾᬩᬾᬜ᭄ᬚᬗᬦ᭄᭞ᬲᬵᬫ᭄ᬧᬸᬦ᭄ᬗᭂᬧᬄᬧᬫᬃᬵᬕ᭄ᬕᬶ᭞ᬲᬳᭀᬭᭀᬗᬦ᭄᭞ᬳᬸᬩᬸᬤ᭄ᬫᬋᬧ᭄ᬓᬦᬵᬕᬭ᭞ᬧᬮ᭄ᬬᬢᬦ᭄
[᭑᭐᭕105A]
ᬲᬋᬂᬲᬓ᭄ᬯᬢᬶ᭞ᬩᬢᬸᬄᬳᬩ᭄ᬬᬦ᭄ᬲᭂᬤᬄ᭞ᬢ᭄ᬕᬮ᭄ᬮᬮᬂᬫᭀᬗ᭄ᬓᭀᬮᬶᬦ᭄᭟ᬲᬵᬫ᭄ᬧᬸᬦ᭄ᬦᬩᭂᬄᬲᬶᬓᭂᬧ᭄ᬗᭂᬩᭂᬓᬶᬦ᭄ᬩᬜ᭄ᬘᬶᬗᬄ᭞ᬧᬸᬘᬸᬓ᭄ᬜᬸᬲᬸᬧ᭄ᬭᬶᬂᬢᭂᬧᬶ᭞ᬲᬳᬕᬕᬫᭂᬮᬦ᭄᭞ᬩ᭄ᬥᬶᬮ᭄ᬫᬓᬦ᭄ᬤᬓᬦ᭄ᬤ᭞ᬓᬸᬢᬓᬭᬦᬾᬢᬦ᭄ᬫᬭᬶ᭞ᬫᬗ᭄ᬓᬶᬦ᭄ᬘᬭᬶᬢ᭞ᬭᬶᬂᬩᬢᬸᬄ
ᬘᭀᬓᭀᬃᬤᬮᬶᬗ᭄ᬲᬶᬭ᭄᭟ᬲᬵᬫ᭄ᬧᬸᬦ᭄ᬓᬧ᭄ᬬᬸᬦᬶᬂᬳᬦ᭄ᬢᬸᬓ᭄ᬧ᭄ᬭᬭᬸᬤᬦᬾᬩᬸᬤᬮ᭄᭞ᬳᭀᬲᭂᬓ᭄ᬧᬗ᭄ᬭᬳᭀᬲᬾᬫᬗ᭄ᬓᬶᬦ᭄᭞ᬫᬗ᭄ᬭᬲᬓᬸᬘᬶᬯ᭞ᬧ᭄ᬭᬩ᭄ᬓᭂᬮ᭄ᬫᬜ᭄ᬘᬓᬲᬾᬗᬦ᭄᭞ᬦᬵᬗ᭄ᬳᬶᬂᬩᭀᬬᬯᬾᬦ᭄ᬢᭂᬦ᭄ᬓᭂᬦᬶ᭞ᬜᬸᬯᬸᬗᬂᬳᬸᬫᬄ᭞ᬲᭀᬓ᭄ᬳᬶᬫᬦᬶᬓ
ᬦ᭄ᬗᬶᬭᬶᬂ᭟ᬗᬶᬚᭂᬂᬭᬶᬂᬩᬜ᭄ᬘᬶᬗᬄᬲᬶᬓᭂᬧ᭄ᬳᬩ᭄ᬬᬦ᭄ᬗᬲᬾᬲ᭄ᬭᭀᬗ᭄ᬕ᭞ᬳᬓᬶᬤᬶᬓ᭄ᬓᬵᬭᬶᬫᬓ᭄ᬫᬶᬢ᭄᭞ᬲᬯᬢᬭᬲᬢᬓ᭄᭞ᬢ᭄ᬩᬗᬦ᭄ᬩᬢᬸᬄᬢ᭄ᬮᬲ᭄ᬳᬶᬘᬮ᭄᭞ᬧᬓ᭄ᬮᬶᬤ᭄ᬓᬶᬤ᭄ᬫᬫᬮᬶᬂᬫᬸᬮᬶᬄ᭞ᬲᬵᬫ᭄ᬧᬸᬦ᭄ᬓᬩᬳᭀᬲ᭄᭞ᬯᬦ᭄ᬢᬄᬧᬘᬂᬫᬩᬮᬶᬓ᭄᭟ᬕ᭄ᬮᬶᬲ᭄ᬫᬧᬸᬢᬸᬲᬦ᭄ᬗᭂ
ᬤᭂᬂᬲᬶᬓᭂᬧ᭄ᬓᬓᬸᬭᬫᬲ᭄᭞ᬓᬓ᭄ᬮᬸᬂᬓᬸᬂᬫᬶᬦᬓᬵᬤᬶ᭞ᬳᬢᬶᬫᬚᬭᬦᬦ᭄᭞ᬦᬾᬫᬗ᭄ᬓᬶᬦ᭄ᬳᬶᬤᬘᭀᬓᭀᬃᬤ᭞᭠ᬢ᭄ᬮᬲ᭄ᬧᬧᬶᬦᭂᬳᬾᬫᬮᬶᬄ᭞ᬩᭀᬬᬯᬗ᭄ᬤᬾᬬᬦ᭄᭞ᬦᭂᬫᬸᬚ᭄ᬗᬄᬢ᭄ᬓᬾᬦᬵᬫᬵᬢᬶ᭟ᬭᬶᬂᬦᬵᬕᬭᬫᬮᬶᬄᬲᬵᬫ᭄ᬧᬸᬦ᭄ᬫᬓᬸᬓ᭄ᬓᬸᬮᬦ᭄᭞
Kaca:Bali-lontar-gaguritan-rereg-gianyar-300ppi.pdf/105
Kaca puniki sampun kauji-wacén
