[᭖᭒ 62 B]
᭖᭒
᭟ᬲᬸᬩᬵᬧᬥᬫᬤᬩ᭄ᬤᬩᬦ᭄᭞ᬲᬦᬾᬧᬘᬂᬫᬗᬫᭀᬗᬶᬦ᭄᭞ᬧᬗᬯᬶᬦ᭄ᬩᭂᬥᬶᬮ᭄ᬮᬦ᭄ᬫᬫᬲ᭄᭞ᬫᬩ᭄ᬮᬢ᭄ᬩᬦᬸᬩᬃᬳᬩᬶᬃ᭞ᬢᬫ᭄ᬩᬸᬃᬩᭂᬦ᭄ᬤᬾᬫᬓᬤᬶ᭞ᬥ᭄ᬯᬚᬵ
ᬢᬸᬗ᭄ᬕᬸᬮᬰ᭄ᬭᬶᬮᬗᬸ᭞ᬭᬾᬄᬧᬥᬯᬶᬚᬶᬲ᭄ᬯᬂ᭞ᬳᬦᬓᬕᬸᬂᬳᬕᬸᬂᬲᬫᬶ᭞ᬲᭀᬧᬘᬭ᭞ᬳᬓᬸᬢᬸᬲ᭄ᬫᬓᬡ᭄ᬥᬓᬡ᭄ᬥ᭟ᬧᬢᬶᬄᬭᬣᬓᬤᬯᬸᬳᬦ᭄᭞ᬫᬧᬬᬲ᭄ᬧᬘᬂᬗ
ᬫᭀᬗᬶᬦ᭄᭞ᬧᬘᬦᬩ᭄ᬖᬦ᭄ᬧᬗᬶᬤᬸᬳᬦ᭄᭞ᬲᬧᬸᬢᬗᬦ᭄ᬓᭂᬧᭂᬢ᭄ᬳᬸᬢᬶᬓ᭄᭞ᬘᬋᬫᬚᬓᬲᬫᬶ᭞ᬫᬧᬬᬲ᭄ᬧᬥᬫᬩ᭄ᬭᬶᬬᬸᬓ᭄᭞ᬫᬓᬫ᭄ᬩᭂᬦ᭄ᬧᬧᬢᬸᬳᬦ᭄᭞ᬕᬕᬸ
ᬮᬸᬂᬕᬥᬂᬫᬢᭂᬧᬶ᭞ᬩᬶᬮᬂᬢᬗ᭄ᬕᬸ᭞ᬫᬭᬾᬦ᭄ᬤᬕᬾᬫ᭄ᬧᬾᬮ᭄ᬫᬧ᭄ᬭᬥ᭟ᬫᬲᬧᬸᬢ᭄ᬧ᭄ᬭᬜ᭄ᬘᬶᬲ᭄ᬫᬓ᭄ᬚᬂ᭞ᬦᬢᬃᬤᬤᬸᬢᬗ᭄ᬕᬃᬗᭂᬦ᭄ᬤᬶᬄ᭞ᬫᬮᬫ᭄ᬩᬾᬳᭂᬩᬸᬦᭂᬩᬸᬦᬦ᭄
[᭖᭓ 63 A]
᭞ᬳᬸᬫ᭄ᬧᬮᬾᬲᬸᬢ᭄ᬭᬲᬮ᭄ᬓᬸᬦᬶᬂ᭞ᬳᬸᬤᭂᬂᬜᭂᬍᬕ᭄ᬫᬧᬶᬮ᭄ᬧᬶᬮ᭄᭞ᬤᬲᬃᬩᬩ᭄ᬮᬗᬵᬦ᭄ᬧᬢᬸᬄ᭞ᬕᬾᬫ᭄ᬧᬾᬮ᭄ᬫᬢᬸᬭᬸᬄᬧ᭄ᬭᬥ᭞ᬫᬘᬘᬸᬦ᭄ᬤᬸᬓ᭄ᬳᬗ᭄ᬕ᭄ᬭᬾᬓ᭄ᬰᬰᬶᬄ᭞ᬫᬲ᭄ᬳᬘ
ᬭᬂ᭞ᬓᬸᬮᬫ᭄ᬩᬶᬧᬸᬢᬶᬄᬫᬓ᭄ᬚᬂ᭟ᬩ᭄ᬯᬶᬦ᭄ᬳᬶᬧᬲᭂᬓ᭄ᬩᬡ᭄ᬥᬾᬰ᭞ᬫᬬᬓ᭄ᬱᬭᬫᬬᬓ᭄ᬱᬭᬶ᭞ᬲᬸᬩᬧᬥᬲᬸᬤ᭄ᬫᬧᬬᬲ᭄᭞ᬧᬜᭂᬍᬕ᭄ᬗᬦ᭄ᬢ᭄ᬬᬂᬗᬬᬳᬶᬦ᭄᭞ᬳᬦᬓᬕᬸᬂᬳᬕᬸᬂ
ᬲᬫᬶ᭞ᬓᬤᬯᬸᬄᬧᬥᬫᬓᬫ᭄ᬧᬸᬄ᭞ᬭᬾᬄᬗᬦ᭄ᬢ᭄ᬬᬂᬗᭀᬜᬂᬧᬬᬲ᭄᭞ᬕᬭᬸ᭠ᬥᬫᬸᬗ᭄ᬓᬸᬃᬧᬢᬶᬢᬶᬲ᭄᭞ᬫᬗ᭄ᬤᬾᬧᬢᬸᬄ᭞ᬗᬶᬭᬶᬂᬲᬂᬮ᭄ᬯᬶᬃᬲ᭄ᬫᬭᬓᭂᬫ᭄ᬩᬃ᭟ᬦᬾᬓᭂᬫ᭄ᬦᭂ
ᬫ᭄ᬲᬸᬩᬫᬧᬬᬲ᭄᭞ᬧᬥᬢᭀᬂᬩᬓᬢ᭄ᬓᭂᬦᭂᬳᬶᬦ᭄᭞ᬗᭂᬦ᭄ᬤᬶᬄᬫᬸᬭᬸᬩ᭄ᬩᬦ᭄ᬲᬲᭀᬘᬦ᭄᭞ᬤᬾᬦᬶᬂᬳᬦᬓ᭄ᬫᬸᬮᬫᬦᬶᬲ᭄᭞ᬩᬕᬸᬲ᭄ᬧ᭄ᬭᬢᬫᬕᭂᬜ᭄ᬚᬶᬂ᭞
Kaca:Bali-lontar-gaguritan-ratmaja-300ppi.pdf/63
Kaca puniki sampun kauji-wacén
