[᭖᭓ 63 B]
᭖᭓
ᬧᬥᬫᭀᬫ᭄ᬩᬓ᭄ᬫᬥᬸᬚᬸᬭᬸᬄ᭞ᬗ᭄ᬕᬯᬾᬫᬦᬄᬓᬧᬶᬭᬕᬦ᭄᭞ᬓᭀᬭᬢᬸᬮᬾᬤᬂᬫᬗ᭄ᬓ᭄ᬱᬶ᭞ᬫᬢ᭄ᬭᬸᬚᬸᬭᬸᬄ᭞ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭟ᬩᬶᬄᬯᬸᬕ᭄ᬦᬄᬚᬦᬶᬫᬧ
ᬬᬲ᭄᭞ᬢᬸᬗᬸᬭᬄᬫᭂᬧᭂᬲ᭄ᬢᬸᬃᬪᬓ᭄ᬢᬶ᭞ᬢᬸᬫᬸᬮᬶᬲᬋᬫᬧᬬᬲ᭄᭞ᬫᬯᬲ᭄ᬢ᭄ᬭᬕᬕᬸᬮᬸᬂᬢᬗᬶ᭞ᬕᬾᬫ᭄ᬧᬾᬮ᭄ᬫᬧ᭄ᬭᬥᬗᭂᬦ᭄ᬤᬶᬄ᭞ᬧᬢᬸᬄᬧᬧᭂᬓᭂᬓᬾᬳᬦᬸᬢ᭄᭞ᬩᬢᬶᬓ᭄
ᬓᭂᬫ᭄ᬩᬂᬫᬢᬭᬫ᭄᭞ᬫᬢᬸᬭᬸᬄᬩᬦ᭄ᬧ᭄ᬭᬥᬓᬸᬦᬶᬂ᭞ᬢᬸᬃᬫᬓᬫ᭄ᬧᬸᬄ᭞ᬕᬕᬸᬮᬸᬂᬤᬤᬸᬓᬧᬮ᭟ᬳᭀᬃᬣᬾᬦᬦ᭄ᬧᬢ᭄ᬭᬓᬸᬲᬸᬫ᭞ᬫᬧ᭄ᬭᬥᬕᬾᬫ᭄ᬧᬾᬮ᭄ᬫᬘᬯᬶ᭞ᬳᬸᬫ᭄ᬧ
ᬮ᭄ᬲᬸᬢ᭄ᬭᬭᬭᬾᬦ᭄ᬤᬾᬳᬦ᭄᭞ᬫᬲᬶᬄᬫᬧ᭄ᬭᬥᬦᬶᬭᬸᬓ᭄ᬢᬶ᭞ᬮᬫ᭄ᬩᬸᬂᬩᬶᬮᬸᬤ᭄ᬭᬸᬯᬶᬮᬶᬲ᭄᭞ᬓᬶᬦᬾᬳᬦ᭄ᬓᬜ᭄ᬘᬦᬫᬸᬭᬸᬩ᭄᭞ᬩᭂᬓ᭄ᬩᬳᬦ᭄ᬲᬲᭀᬘᬦ᭄᭞ᬓᬤᬶᬮᬗᬶᬢ᭄
[᭖᭔ 64 A]
ᬢ᭄ᬗᬄᬯ᭄ᬗᬶ᭞ᬗᭂᬦ᭄ᬤᭂᬧᭂᬦ᭄ᬤᭂᬧ᭄᭞ᬫᬩᬶᬦ᭄ᬢᬂᬩᬦ᭄ᬦᬯᬭᬢ᭄ᬦᬵ᭟ᬮᬾᬦ᭄ᬩ᭄ᬯᬶᬦ᭄ᬦᬾᬤᬶᬓᬃᬡ᭄ᬦ᭞ᬗᬭᬾᬤᬾᬧ᭄ᬗᭂᬲ᭄ᬬᬩᬂᬳᬢᬶ᭞ᬓᬤᬶᬓᬶᬮᬢᬮᬶᬯᭂᬭᬦ᭄᭞ᬮᬾᬦ᭄ᬓᬶᬮᬢ᭄ᬗᬳᬸᬲᬲᬶ
ᬫ᭄ᬧᬶᬂ᭞ᬕᬭᬸᬥᬵᬫᬸᬗ᭄ᬓᬸᬃᬫᬓᬤᬶ᭞ᬜᭂᬍᬕ᭄ᬫᬲᭀᬘᬗᭂᬦ᭄ᬤᬶᬄᬫᬸᬭᬸᬩ᭄᭞ᬳᬲᬶᬫ᭄ᬲᬶᬫᬫᬦᬶᬲᬦ᭄᭞ᬳ᭄ᬬᬂᬫᬥᬸᬲᬸᬤ᭄ᬥᬦᬳᬫᬸᬃᬢ᭄ᬢᬶ᭞ᬳᬗ᭄ᬕᬦᬶᬓᬸᬂ᭞ᬫᬜᬸᬗ᭄ᬓᭂᬮᬶᬢ᭄
ᬯᬶᬭᬡᬦ᭄ᬢᬚ᭟ᬢᬸᬗᬸᬭᬄᬫᬲᬶᬄᬲᬯᬯ᭞ᬧᬦ᭄ᬯᬃᬡ᭄ᬦᬓᬓ᭄ᬯᬾᬳᬦ᭄ᬫᬦᬶᬲ᭄᭞ᬢᬸᬳᬸᬦ᭄ᬤᬢᬦ᭄ᬧᬳᬸᬧᬫ᭞ᬯ᭄ᬬᬓ᭄ᬢᬶᬲᬂᬳ᭄ᬬᬂᬲ᭄ᬫᬭᬫᬸᬃᬢ᭄ᬢᬶ᭞ᬲᬭᬭᬲ᭄ᬳᬫᬦ᭄ᬢᭂᬲᬶ᭞ᬳᬫᬗᬸᬦ᭄ᬭᬕᬓᬸ
ᬮᬸᬮᬸᬢ᭄᭞ᬱᬳᬸᬢ᭄ᬫᬩᬶᬦ᭄ᬢᬂᬩᭂᬲᬃ᭞ᬓᬮᬯᬦ᭄ᬩᬶᬦ᭄ᬢᬂᬩᬄᬤᬭᬶ᭞ᬫᬸᬜ᭄ᬘᬃᬫᬸᬭᬸᬩ᭄᭞ᬳᬸᬮᬧ᭄ᬲᬓ᭄ᬯᬾᬳᬶᬂᬢᬸᬫᬶᬗ᭄ᬳᬮ᭄᭟ᬫᬧᬦᬶᬗ᭄ᬲᭂᬢ᭄ᬫᬲ᭄ᬫᬢ᭄ᬭᬯᬂ᭞ᬫᬲᭀᬘ
Kaca:Bali-lontar-gaguritan-ratmaja-300ppi.pdf/64
Kaca puniki sampun kauji-wacén
