[᭕᭖ 56 B]
᭕᭖
ᬤᬤᬶᬧᬥᬲᬮᬶᬂᬳᬸᬚᬸᬃ᭞ᬲᬮᬶᬂᬲᬶᬮᬶᬄᬓᬦ᭄ᬢᬶᬮᬦ᭄᭞ᬢ᭄ᬯᬭᬤᬧᬥᬗᭀᬩᭂᬢᬶᬦ᭄᭞ᬢ᭄ᬓᬜᬸᬫ᭄ᬧᬸ᭞ᬫᬗᬸᬩᭂᬲ᭄ᬫᬤᬸᬓᬦ᭄ᬜᬄᬜᬄ᭟ᬮᬾᬦ᭄ᬯᬢᭂᬂᬔᭂᬚᬶᬫᬾᬩᬚᬂ᭞ᬩᬶ
ᬦ᭄ᬤᬭᬾᬢᬦ᭄ᬲᬶᬧᬶᬲᬶᬧᬶ᭞ᬫᬗᬸᬤᭂᬓ᭄ᬤᬶᬧᬲᬗ᭄ᬕ᭄ᬭᬳᬦ᭄᭞ᬲᬓ᭄ᬦᭂᬄᬧᬘᬂᬗᭂᬲᬾᬗᬶᬦ᭄᭞ᬘᭀᬓᭀᬢ᭄ᬭᬢᬸᬗᬸᬮᬸᬭᬶᬦ᭄᭞ᬢᬸᬗᬸᬭᬄᬫᬧᬶᬢᬦ᭄ᬢᬳᬸ᭞ᬯᬢᬭᬢᬶᬕᬵᬂ
ᬤᬶᬦ᭞ᬳᭀᬋᬕᬾᬤᬶᬳᬮᬲ᭄ᬕᬦ᭄ᬤ᭄ᬭᬶᬂ᭞ᬳ᭄ᬦᭂᬂᬗᬓ᭄ᬦᬵ᭞ᬤᬶᬦᬕᬭᬘᬭᬶᬢᬬᬂ᭟ᬳᭀᬋᬕᬸᬫ᭄ᬬᬂᬲᬦᬕᬭ᭞ᬯᬸᬲ᭄ᬓᬢ᭄ᬓᬾᬂᬢᭂᬧᬶᬲᬶᬭᬶᬂ᭞ᬧᬥᬤᬸᬮᬸᬃᬤᬸᬮᬸᬃᬧ᭄ᬭᬧ᭄ᬢᬵ᭞ᬳᬕᬯ
ᬗᬯᬦ᭄ᬮᬸᬫᬶᬦ᭄ᬤᬶᬄ᭞ᬮᬸᬤᬶᬧᬸᬗᬶᬭᬂᬲᬫᬶ᭞ᬫᬩᬸᬤ᭄ᬥᬶᬦᬯᬂᬦᬾᬓᬲᬸᬩ᭄᭞ᬓᬃᬬ᭄ᬬᬧᬲᬾᬯᬫ᭄ᬩᬭ᭞ᬓᬧᬶᬗᬶᬦ᭄ᬜᬦᬾᬢᬦ᭄ᬲᬶᬧᬶ᭞ᬓ᭄ᬭᬡᬢ᭄ᬥᬸᬦ᭄᭞ᬢ᭄ᬯᬭᬗᬦ᭄ᬢᬶᬤᬤᬯᬸᬳᬦ᭄
[᭕᭗ 57 A]
᭟ᬧ᭄ᬭᬫᬜ᭄ᬘᬮᬦ᭄ᬩᬳᬸᬥᬡ᭄ᬥ᭞ᬲᬸᬩᬓᬤᬯᬸᬄᬗᭂᬫ᭄ᬧᭀᬦᬶᬦ᭄᭞ᬧᬘᬸᬓᬸᬄᬢᬫ᭄ᬬᬦᬾᬫᬓᬡ᭄ᬥ᭞ᬮᬾᬦ᭄ᬫᬃᬕ᭄ᬕᬲᬸᬩᬳᬭᬤᬶᬦ᭄᭞ᬫᬓᬤᬶᬦ᭄ᬜᬦᬾᬩᬸᬯᬶᬦ᭄᭞ᬤᬶᬩ
ᬜ᭄ᬘᬶᬗᬄᬳᬰ᭄ᬭᬶᬮᬗᬸ᭞ᬢᬶᬦ᭄ᬭᬧᬦ᭄ᬲᬃᬯ᭄ᬯᬫᬸᬮ᭄ᬬ᭞ᬮᬸᬗ᭄ᬲᬶᬃᬤᬾᬯᬗ᭄ᬕᬵᬳᬗ᭄ᬭᬯᬶᬢ᭄᭞ᬳᬩ᭄ᬭᬫᬸᬭᬸᬩ᭄᭞ᬕᬶᬦ᭄ᬮᬃᬧ᭄ᬭᬤᬫ᭄ᬬ᭟ᬲᬺᬕᭂᬧ᭄ᬧᬸᬧᬸᬢ᭄ᬲᭀᬧᬓᬭ᭞ᬲᬳᬸᬦ᭄ᬬ
ᬳᬸᬦ᭄ᬬᬦᬭᬤᬶᬦ᭄᭞ᬩᬶᬦᬭᬸᬗᬦᬶᬂᬕᬫ᭄ᬮᬦ᭄᭞ᬕᭀᬩᬾᬭᬶᬫᬸᬦ᭄ᬬᬳᬲᬗ᭄ᬕᬦᬶ᭞ᬕᬶᬭᬂᬯᭀᬂᬲᬦᬵᬕᬭᬶ᭞ᬫ᭄ᬢᬸᬧᬥᬤᬸᬮᬸᬃᬤᬸᬮᬸᬃ᭞ᬫᬩᬮᬶᬄᬲᬶᬂᬩᬸᬤ᭄ᬥᬶᬬᬂ᭞ᬤᬶᬩᬜ᭄ᬘᬶ
ᬗᬄᬢ᭄ᬩᭂᬂᬢᬶᬢᬶᬩ᭄᭞ᬲ᭄ᬮᬶᬤ᭄ᬲᬜ᭄ᬚ᭞ᬳᬶᬮᬾᬦᬶᬮᬾᬦᬾᬫᬾᬦ᭄ᬤᬳᬦ᭄᭟ᬧ᭄ᬭᬭᬢᬸᬲᬦᬾᬓᬧᬶᬦᬂ᭞ᬲᬸᬩᬧᬥᬭᬯᬸᬄᬲᬫᬶ᭞ᬦᬦ᭄ᬳᬶᬂᬳ᭄ᬦᬸᬫᬚᬗ᭄ᬕᭂᬮᬦ᭄᭞ᬩᬶᬮᬂᬤᬾ
Kaca:Bali-lontar-gaguritan-ratmaja-300ppi.pdf/57
Kaca puniki sampun kauji-wacén
