[᭕᭗ 57 B]
᭕᭗
ᬮᬂᬤᬾᬰᬢᭂᬧᬶᬲᬶᬭᬶᬂ᭞ᬯᬸᬲ᭄ᬓᬢᬸᬃᬓᬦᬕᬭᬶ᭞ᬳᬾᬕᬃᬲᬓᬸᬢᬦᬕᬦ᭄ᬢᬸᬦ᭄᭞ᬧᬥᬧᬘᬂᬜᬦ᭄ᬤᬂ᭞ᬫᬫᭂᬦ᭄ᬤᬓ᭄ᬩᬦ᭄ᬫᬢᬳᬓ᭄ᬱᬶ᭞ᬤᬶᬚ᭄ᬭᭀᬧᬸᬭᬶ᭞ᬧ᭄ᬭᬧᬸᬢ᭄ᬭᬶᬓᭀᬩᭂᬢ᭄ᬓ
ᬩᬭᬦ᭄᭟ᬓᬢᬸᬃᬧ᭄ᬭᬭᬢᬸᬦᬾᬢ᭄ᬓᬵ᭞ᬲᬦᬾᬓᬳᬸᬦ᭄ᬤᬗᬂᬲᬫᬶ᭞ᬗ᭄ᬳᬶᬂᬤᬸᬭᬸᬂᬫᬗ᭄ᬮᬶᬦ᭄ᬢᬂᬚ᭄ᬩᬕ᭄᭞ᬓᬭᬶᬫᭀᬦ᭄ᬤᭀᬓ᭄ᬭᬶᬂᬧᬦᭂᬧᬶ᭞ᬧᬸᬦ᭄ᬧᬸᬦᬦ᭄ᬰ᭄ᬭᬕᬧᬸᬭᬶ᭞ᬲᬦᬾᬩᬾᬜ᭄ᬚᬂᬚᬕ
ᬭᬯᬸᬄ᭞ᬓᬦᬕᬭᬲᬫ᭄ᬬᬦ᭄᭞ᬧ᭄ᬭᬧᬸᬢ᭄ᬭᬶᬮᬶᬦ᭄ᬢᬂᬧ᭄ᬭᬶᬳᬢᬶ᭞ᬫᬗᬸᬫᬗᬸ᭞ᬫᬓᬸᬫ᭄ᬧᬸᬮ᭄ᬳᬚᬓ᭄ᬫᬓ᭄ᬚᬂ᭟ᬧᬥᬓᬗᭂᬦ᭄ᬜᭂᬮ᭄ᬲᭂᬮ᭄ᬢᬶᬢᬄ᭞ᬧᬸᬭᬶᬓᬺᬢᬦᬾᬭᬶᬂᬗᬹᬦᬶ᭞ᬓ᭄ᬭᬡᬓᬾ
ᬦᬚᬢ᭄ᬫᭀᬓᬶᬂ᭞ᬚ᭄ᬗᬳᬾᬭᬦ᭄ᬲᬶᬧᬶᬲᬶᬧᬶ᭞ᬳᬤᬬᬦ᭄ᬲᬸᬩᬫᬢᬶ᭞ᬳᬤᭂᬤᭂᬲ᭄ᬳᬤᬾᬂᬫᬲᬳᬸᬢ᭄᭞ᬦ᭄ᬤᬾᬦ᭄ᬗ᭄ᬯᬶᬦ᭄ᬫᬦᬶᬳᬦ᭄ᬢ᭄ᬬᬂᬫ᭄ᬮᬫᬸᬦ᭄ᬢ᭄ᬯᬭᬗ᭄ᬭᬯᬸᬳᬶᬦ᭄᭞ᬳᬶᬤᬾᬯᬕᬸᬂ᭞
[᭕᭘ 58 A]
ᬧᬸᬢ᭄ᬭᬳᬄᬚᬮᬦ᭄ᬮᬮ᭄ᬬᬂ᭟ᬦ᭄ᬩᭂᬓ᭄ᬳᬯᬓ᭄ᬚᬓ᭄ᬫᬓ᭄ᬚᬂ᭞ᬚᬸᬫᬳᬦ᭄ᬫᬗᬜ᭄ᬘᬶᬂᬓᭀᬭᬶ᭞ᬲᬸᬩᬳᬕᬸᬫ᭄ᬲᬮᬶᬂᬢᬶᬫ᭄ᬩᬮ᭄᭞ᬳ᭄ᬦᭂᬗᬂᬫᬮᬸᬤᬶᬧᬸᬭᬶ᭞ᬓᭀᬭᬢᬸᬩ᭄ᬯᬶᬦ᭄ᬩᬮᬶᬓᬶᬦ᭄᭞ᬓᬢᬗ᭄ᬓᬶ
ᬮ᭄ᬭᬶᬂᬲᭀᬭᬶᬂᬗᬦ᭄ᬤᬸᬮ᭄᭞ᬲᭂᬲᭂᬓ᭄ᬚᭂᬚᭂᬮ᭄ᬫᬗᬫ᭄ᬩ᭄ᬬᬵᬃ᭞ᬧᬥᬳᬗᬤᭂᬧᬾᬂᬲᬶᬢᬶ᭞ᬭᬤᬾᬦ᭄ᬲᬸᬃᬬ᭄ᬬᬵ᭞ᬤᬶᬧ᭄ᬭᬪᬸᬢᬦ᭄ᬲᬄᬭᬶᬂᬳᬃᬣ᭟ᬲᭀᬧᬘᬭᬳᬶᬰ᭄ᬭᬶᬓᬸᬫ᭄ᬭᬫ᭄᭞ᬓᬮᬶᬄᬓ
ᬮᬶᬳᬦᬾᬂᬳᬸᬭᬶ᭞ᬢᬸᬳᬸᬦ᭄ᬤᬢᬦ᭄ᬧᬳᬸᬧᬫ᭞ᬯ᭄ᬬᬓ᭄ᬢᬶᬲᬂᬳ᭄ᬬᬂᬯᬶᬱ᭄ᬡᬸᬫᬸᬃᬢ᭄ᬢᬶ᭞ᬓᬢ᭄ᬯᬗᬶᬂᬲᬪᬸᬫᬶ᭞ᬚᬦᬦᬸᬭᬕᬫᬦᬸᬮᬸᬲ᭄᭞ᬓ᭄ᬜᭂᬫ᭄ᬭᬭᬶᬲ᭄ᬗᬦ᭄ᬤᬶᬓ᭞ᬧᬸᬕ᭄ᬓᬾᬦ᭄ᬓᬾᬦ᭄ᬚ᭄ᬦᭂᬗ
ᬫᬦᬶ᭞ᬬᬦᬶᬂᬲᬸᬩ᭞ᬢ᭄ᬓᭂᬤ᭄ᬤᬶᬰ᭄ᬭᬗ᭄ᬕᬦᬕᬭ᭟ᬋᬲ᭄ᬓᭀᬲᭂᬓ᭄ᬧᬶᬲᬦ᭄ᬧᬶᬲᬦ᭄᭞ᬩᬦ᭄ᬮ᭄ᬬᬦᬾᬫᬦᭂᬓᬳᬶᬦ᭄᭞ᬢᬸᬗᬸᬭᬄᬫᭂᬧᭂᬲ᭄ᬫᬜᬸᬫ᭄ᬩᬄ᭞ᬦᬸᬦᬲ᭄ᬭᬶᬳᬶᬦᬦ᭄ᬭ
Kaca:Bali-lontar-gaguritan-ratmaja-300ppi.pdf/58
Kaca puniki sampun kauji-wacén
