[᭒ 2 B]
᭒
ᬩᬢ᭄᭞ᬳᬤᬜᭂᬤᬢ᭄ᬦᬓᭀᬦᬶᬦ᭄᭞ᬩ᭄ᬮᬶᬦᬄᬢᬸᬢᬸᬭᬂ᭞ᬧᬂᬢ᭄ᬬᬂᬧ᭄ᬤᬲ᭄ᬦᬯᬂ᭞ᬓ᭄ᬭᬡᬦᬾᬲᬳᬶᬫᬓ᭄ᬫᬶᬢ᭄᭞ᬓᬢᬫᬦ᭄ᬲ᭄ᬓᬃ᭞ᬳᬶᬧᬸᬜᬄᬫᬜᬳᬸᬢᬶᬦ᭄᭟ᬦᬄᬦᬾᬓᬾᬦᬾᬧᬂᬤᬶᬗᭂᬳᬂᬳᬧᬂᬢ
ᬢᬲ᭄᭞ᬧ᭄ᬭᬢᬡ᭄ᬥᬦ᭄ᬜᬦᬾᬲᬫᬶ᭞ᬩ᭄ᬮᬶᬫᬗᭀᬭᬳᬂ᭞ᬤᬸᬓᬾᬫᬗᭂᬦ᭄ᬤᭀᬦ᭄ᬬᬸᬥ᭞ᬳᬶᬤᬰ᭄ᬭᬶᬭᬵᬚᬵᬤᬶᬧᬢᬶ᭞ᬕᭀᬂᬗ᭄ᬲᭀᬃᬫᬓ᭄ᬭᬶᬕᬦ᭄᭞ᬗᭂᬩᬸᬕ᭄ᬓᬜ᭄ᬘᬦᬧᬸᬭᬶ᭟ᬢ᭄ᬯᬭᬮᬫᬵᬫᬬᬸᬥᬵᬢᬄᬳ
ᬕ᭄ᬭᬾᬢᬾᬓᬦ᭄᭞ᬲᬢ᭄ᬫᬓᬵᬗᭂᬧᭂᬮ᭄ᬦᬲᬶ᭞ᬳᬲᭀᬧᬦ᭄ᬓ᭄ᬯᬗᬦ᭄᭞ᬲᬚᬩᬲ᭄ᬳᬮᬫ᭄ᬤᬮᬫ᭄᭞ᬲᬂᬭᬢᬸᬧ᭄ᬭᬲᬶᬤ᭄ᬥᬵᬫᬢᬶ᭞ᬤᬶᬢᬸᬓᬚᬭᬄ᭞ᬲᬂᬭᬚᬧᬸᬢ᭄ᬭᬶᬓᬮᬶᬄ᭟ᬳᬬᬸᬳᬬᬸᬢᬦ᭄ᬧᬾᬦ᭄ᬤᬄᬮ᭄ᬯᬶᬃ
ᬭᬢᬶᬄᬓᭂᬫ᭄ᬩᬃ᭞ᬳᬤᬲ᭄ᬩᬾᬃᬜᬳᬸᬢᬶᬦ᭄᭞ᬲᬶᬗ᭄ᬓᬾᬓᬵᬗ᭄ᬕᬾᬕᬃᬯ᭄ᬯ᭞ᬭᬶᬂᬰ᭄ᬭᬶᬭᬵᬚᬤᬶᬭᬵᬚ᭞ᬳᬤᬳᬤᬾᬂᬬᬫᬫᬸᬜᬶ᭞ᬳᬦᬓ᭄ᬧ᭄ᬭᬢᬶᬚ᭄ᬜᬵ᭞ᬰ᭄ᬭᬶᬭᬓ᭄ᬱᬲᬤᬶᬧᬢᬶ᭟ᬮᬫᬸᬦ᭄ᬳᭀᬦ᭄ᬤᬾᬦ᭄ᬓᬮᬄ
[᭓ 3 A]
ᬦᬾᬧ᭄ᬢᬂᬦᬵᬕᬭ᭞ᬕᬕ᭄ᬮᬂᬲᬶᬗ᭄ᬳᬵᬲᬭᬶ᭞ᬚᬗ᭄ᬕᬮᬵᬫᬫᭂᬦᬂ᭞ᬢ᭄ᬯᬭᬓᬳᬮᬧ᭄ᬕᬃᬯ᭄ᬯ᭞ᬳᬯᬦᬦ᭄ᬲᬂᬧᬸᬢ᭄ᬭᬶᬓᬮᬶᬄ᭞ᬫᭂᬚᬂᬤᬶᬢᬫᬦ᭄᭞ᬓᬗ᭄ᬕᬾᬦ᭄ᬲᬸᬢᬲᬚᬢᬶ᭟ᬭᬤᬾᬦ᭄ᬓᬮᬶᬄᬫᬶᬤᭂᬗᬵᭂᬃ
ᬋᬱᬶᬧᬶᬂᬘᬷᬢ᭄ᬢ᭞ᬫᬓ᭄ᬩᬸᬃᬲᬮᬶᬂᬢᭀᬮᬶᬄ᭞ᬜᬸᬚᬸᬃᬢᬫᬦ᭄ᬲ᭄ᬓᬃ᭞ᬩᬶᬩᭂᬃᬗᬲᬩ᭄ᬲ᭄ᬓ᭄ᬱᬡ᭞ᬯᬸᬲ᭄ᬭᬯᬸᬄᬭᬶᬂᬢᬫᬦ᭄ᬲᬭᬶ᭞ᬗ᭄ᬭᬜ᭄ᬚᬶᬂᬫᬦ᭄ᬢᬸᬓᬦ᭄᭞ᬢ᭄ᬯᬭᬳᬤᬳᬦᬓ᭄ᬳᬸᬦᬶᬂ᭟ᬤᬶᬦᬢᬳᬾᬧᬗᬬᬄ
ᬢ᭄ᬩᭂᬂᬫᬗᬩ᭄ᬬᬵᬃ᭞ᬢᬦ᭄ᬧᬾᬦ᭄ᬤᬄᬯᬭᬧ᭄ᬲᬭᬶ᭞ᬚᬮ᭄ᬫᬵᬲᬲ᭄ᬮᬶᬭᬦ᭄᭞ᬢ᭄ᬯᬭᬵᬤᬩᬓᬢ᭄ᬘᬾᬤ᭞ᬧᬢᬸᬄᬫᬭᬫᭂᬦᬾᬓ᭄ᬓᭂᬮᬶᬄ᭞ᬢᬦ᭄ᬲᬄᬫᬋᬓᬦ᭄᭞ᬭᬶᬂᬳᬦᬓ᭄ᬳᬕᬸᬂᬓᬵᬮᬶᬄ᭟ᬩᬸᬯᬶᬦ᭄ᬳᬤᬵ
ᬧᬸᬢ᭄ᬭᬶᬓᭂᬫ᭄ᬩᬃᬢᬢᬸᬯᬶᬬᬦ᭄᭞ᬲᬂᬓᬺᬢ᭄ᬢᬦᬵᬕᬭᬶ᭞ᬫᬲᬶᬄᬚᬚᬭᬳᬦ᭄᭞ᬧᬢᬸᬄᬮᬯᬸᬢ᭄ᬓᬲ᭄ᬭᬄ᭞ᬭᬶᬂᬲᬂᬓᬢ᭄ᬯᬗᬶᬂᬳᬧ᭄ᬲᬭᬶ᭞ᬢᬦ᭄ᬮᬾᬦᬶᬫᬶᬭᬄ᭞ᬳᬶᬓᬵᬤᭀᬂᬫᬶᬦᬓᬤᬶ᭟ᬢ᭄ᬓᬗᬸᬦ᭄ᬗᬦ᭄ᬤᬶᬓᬵ᭞
Kaca:Bali-lontar-gaguritan-ratmaja-300ppi.pdf/3
Kaca puniki sampun kauji-wacén
