[᭑ 1B]
᭑
᭛᭜᭛ᬒᬁᬅᬯᬶᬖ᭄ᬦᬵᬫᬵᬲ᭄ᬢᬸ᭛᭜᭛ᬕᬕᬸᬭᬶᬢᬦ᭄ᬭᬢ᭄ᬫᬚ᭟᭐᭟ᬧᬸᬧᬸᬄᬤᬹᬃᬫ᭄ᬫᬵ᭟᭐᭟ᬤᬸᬓ᭄ᬓᬘᬭᬶᬢᬭᬵᬤᬾᬦ᭄ᬭᬢ᭄ᬫᬚᬯᬶᬚᬬᬵ᭞ᬓᬳᬸᬢᬸᬲ᭄ᬫᬦ᭄ᬤᬢᬳᬶᬦ᭄᭞ᬧ᭄ᬭᬧᬸᬢ᭄ᬭᬶ
ᬦᬾᬲᬫ᭄ᬬᬦ᭄᭞ᬜᬸᬲᬸᬧ᭄ᬫᬜ᭄ᬚᬚᬄᬤᬾᬰ᭞ᬲᬯᬢᬭᬓᬮᬶᬄᬰᬰᬶᬄ᭞ᬫᬗ᭄ᬓᬾᬯᬸᬲ᭄ᬦᬧᬓ᭄᭞ᬤᬶᬩ᭄ᬬᭀᬓ᭄ᬩᭀᬃᬦᬵᬕᬭᬶ᭟ᬬᬦ᭄ᬢᬓᭀᬘᬧ᭄ᬦᬵᬕᬭᬦ᭄ᬭᬓ᭄ᬱᬲᬩᬗ᭄ᬕᬵ᭞ᬳᬶᬩᬸᬩᬓᬤᬶᬧᬢᬶ᭞
ᬚᬦᬶᬲᬥᭂᬓ᭄ᬮ᭄ᬯᬲ᭄᭞ᬫᬗᭂᬦ᭄ᬤᭀᬦ᭄ᬦᬗ᭄ᬳᬶᬂᬬᬸᬥ᭞ᬫᬭᬭᬶᬂᬧᬸᬲᭂᬃᬦᬵᬕᬭᬶ᭞ᬢᭀᬓ᭄ᬭᬡᬰᬹᬦ᭄ᬬᬵ᭞ᬭᬓ᭄ᬱᬲᬵᬧᬥᬗᬶᬭᬶᬂ᭟ᬦᬾᬓᬥᬯᬸᬄᬗᬶᬚᭂᬂᬓᬮᬶᬦ᭄ᬢᬗᬶᬂᬬᬢ᭄ᬦᬵ᭞ᬫᬭᭀᬡ᭄ᬥᬵᬲᬳᬶ
ᬲᬳᬶ᭞ᬕᬺᬥᬸᬩᬶᬮᬂᬤᬗ᭄ᬓᬵ᭞ᬳᬶᬤᬸᬢᬓᬮᬶᬄᬬᬢ᭄ᬦᬵ᭞ᬦᭂᬕᬓ᭄ᬳᬲᬮᬶᬦ᭄ᬭᬸᬧᬾᬓᬶ᭞ᬭᬤᬾᬦ᭄ᬯᬶᬚᬬᬵ᭞ᬫᬦ᭄ᬤᬤᬶᬫᬦᬸᬓ᭄ᬳᬰ᭄ᬭᬶ᭟ᬦ᭄ᬤᬦ᭄ᬭᬤᬾᬦ᭄ᬭᬢ᭄ᬫᬚᬳᬲᬮᬶᬦ᭄ᬥᬯ᭞ᬫᬦ᭄ᬤᬤᬶᬬᬍᬃᬕᭂᬡ᭄ᬥᬶᬲ᭄
[᭒ 2A]
᭞ᬫᬶᬩᭂᬃᬫᬶᬩᭂᬃᬗᬲᬩ᭄᭞ᬫᬗᬸᬗ᭄ᬲᬶᬧᭀᬦ᭄ᬤᭀᬓ᭄ᬢᬸᬯᬓ᭄᭞ᬫᬢᬶᬗ᭄ᬕᬄᬲᬤᬤᬶᬲᬫ᭄ᬧᬶᬂ᭞ᬩᭂᬗᭀᬂᬫᬗᬯᬲ᭄᭞ᬭᬓ᭄ᬱᬲᬢ᭄ᬯᬭᬳᬸᬦᬶᬂ᭟ᬤᬾᬦᬶᬂᬫᭀᬢᬄᬗᬳᭂᬧᬶᬦ᭄ᬳᬾᬩᬢᬾᬩᬢᬦ᭄᭞
ᬳᬤᬫᬗᭀᬭᬾᬢ᭄ᬕᭂᬳᬶᬄ᭞ᬮᬾᬦ᭄ᬤᬩ᭄ᬥᬩᬦ᭄ᬩᬲᬂ᭞ᬭᬫᬾᬫᬧᬧᬸᬜᬳᬦ᭄᭞ᬧᭂᬲᬸᬫᬸᬜᬶᬢᬦ᭄ᬧᬰ᭄ᬭᬸᬢᬶ᭞ᬫᬗᬮᬫ᭄ᬳᬯᬓ᭄᭞ᬢ᭄ᬗᬄᬰᬓ᭄ᬢᬶᬧ᭄ᬭᬚᬸᬭᬶᬢ᭄᭟ᬳᬤᬦᬶᬫ᭄ᬩᬮ᭄ᬫᬍᬫᬍᬫ᭄ᬕᬸᬲ᭄ᬢᬶᬜ
᭞ᬢ᭄ᬯᬭᬳᬤᬦᬦ᭄ᬤᬶᬗᬶᬦ᭄᭞ᬰ᭄ᬭᬶᬭᬵᬚᬤᬶᬭᬵᬚ᭞ᬗᬲᭀᬭᬂᬚᬕᬢ᭄ᬢ᭄ᬭᬬ᭞ᬧ᭄ᬭᬭᬢᬸᬧᬥᬫᬗᬶᬮᬶ᭞ᬢᬓᬸᬢ᭄ᬫᬦᬗᬄ᭞ᬳᬤᬗᬢᬸᬭᬂᬳᬸᬭᬶᬧ᭄᭟ᬩᬸᬯᬶᬦ᭄ᬦᬶᬫ᭄ᬩᬮ᭄ᬦᬾᬧᬸᬜᬄᬓᭂᬥᬾᬓ᭄ᬫᬗᬓ
ᬓ᭄᭞ᬢᬳᬕ᭄ᬢᬳᬕ᭄ᬫᬫᬸᬜᬶ᭞ᬓᬯᭀᬗ᭄ᬮᬶᬚᬸᬫᬄ᭞ᬓᬢᬸᬤᬸᬄᬗ᭄ᬭᬓ᭄ᬱᬧ᭄ᬭᬚ᭞ᬫᬭᭀᬡ᭄ᬥᬵᬲᬳᬶᬫᬓ᭄ᬫᬶᬢ᭄᭞ᬬᬦ᭄ᬩᭂᬮᬶᬮᬸᬯᬲ᭄᭞ᬧ᭄ᬥᬲ᭄ᬫᬳᬦ᭄ᬧᬓᭀᬮᬶᬄ᭟ᬓ᭄ᬩᭀᬲᬫ᭄ᬧᬶᬚᬚᬭᬳᬦ᭄ᬮᬓᬳᬾ
Kaca:Bali-lontar-gaguritan-ratmaja-300ppi.pdf/2
Kaca puniki sampun kauji-wacén
