[᭑᭘ 18 B]
᭑᭘
ᬦ᭄ᬳᬓᬮ᭄ᬳᬓᬮᬦ᭄᭟ᬧᬦᬄᬓᬗ᭄ᬕᬾᬦ᭄ᬫ᭄ᬭᬢ᭄ᬬᬵᬓ᭄ᬱᬵ᭞ᬦᬶᬓᬶᬬᬦ᭄ᬩᬩᬃᬭᬜ᭄ᬚᬶᬗᬶᬦ᭄᭞ᬲᬶᬂᬜᬢᬾᬚ᭄ᬦᭂᬂᬓᬢᬸᬮᬓ᭄᭞ᬭᬳᬤᬾᬦ᭄ᬩᬕᬶᬡ᭄ᬥᬵᬅᬮᬶ᭞ᬘᭂᬩᬾᬃᬫᬸᬜᬶᬦᬾᬗᬢᬶᬄ
᭞ᬮᬫ᭄ᬧ᭄ᬬᬲ᭄ᬧᬧᭂᬲᬸᬦᬾᬋᬫ᭄ᬧᬸᬄ᭞ᬫᬗ᭄ᬓᬶᬦ᭄ᬗᬬ᭄ᬬᬵᬧᬬᬵ᭞ᬫᬃᬕ᭄ᬕ᭄ᬬᬵᬂᬧᬗ᭄ᬮᬫᬃᬕ᭄ᬮᬶᬲ᭄᭞ᬭᬤᬾᬦ᭄ᬯᬶᬭᬵᬢ᭄ᬫᬚᬘᭂᬧᭂᬢ᭄ᬫᬦᬶᬫ᭄ᬩᬮ᭄᭟ᬧᬢᬸᬢ᭄ᬬᬦ᭄ᬧᬤᬾᬓᬢᬸᬮᬓ᭄᭞ᬕᬦᬮ᭄ᬢᬶᬗ᭄ᬓ
ᬳᬾᬢᬦ᭄ᬢᬫ᭄ᬧᬶ᭞ᬳᬶᬭᬶᬓᬵᬭᬭᬶᬲ᭄ᬘᬥᬗᬂ᭞ᬲᬜ᭄ᬚᬢᬵᬕ᭄ᬩᬸᬕ᭄ᬲ᭄ᬬᬢᬶᬦ᭄᭞ᬋᬩᬸᬢ᭄ᬲᬂᬭᬵᬚᬧᬸᬢ᭄ᬭᬶ᭞ᬫᬩ᭄ᬭᬶᬬᬸᬓ᭄ᬲᬫᬶᬫᬫᬢᬸᬢ᭄᭞ᬭᬤᬾᬦ᭄ᬲᬸᬃᬬ᭄ᬬᬵᬤᬶᬦᬵᬣ᭞ᬗᬦ᭄ᬤᬶᬓ
ᬳᬭᬸᬫ᭄ᬳᬫᬦᬶᬲ᭄᭞ᬦᬄᬤᬩ᭄ᬤᬩᬂ᭞ᬧᭂᬲ᭄ᬯᬂᬧᬘᬂᬫᬗ᭄ᬮᬫᬃ᭟ᬲᬂᬓᬵᬮᬶᬄᬦᬾᬧᬘᬂᬮ᭄ᬯᬲ᭄᭞ᬧᬢ᭄ᬧᬢ᭄ᬓᬤᬯᬸᬄᬫᬫᬃᬕ᭄ᬕᬶ᭞ᬭᬳᬤᬾᬦ᭄ᬯᬶᬭᬵᬢᬶᬸᬳᬢ᭄ᬫᬚᬵ᭞ᬮᬦ᭄ᬭᬤᬾᬦ᭄ᬩᬕᬶᬡ᭄ᬥᬵᬅᬮᬶ
[᭑᭙ 19 A]
᭑᭙
᭞ᬭᬤᬾᬦ᭄ᬳᬫ᭄ᬩᬭᬳᬕ᭄ᬭᬶᬫ᭄᭞ᬮᬦ᭄ᬭᬤᬾᬦ᭄ᬯᬶᬡ᭄ᬥᬵᬤ᭄ᬬᬩ᭄ᬭᬸᬫ᭄᭞ᬯᬸᬲ᭄ᬧᬸᬧᬸᬢ᭄ᬲᬧ᭄ᬭᬓᬭ᭠ᬍᬫ᭄ᬧᬶᬭᬦ᭄ᬲᬸᬭᬢ᭄ᬫᬵᬲ᭄ᬳᬶᬤ᭞ᬳᬶᬗᬸᬍᬲᬦ᭄᭞ᬚ᭄ᬦᬃᬫᬸᬗ᭄ᬕ᭄ᬯᬶᬂᬦᬦᬫ᭄ᬧᬦ᭄᭟ᬲᬂᬓᬵᬮᬶᬄ
ᬲᬫ᭄ᬧᬸᬦ᭄ᬧᬶᬦᬶᬦ᭄ᬢ᭞ᬫᬓᬢᬸᬗ᭄ᬕᬮᬶᬂᬧ᭄ᬭᬘᬶᬭᬶ᭞ᬭᬵᬚᬧᬸᬢ᭄ᬭᬶᬳᬶᬂᬫᬫ᭄ᬦᬂ᭞ᬓᬵᬮᬶᬄᬕᬕ᭄ᬮᬂᬦᬵᬕᬭᬶ᭞ᬧᬗ᭄ᬮᬫᬃᬲᬃᬯ᭄ᬯᬍᬯᬶᬄ᭞ᬋᬡᬋᬡᬶᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬓᬤᬸᬢᬵᬳᬗᬫ᭄ᬩᬭ᭞
ᬫᬢᬸᬢᬸᬢᬦ᭄ᬲ᭄ᬬᬸᬤᬶᬭᬶ᭞ᬳ᭄ᬦᭂᬗᬓ᭄ᬦᬵ᭞ᬤᬶᬓᭀᬭᬶᬧᬦ᭄ᬩ᭄ᬯᬶᬦ᭄ᬳᬸᬘᬧᬂ᭟ᬓᭀᬭᬢᬸᬫᬬᬰ᭄ᬭᬗ᭄ᬕᬵ᭞ᬮᬶᬦ᭄ᬢᬂᬧᬓᭀᬩᭂᬢᬶᬂᬳ᭄ᬭᬤ᭄ᬥᬶ᭞ᬧ᭄ᬢᭂᬂᬳᬶᬗᬦ᭄ᬤᬯᬸᬄᬢᬶᬕ᭞ᬓᬲ᭄ᬫᬭᬵᬮᬬᬵ
ᬫᬗᬮᬶᬄ᭞ᬢᬸᬗᬸᬭᬄᬮᬸᬢ᭄ᬫᬫᬃᬕ᭄ᬕᬶ᭞ᬧᬓᬓᬮᬶᬳᬦ᭄ᬫᬜᬸᬚᬸᬃ᭞ᬗᬸᬗ᭄ᬲᬶᬓᬧᬸᬭᬢᬫᬦ᭄᭞ᬧ᭄ᬭᬬᬵᬗᬃᬬ᭄ᬬᬳ᭄ᬬᬂᬗᬪᬓ᭄ᬢᬶ᭞ᬲᭂᬧᬸᬲᬸᬳᬸᬂ᭞ᬓᭀᬭᬶᬫᬓᬜ᭄ᬘᬶᬂᬲᬫᬶᬬᬦ᭄᭟ᬫ
Kaca:Bali-lontar-gaguritan-ratmaja-300ppi.pdf/19
Kaca puniki sampun kauji-wacén
