[᭑᭙ 19 B]
᭑᭙
ᬤᭂᬕ᭄ᬤᬶᬚᬩᬬᬦ᭄ᬧᬸᬭ᭞ᬫᬦᬗᬶᬲ᭄ᬦ᭄ᬤᬮᬫᬾᬯᬶᬥᬶ᭞ᬓᬗᭂᬦ᭄ᬜᭂᬮ᭄ᬲᭂᬮ᭄ᬰᬸᬪᬵᬰᬸᬪ᭞ᬢᬸᬗᬸᬭᬄᬫᬳᬢᬸᬃᬳᬭᬶᬲ᭄᭞ᬦᬸᬦᬲ᭄ᬫᬗ᭄ᬓᬶᬦ᭄ᬫᬗ᭄ᬭᬭᬶᬲ᭄᭞ᬓᬕᬶᬮᬶᬫᬲ᭄ᬓᭀ
ᬭᬢᬸ᭞ᬗᬦ᭄ᬤᬶᬓᬦ᭄ᬤᬾᬦ᭄ᬧᬶᬦᭂᬳᬶᬂᬦᬸᬶ᭄᭞ᬩᬲ᭄ᬤᬸᬃᬕ᭄ᬕᬫᬮᬶᬦ᭄ᬢᬂᬯᬶᬱ᭄ᬝᬶ᭞ᬬᬤᬶᬦ᭄ᬲᬶᬤ᭄ᬥᬵ᭞ᬢ᭄ᬓᬤ᭄ᬓᬰᬺᬗ᭄ᬕᬵᬦᬵᬕᬭ᭟ᬧᬤᬾᬗᬓᬸᬭᬵᬚᬧᬸᬢ᭄ᬭ᭞ᬕᬕ᭄ᬮᬂᬫᬶᬯᬄᬓᬥᬶᬭᬶ᭞ᬲᬶᬂᬜᬫᬯᬸ
ᬯᬸᬄᬚ᭄ᬗᬄ᭞ᬜᬾᬦ᭄ᬲᭂᬳᭂᬫ᭄ᬧᬘᬂᬗᬸᬕᭀᬦᬶᬦ᭄᭞ᬢ᭄ᬯᬭᬳᬤᬧ᭄ᬭᬘᬶᬭᬶ᭞ᬓᬾᬯᬮᬵᬫᬗᬓᬸᬳᬸᬓᬸ᭞ᬧ᭄ᬤᬲ᭄ᬚᭂᬦᭂᬂᬓᬢᬸᬮᬓ᭄᭞ᬬᬤᬶᬦᬾᬲᬤ᭄ᬬᬬᬂᬳᬮᬶᬄ᭞ᬳᬄᬢᭀᬂᬤᬸ
ᬕᬵ᭞ᬳᬶᬧᬸᬦ᭄ᬜᬓ᭄ᬗᬓ᭄ᬯᬶᬦ᭄ᬜᬫ᭟ᬤᬤᬶᬓᬗᭂᬦ᭄ᬫᬲᭂᬮ᭄ᬲᭂᬮᬦ᭄᭞ᬫᬦᬗᬶᬲ᭄ᬦ᭄ᬤᬸᬮᬫᬾᬯᬶᬥᬶ᭞ᬩᬬᬵᬳᬧᬲᬶᬄᬫᬓ᭄ᬭᬡ᭞ᬲᬗ᭄ᬓᬦ᭄ᬢᬶᬢ᭄ᬬᬂᬫᬦᭂᬧᬸᬓᬶᬦ᭄᭞ᬮ
[᭒᭐ 20 A]
ᬭᬩ [strike] ᬢᬦ᭄ᬲᬶᬧᬶ᭞ᬓᬧ᭄ᬮᬦ᭄ᬧ᭄ᬮᬦ᭄ᬲᬢᬸᬯᬸᬄ᭞ᬫᬯᬸᬯᬸᬄᬩᬶᬦ᭄ᬗᭂᬤᬾᬦᬂ᭞ᬤᬸᬳ᭄ᬓᬶᬢᬗᭂᬩᭂᬓᬶᬗᬸᬫᬶ᭞ᬳᬄᬯᭀᬂᬫᬫ᭄ᬧᬸᬄ᭞ᬧᬶᬲᬦ᭄ᬕᭂᬫᭂᬲ᭄ᬚᬫᬢ᭄ᬬᬂ᭟ᬓᬸᬤᬸᬳᬶᬤᬸᬧ᭄ᬓᬲᬵ
ᬗ᭄ᬲᬭᬦ᭄᭞ᬲᬢᬢᬓᬩᬸᬓ᭄ᬢᬂᬩᬦ᭄ᬢᬶᬂ᭞ᬧᬸᬕ᭄ᬚᬮᬦ᭄ᬤᬶᬦᬶᬧ᭄ᬭᬕᬢᬂ᭞ᬳᬧᬂᬧᬶᬲᬦ᭄ᬧᬶᬲᬦ᭄ᬫᬢᬶ᭞ᬢ᭄ᬯᬭᬳᬤᬓ᭄ᬦᭂᬳᬶᬦ᭄᭞ᬳᬶᬘᭂᬧᬸᬕ᭄ᬳᬤᬾᬂᬫᬳᬢᬸᬃ᭞ᬗᬶᬭᬶᬂᬓᬰ᭄ᬭᬗ᭄ᬕᬵᬧᬸᬭ᭞ᬳᬶᬭᬶ
ᬓᬵᬕ᭄ᬦᬳᬾᬩ᭄ᬘᬶᬓ᭄᭞ᬫᬗ᭄ᬤᬾᬧᬸᬧᬸᬢ᭄᭞ᬲᬫ᭄ᬧᬸᬦᬂᬫᬮᬶᬄᬫᬢᬸᬮᬓ᭄᭟ᬲᬮᬶᬂᬕ᭄ᬮᬸᬢ᭄ᬳᬚᬓ᭄ᬤᬤ᭄ᬯᬵ᭞ᬫᬧᬸᬦ᭄ᬢᭂᬮ᭄ᬲᬮᬶᬂᬢᬗᬶᬲᬶᬦ᭄᭞ᬚᬕ᭄ᬳᬤᬵᬰᬩ᭄ᬥᬓᬋᬗᬵᭂ᭞ᬳᬸᬄᬗᬸᬤᬫ
ᬦᬕᬶᬄᬫᬢᬶ᭞ᬲᬶᬤ᭄ᬥᬵᬲᬓ᭄ᬦᭂᬄᬘᬳᬶ᭞ᬜᬫᬦᬾᬧᬥᬓᬢᭂᬧᬸᬓ᭄᭞ᬳᭂᬦᬾᬢᬫ᭄ᬧᬶᬓᬤᬸᬢᬦ᭄᭞ᬓᭀᬭᬢᬸᬫᬗᬫ᭄ᬩᬶᬮ᭄ᬕᭂᬮᬶᬲ᭄᭞ᬲᬋᬂᬓᬮᬶᬄ᭞ᬫᬪᬓ᭄ᬢᬶᬫᬗᬯᬂᬗᬯᬂ᭟
Kaca:Bali-lontar-gaguritan-ratmaja-300ppi.pdf/20
Kaca puniki sampun kauji-wacén
