[ ᭖᭐ 60B]
᭖᭐᭞
ᬢ᭄ᬦᬶᬜ᭄ᬘᬧ᭄ᬤ᭄ᬯᬭᬳᬕᬸᬂ᭞ᬓᬦ᭄ᬤᭂᬕ᭄ᬕᬦ᭄ᬢᬸᬓ᭄ᬩᭂᬩᬕᬦ᭄᭞ᬲᬂᬫᬓ᭄ᬫᬶᬢ᭄᭞ᬲᬓᬾᬂᬧᬦᬶᬢᬄᬲᬂᬧ᭄ᬭᬪᬸ᭞ᬢᬦ᭄ᬓᬮᬸᬕ᭄ᬭᬲᬋᬂᬓᬢᬄ᭞ᬚᬸᬫᬸᬚᬸᬕ᭄ᬗ᭄ᬭᬜ᭄ᬚᬶᬂ
ᬓᬧᬸᬭᬶ᭟ᬲᭀᬓ᭄ᬲᬂᬫᬓ᭄ᬢᬧᬘᬦᬗᬦ᭄᭞ᬦᬾᬓᬮᬸᬕ᭄ᬭᬵᬓᬧᬸᬭᬶᬫᬗ᭄ᬭᬜ᭄ᬚᬶᬂ᭞ᬭᬭᬚᭀᬦ᭄ᬢᬶᬲᬂᬓᬚᬸᬚᬸᬃ᭞ᬲᬯᭀᬲᬦ᭄ᬭᬶᬂᬧᬸᬦᬶᬓᬵ᭞ᬢᬦ᭄ᬓᬮᬸᬕ᭄ᬭ᭞
ᬫᬗ᭄ᬤᬭᬶᬂᬚᬩᬫᬢᬸᬗ᭄ᬕᬸ᭞ᬤᬾᬦᬶᬂᬳᬶᬤᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬭᬶᬲ᭄ᬥᭂᬓ᭄ᬓᬢᬶᬩᬦᬦ᭄ᬕ᭄ᬭᬶᬂ᭟ᬲᬧᬸᬦᬶᬓᬵᬓᭀᬘᬧᬦ᭄᭞ᬳᬶᬭᬶᬗᬦᬾᬤᬸᬭᬸᬲ᭄ᬭᬶᬂᬚᬩᬵ
ᬗᬦ᭄ᬢᬶ,ᬢᬦ᭄ᬲᬋᬂᬓᬧᬸᬭᬶᬳᬕᬸᬂ᭞ᬜᬦ᭄ᬢᭀᬲᬂᬭᬶᬂᬩᬜ᭄ᬘᬶᬗᬄ᭞ᬲᬋᬂᬲᬫᬶ᭞ᬭᬶᬂᬲᭀᬃᬯᬭᬶᬗᬶᬦ᭄ᬫᬭᬸᬫ᭄ᬧ᭄ᬬᬸᬓ᭄᭞ᬲᬓᬾᬯᬦ᭄ᬢᭂᬦ᭄ᬧᬮᬶᬯᬭ᭞
[ ᭖᭑ 61A]
ᬲᬋᬂᬓᬮᬶᬄᬳᬮᬶᬢ᭄ᬳᬮᬶᬢ᭄᭟ᬲᬦᬾᬗᬶᬭᬶᬗᬂᬧᬸᬃᬬ᭄ᬬᬂ᭞ᬭᬭᬚᭀᬦ᭄ᬢᬶᬲᬫ᭄ᬧᬸᬦ᭄ᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬦᬗ᭄ᬓᬶᬮ᭄ᬭᬶᬂᬳᬶᬤᬲᬂᬧ᭄ᬭᬪᬸ᭞ᬧ᭄ᬭᬡᬢᬵᬫ
ᬢᬗᬦᬦ᭄᭞ᬗ᭄ᬮᬸᬂᬳᬗ᭄ᬕᬵᬭᬶᬂᬦᬢᬃᬦᬢ᭄ᬬᬫᬢᬶᬫ᭄ᬧᬸᬄ᭞ᬲᬶᬦᬃᬯ᭄ᬯᬶᬫᬫᬶᬢᬂᬮᬸᬕ᭄ᬭ᭞ᬗᬸᬦ᭄ᬢᬸᬮ᭄ᬧ᭄ᬭᬡᬫ᭄ᬬᬗᬩ᭄ᬓᬢᬶ᭟ᬯᬮᬸᬬᬓᬤᬶᬜᬸᬫ᭄ᬧ᭄ᬦᬵ᭞ᬰ᭄ᬭᬶ
ᬦᬭᬾᬦ᭄ᬤ᭄ᬭᬵᬓ᭄ᬭᬯᬸᬳᬦ᭄ᬭᬭᬚᭀᬦ᭄ᬢᬶ᭞ᬧ᭄ᬭᬫᬗ᭄ᬓᬶᬦ᭄ᬚᬕ᭄ᬗᭂᬚᭂᬃᬗᭂᬢᬸᬕ᭄᭞ᬳᬸᬮᬸᬦ᭄ᬳᬗᭂᬦᬾᬦᬸᬕ᭄ᬢᬕ᭄᭞ᬯᬯᬸᬗᬓ᭄ᬱᬶ᭞ᬓᬳᬬᭀᬦ᭄ᬲᬂᬤ᭄ᬬᬄᬦ᭄ᬭᬸ
ᬲ᭄ᬢᬸᬜ᭄ᬚᬸᬂ᭞ᬮᬶᬂᬮᬸᬂᬧᬮᬶᬂᬓᬮᬸᬮᬸᬢᬦ᭄᭞ᬦᬭᬾᬦ᭄ᬤ᭄ᬭᬓᬬᬸᬦᬾᬮᬸᬫᬶᬦ᭄ᬤᬶᬄ᭟ᬮ᭄ᬯᬶᬃᬧᬾᬦ᭄ᬤᬄᬩᬸᬮᬦ᭄ᬫᬸᬃᬡ᭄ᬦᬫ᭞ᬯᬯᬸᬫᬶᬚᬶᬮ᭄ᬲᬓᬾᬂᬗᬸᬥᬬᬵ
Kaca:Bali-lontar-gaguritan-rarajonti-350ppi.pdf/61
Kaca puniki sampun kauji-wacén
