Kaca:Bali-lontar-gaguritan-rarajonti-350ppi.pdf/62

Saking Wikisource
Kaca puniki sampun kauji-wacén

[ ᭖᭑ 61B]
᭖᭑᭞
ᬕᬶᬭᬶ᭞ᬭᬭᬚᭀᬦ᭄ᬢᬶᬫ᭄ᬮᭀᬓ᭄ᬮᬸᬫ᭄ᬮᬸᬫ᭄᭞ᬤᬾᬯᬦᬶᬂᬓᬍᬗᭂᬗᬦ᭄᭞ᬧᬸᬢᬶᬄᬕᬥᬶᬂᬢᬦ᭄ᬫᬭᬶᬦᬸᬤᬸᬢ᭄ᬳᬸᬮᬗᬸᬦ᭄᭞ᬜᬦ᭄ᬤᬂᬭᬸᬫ᭄ᬭᬸᬫ᭄ᬤᬶᬧᬫ᭄ᬭᬫᬦ᭄᭞
ᬰ᭄ᬭᬶᬦᬢᬵᬳᬢᬧ᭄ᬗᬾᬤᬓᬶᬦ᭄᭟᭐᭟ᬲᬶᬦᭀᬫ᭄᭟ᬲᬂᬧ᭄ᬭᬪᬸᬓᬤᬶᬧ᭄ᬭᬢᬶᬫ᭞ᬓᬧᬶᬗᭀᬦᬶᬭᬗᬓ᭄ᬱᬶ᭞ᬭᬭᬚᭀᬦ᭄ᬢᬶᬫᬸᬗ᭄ᬕ᭄ᬯᬶᬂᬦᬢᬃ
᭞ᬮ᭄ᬯᬶᬃᬧᬾᬦ᭄ᬤᬄᬤᬾᬯᬶᬅᬜ᭄ᬚᬦᬶ᭞ᬳ᭄ᬬᬗᬶᬂᬕᬸᬦᬸᬂᬋᬜ᭄ᬚᬦᬶ᭞ᬭᬶᬂᬧᬸᬭᬶᬧᭀᬄᬚᭂᬗ᭄ᬕᬶᬢ᭄ᬥᬸᬦ᭄᭞ᬯᬮᬸᬬᬵᬜᬸᬢᬶᬭᬸᬧ᭞ᬲᬭᬭᬲᬾᬫᬗᬾᬤᬦᬶᬦ᭄
᭞ᬢᬫᬾᬂᬮᬓᬸ᭞ᬜ᭄ᬕᬾᬕᬂᬩᬸᬧᬗᬦ᭄ᬢᬾᬦᬦ᭄᭟ᬲᬶᬦᭀᬫᬾᬫᬗᬫ᭄ᬧᬲ᭄ᬦᬗ᭄ᬓᬵ᭞ᬧᬕᬸᬭᬾᬦ᭄ᬢᬾᬂᬗᬭᬲ᭄ᬧᬶᬧᬶ᭞ᬭᬱᬓᭂᬦ᭄ᬤᭂᬮ᭄ᬩᭀᬗ᭄ᬕᬦ᭄ᬫᭂ

[ ᭖᭒ 62A]
ᬗ᭄ᬓᭀᬓ᭄᭞ᬤᬾᬦᬶᬂᬳᬕᭂᬢ᭄ᬧᭀᬮᬶᬄᬜᬦ᭄ᬤᬶᬂ᭞ᬲᭂᬗ᭄ᬓᬗᬾᬧᬓᬜᬶᬢ᭄ᬜᬶᬢ᭄᭞ᬫᬲᬲᭀᬘᬦ᭄ᬗᭂᬦ᭄ᬤᬶᬄᬫᬸᬭᬸᬩ᭄᭞ᬓᬤᬶᬩᬶᬦ᭄ᬢᬂᬓᬃᬢ᭄ᬢᬶᬓᬵ᭞ᬫᬧᬶ
ᬗ᭄ᬕᭂᬮ᭄ᬫᬲ᭄ᬢᬸᬳᬸᬳᬲᬶᬦ᭄᭞ᬢᬗᬦ᭄ᬮᬮᬸᬲ᭄᭞ᬍᬄᬮᬦ᭄ᬤᭂᬄᬗᬲᭀᬭᬂᬕ᭄ᬥᬄ᭟ᬚᬭᬶᬚᬮᬸᬭᬸᬲ᭄ᬫᬗᬜ᭄ᬘᬦ᭄᭞ᬧᬦ᭄ᬢᭂᬲ᭄ᬕᭂᬦᬄᬳᬮᬶᬳᬮᬶ᭞ᬫᬲ
ᬲᭀᬘᬦ᭄ᬫᬶᬭᬄᬓᬯᭀᬢ᭄᭞ᬦᬓᬦᬾᬜᬮᬂᬫᬓ᭄ᬭᬶᬦᬶᬂ᭞ᬢᬦ᭄‌ᬧᬾᬦ᭄ᬤᬄᬫᬡᬶᬓ᭄ᬯᬭᬶᬄ᭞ᬢᬗᭂᬦᬾᬍᬫᭂᬢ᭄ᬫᬍᬗ᭄ᬓᬸᬂ᭞ᬢᬢ᭄ᬓᬵᬮᬫᬢᭀ
ᬤ᭄ᬢᭀᬤᬦ᭄᭞ᬧᬸᬲᬸᬗᬾᬲᭀᬗ᭄ᬕᬾᬂᬓᬲᬫ᭄ᬧᬶᬂ᭞ᬲᬃᬯ᭄ᬯᬶᬗᬸᬦ᭄ᬢᬸᬮ᭄᭞ᬭᬭᬚᭀᬦ᭄ᬢᬶᬗᬸᬭᬶᬓ᭄ᬢᬦᬄ᭟ᬲᬂᬧ᭄ᬭᬪᬸᬳᬮᭀᬦ᭄ᬗᬦ᭄ᬤᬶᬓ᭞ᬳᬤᬸᬄᬜ