Kaca puniki sampun kauji-wacén
[ ᭑᭓᭒ 132B]
᭑᭓᭒᭞
ᬫ᭄ᬧᬸᬗᬦ᭄᭞ᬲᬧᬸᬦᬶᬓᬵᬮᬶᬗᬶᬂᬳᬚᬶ᭟ᬳᬶᬤᬧᬗᬾᬭᬦ᭄ᬜᬸᬄᬳᬬᬵ᭞ᬳᬶᬤᬓᬺᬳᬂᬲᬦ᭄ᬢᬦᬫᬯᬺᬤ᭄ᬥᬶ᭞ᬓᬳᬸᬘᬧ᭄ᬓ᭄ᬬᬳᬶᬩᬢᬦ᭄ᬚ᭄ᬭᬸᬓ᭄᭞ᬤᬯᭂ
ᬕ᭄ᬭᬶᬂᬲ᭄ᬯᬾᬘ᭄ᬘᬧᬸᬭ᭞ᬧᭀᬮᬶᬄᬲᬶᬲᬶᬧ᭄᭞ᬳᬦ᭄ᬤᬕᬵᬭᬶᬂᬤᬍᬫ᭄ᬩᬗ᭄ᬲᬸᬮ᭄᭞ᬓᬲᬾᬤᬬᬂᬭᬶᬂᬚᬸᬗᬸᬢᬦ᭄᭞ᬳᬶᬕᬸᬲ᭄ᬢᬶᬳᭀᬓᬗᭂᬦ᭄ᬢᭀᬲᬶᬦ᭄᭟ᬓᬵᬂ
ᬧᬸᬢ᭄ᬭᬧᬸᬧᭀᬦ᭄ᬧᬸᬧᭀᬦ᭄᭞ᬜᬦ᭄ᬢᬦᬬᬂᬳᬶᬤᬦᬓᬕᬸᬂᬫᬗ᭄ᬓᬶᬦ᭄᭞ᬭᬶᬂᬓᬭᬗ᭄ᬳᬲᭂᬫ᭄ᬦᬕᬦ᭄ᬢᬸᬦ᭄᭞ᬲᬋᬂᬢᬶᬕᬫᬗ᭄ᬕᬮ᭞ᬜᬓ᭄ᬭᬯᬃᬢ᭄ᬢᬶ᭞ᬓᬧ᭄ᬭ
ᬪᭀᬦ᭄ᬳᬶᬤᬓᬲᬸᬫ᭄ᬩᬸᬂ᭞ᬲᬶᬦᭂᬧᭂᬃᬭᬯᬸᬄᬓᬲᬲᬓ᭄᭞ᬦᬵᬕᬢᬶᬕᬵᬬᬦᬸᬧᬫᬶ᭟ᬓᭀᬘᬧ᭄ᬭᬤᬾᬦ᭄ᬓᬺᬢ᭄ᬢᬯᬓ᭄ᬱ᭞ᬓᬦ᭄ᬢᬸᬦ᭄ᬗᭂᬧᬄᬭᬶᬂᬲᭀᬃᬢᬭᬸ
[ ᭑᭓᭓ 133A]
ᬯᬭᬶᬗᬶᬦ᭄᭞ᬜᭀᬗ᭄ᬓᭀᬓ᭄ᬭᬶᬂᬕ᭄ᬦᬳᬾᬤᬬᬸᬄ᭞ᬓᬭᬶᬜᬦ᭄ᬢᭀᬲ᭄ᬳᭀᬓᬲᬦ᭄᭞ᬧ᭄ᬭᬬᬦᬗ᭄ᬓᬶᬮ᭄᭞ᬭᬶᬂᬳᬶᬤᬳᬦᬓᬾᬳᬕᬸᬂ᭞ᬢᬦᬲ᭄ᬯᬾᬭᬯᬸᬄ
ᬧᬋᬓᬦ᭄᭞ᬜᬤ᭄ᬬᬗᬸᬦᬶᬗᬂᬓᬧᬸᬭᬶ᭟᭐᭟ᬲᬶᬦᭀᬫ᭄᭟ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬳᬶᬤᬲᬂᬓᬢ᭄ᬯᬗᬶᬂᬪᬸᬫᬶ᭞ᬪᬸᬧᬮᬓᬾᬂᬳᬫ᭄ᬮᬧᬸᬭᬵ᭞
ᬳᬦᬓᬕᬸᬂᬲᬦᬓ᭄ᬓᬢ᭄ᬭᬶᬡᬶ᭞ᬧᬶᬦᬶᬄᬤᬸᬳᬸᬃᬲᬫᭂᬡ᭄ᬥᬶ᭞ᬗᭀᬤᬕ᭄ᬧᬜ᭄ᬚᬓ᭄ᬫᬥᭂᬕ᭄ᬧ᭄ᬭᬪᬸ᭞ᬧᬭᬩ᭄ᬅᬗ᭄ᬮᬸᬭᬄᬯᬬᬦ᭄ᬓᬭᬗ᭄ᬳᬲᭂᬫ᭄ᬜᬓ᭄ᬭᬯᬃᬢ᭄ᬢᬶ᭞ᬭᬢᬸ
ᬯᬶᬪᬸᬄ᭞ᬓᬵᬲ᭄ᬳᬯᬚᬦᬦᬸᬭᬕ᭟ᬲᬂᬧ᭄ᬭᬪᬸᬲᬸᬩᬮᬯᬶᬃᬬ᭄ᬬ᭞ᬓᬢᬫ᭄ᬧᬳᬦ᭄ᬢᬸᬓ᭄ᬲᬂᬳᬭᬶ᭞ᬅᬗ᭄ᬮᬸᬭᬄᬜᭀᬫᬦ᭄ᬪᬶᬱᬾᬓ᭞ᬳᬶᬯᬭᬚᬘ᭄ᬢᬾᬂᬦᬶᬢᬶ᭞
