Kaca:Bali-lontar-gaguritan-rarajonti-350ppi.pdf/134

Saking Wikisource
Kaca puniki sampun kauji-wacén

[ ᭑᭓᭓ 133B]
᭑᭓᭓᭞
ᬓᬗᬭᬶᬧᬶᬦᬶᬄᬳᬮᬶᬢ᭄᭞ᬫᬧᬲᬾᬗᬦᬵᬗ᭄ᬮᬸᬭᬄᬓ᭄ᬢᬸᬢ᭄᭞ᬓᬭᬗ᭄ᬳᬲᭂᬫ᭄ᬳᬶᬦᬸᬘᬧ᭄᭞ᬓᬲᬸᬫ᭄ᬩᬸᬂᬭᬶᬂᬚᬕᬢ᭄ᬩᬮᬶ᭞ᬚᬬᬾᬂᬰᬢ᭄ᬭᬸ᭞ᬪᬝᬵᬭᬯᬶᬱ᭄ᬡᬸ᭞ᬦᬸ
ᬫᬶᬦ᭄ᬤ᭟ᬜᬧᬸᬳᬂᬓᬍᬗ᭄ᬓᬦ᭄ᬚᬕᬢ᭄᭞ᬳᬫ᭄ᬭᬶᬄᬋᬱ᭄ᬝᬶᬦᬶᬂᬲᬪᬸᬫᬶ᭞ᬢᬦ᭄ᬓᬮᬳᬶᬤᬲᬂᬓᬢᭀᬂ᭞ᬓᬢᬗ᭄ᬓᬶᬮ᭄ᬧᬭᬲᬸᬮᬶᬗ᭄ᬕᬶᬄ᭞ᬲᬂᬩᭀᬤ᭄ᬥᬵᬩᬸᬤ᭄ᬥᬓ᭄ᬮᬶᬂ᭞ᬰᬶ
ᬯᬰ᭄ᬭᬶᬥᬦ᭄ᬢᬲᬤᬸᬮᬸᬃ᭞ᬧᬶᬥᬥᬫ᭄ᬯᬂᬫᬡ᭄ᬥᬭ᭞ᬩᬸᬗ᭄ᬳᬳ᭄ᬬᬮᬦ᭄ᬲᬶᬡ᭄ᬥᬸᬯᬢᬶ᭞ᬫ᭄ᬯᬂᬲᬂᬯᬶᬓᬸ᭞ᬧᬸᬭᭀᬳᬶᬢᬭᬶᬂᬕ᭄ᬭ᭄ᬬᬵᬧᬸᬡ᭄ᬬ᭟ᬓᬂᬳᬭᬶᬓᬮᬶᬄᬲᬶᬦᬾᬪ᭞ᬓᬳᬶ
ᬭᬶᬂᬢᬡ᭄ᬥᬵᬤᬶᬫᬦ᭄ᬢ᭄ᬭᬶ᭞ᬦᬾᬤᬤᭀᬲ᭄ᬩᬦ᭄ᬢᬂᬩᬩᬯᭀᬲ᭄ᬳᬶᬦ᭄ᬤᬶᬓ᭄ᬫᬓᬃᬬ᭄ᬬᬧᬮᬶᬗ᭄ᬕᬶᬄ᭞ᬮᬶᬗ᭄ᬕᬶᬄᬭᬚᬤᬾᬯᬢᬶ᭞ᬲᬫᭂᬢᭀᬦ᭄ᬳᬦᬓᬾᬳᬕᬸᬂ᭞ᬲᬂᬲᬫ᭄ᬧᬸᬦ᭄ᬓ
[ ᭑᭓᭔ 134A]
ᬧ᭄ᬭᬮᬶᬡ᭞ᬳᬦ᭄ᬢᬸᬓ᭄ᬳᬶᬤᬳ᭄ᬬᬂᬢᭀᬄᬮᬗ᭄ᬓᬶᬃ᭞ᬓᬫᬾᬢ᭄ᬯᬥᬸ᭞ᬓᬤᬶᬮᬶᬗᬶᬂᬧᬫᬜ᭄ᬘᬗᬄ᭟ᬤ᭄ᬬᬄᬭᬢ᭄ᬦᬵᬳᬶᬦ᭄ᬢᭂᬦ᭄ᬧᬦᭂᬗ᭄ᬕᬄ᭞ᬓᬳᬬᭀᬦᬾᬢᬦ᭄ᬧ
ᬢᬦ᭄ᬤᬶᬂ᭞ᬚᬦ᭄ᬢᭀᬲ᭄ᬲᬂᬳ᭄ᬬᬂᬧᬸᬢ᭄ᬭᬚᬬ᭞ᬓᬯᬶᬭᬕᬦ᭄ᬮᬸᬮᬸᬢᬲᬶᬄᬗᬓ᭄ᬱᬶᬮᬓ᭄ᬱ᭄ᬫᬶᬦᬶᬂᬧᬸᬭᬶ᭞ᬮ᭄ᬯᬶᬃᬧᬾᬦ᭄ᬤᬄᬳ᭄ᬬᬂᬕᬶᬭᬶᬯᬥᬸ᭞ᬓᬚᬫᬄᬚᬶᬦᬲ᭄ᬫ
ᬭ᭞ᬓᬢᬸᬭᭀᬦᬦ᭄ᬲᬩ᭄ᬭᬦ᭄ᬯᭂᬗᬶ᭞ᬮᬶᬗᬶᬂᬢᬸᬢᬸᬃ᭞ᬳᬶᬦᬾᬫᬦ᭄ᬳ᭄ᬬᬂᬫᬳᬵᬤᬾᬯ᭟ᬚᬦ᭄ᬢᭀᬲ᭄‌ᬲᬂᬰ᭄ᬭᬶᬦᬶᬂᬓᬥᬢ᭄ᬯᬦ᭄᭞ᬕᬃᬩ᭄ᬪᬶᬡᬶᬓᬦ᭄ᬢᬸᬭᬸᬡᬶ᭞
ᬭᬶᬂᬲᬫ᭄ᬧᬸᬦ᭄ᬢᬸᬢᬸᬕ᭄ᬩᬸᬮᬦᬦ᭄᭞ᬫᭀᬮᬄᬲᬗᬶᬂᬕᬃᬩ᭄ᬪᬯᬶᬦᬶ᭞ᬳᭂᬫ᭄ᬩᬲᬦᬓᬾᬳᬮᬶᬢ᭄᭞ᬧᬭᬶᬧᬸᬃᬡ᭄ᬦᬮᬦᬂᬩᬕᬸᬲ᭄᭞ᬓᬤᬶᬕᬡ᭄ᬳᬃᬯ᭄ᬯᬭᬚ᭞