[ ᭙᭐ 90B]
᭙᭐
ᬢᬶᬦᭂᬧᬓᬦ᭄᭞ᬭᬭᬶᬲ᭄ᬗᬫ᭄ᬧᬓ᭄ᬮᬯᬗᬦ᭄᭞ᬢᬸᬮᬸᬂᬢᬸᬮᬸᬂᬓᬓᭂᬧᬸᬗᬶᬦ᭄᭞ᬭᬶᬂᬲᬦᬾᬮᬦᬂ᭞ᬧᬦ᭄ᬧᬸᬬᬸᬂᬦᭂᬥᭂᬄᬗᭂᬧᬸᬗᬶᬦ᭄᭟᭐᭟᭑᭒᭟ᬲᬋᬂᬓᬢᬄᬗᭂᬚᬸᬓ᭄ᬳᬶᬤᬓᭀᬫᬂᬲᭀᬯᬂ᭞
ᬳᬤᬗᬸᬩᬤ᭄ᬫᬗᭂᬩᬸᬢᬶᬦ᭄᭞ᬕᭂᬮᬶᬲ᭄ᬓᭂᬫᭂᬫ᭄ᬭᬶᬂᬢᬶᬩ᭄ᬯᬦ᭄᭞ᬓᬓᭂᬫ᭄ᬩᬭᬶᬦ᭄ᬲᬋᬂᬓᬢᬄ᭞ᬓᬲ᭄ᬯᬾᬦ᭄ᬤᬶᬗᬶᬦ᭄ᬯᬳᬸᬳᬾᬮᬶᬂ᭞ᬳᬦᬭᬶᬂᬭᬵᬕ᭞ᬭᬶᬂᬦᬷᬯᬬᬦ᭄ᬫᬮᬓᬸᬧᭂᬮᬶᬄ᭟᭐᭟᭑᭓᭟ᬯᬬᬦ᭄ᬧᬸᬬᬸᬂ
ᬦᭀᬭᬤᬦᬾᬦᬭᬶᬫ᭞ᬦᭂᬧᭂᬢᬂᬲᬓᬤᬶᬚᬜ᭄ᬚᬶ᭞ᬳᬶᬤᬓᭀᬫᬂᬓᬕ᭄ᬬᬢ᭄᭞ᬧ᭄ᬭᬫᬗ᭄ᬓᬾᬢᬦ᭄ᬲᬗ᭄ᬓᬾᬬᬦ᭄᭞ᬫᬢᬶᬗ᭄ᬕᬮ᭄ᬲᬫ᭄ᬩᬶᬮᬂᬲᭂᬤᬶᬄ᭞ᬲᬮᬦ᭄ᬢᬂᬚᬮᬦ᭄᭞ᬧᬭᬶᬲᭂᬮ᭄ᬲᭂᬮ᭄ᬮᬶᬦ᭄ᬢᬂᬲᭂᬗᬶ
ᬢ᭄᭟᭐᭟᭑᭔᭟ᬧᭂᬢᭂᬂᬍᬫᬄᬳᬶᬤᬓᭀᬫᬂᬫᬗᬸᬧᬬ᭞ᬚᬮᬭᬦ᭄ᬗᬮᬶᬄᬤᬾᬱ᭄ᬞᬶᬭᬸᬶᬂᬲᬸᬶᬂᬭᬭᬶᬲ᭄ᬩᬸᬤᬮ᭄ᬓᬓᭀᬢ᭞ᬢᬦ᭄ᬫᬭᬶᬓᬤᬸᬄᬓᬶᬢᬦ᭄᭞ᬯᬦ᭄ᬢᬸᬦᬶᬦ᭄ᬢᬸᬢᬸᬭᬾᬫᬗ᭄ᬓᬶᬦ᭄᭞ᬲᬾ
[ ᭙᭑ 91A]
ᬢᭀᬲᬸᬘᬧᬂ᭞ᬲᬓᬶᬂᬳᭂᬫ᭄ᬩᬂᬦᬵᬕᬭᬷ᭟᭐᭟ᬧᬸᬧᬸᬄᬤᭂᬫᬸᬂ᭟᭐᭟᭑᭟ᬓᭀᬘᬧ᭄ᬘᬭᬶᬢᬫᬗ᭄ᬓᬶᬦ᭄ᬲᬢ᭄ᬭᬶᬬᬮᬦᬂ᭞ᬗᬓᬗᭂᬥᬾᬰᬹᬦ᭄ᬬᬳᬶᬓᬸ᭞ᬕᬯᬾᬦᬾᬫᬩᬸᬭᬸ᭞ᬫᬧᬶᬓᬢ᭄ᬓᬜ᭄ᬘᬦᬶᬓᭂ
ᬤᬶᬲ᭄᭞ᬲᬓᬶᬂᬩᬜ᭄ᬚᬃᬳᭂᬫ᭄ᬩᬂ᭞ᬳᭀᬮᬶᬄᬩᬢᬶᬭᬶᬗ᭄ᬕᬶᬢ᭄ᬲᬢᬸᬲ᭄᭞ᬮᬪᬦᬾᬫᬤᭀᬮᬦ᭄᭞ᬧᬓ᭄ᬱᬶᬢᬶᬢᬶᬭᬦ᭄ᬩᭂᬘᬶᬓ᭄᭞ᬓᬸᬤᬂᬢᬶᬩᬦ᭄ᬫᬦᬸᬧ᭄ᬢᬸᬧᬂ᭞ᬗᬤᭀᬮ᭄ᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭟᭐᭟
᭒᭟ᬭᬶᬂᬧᬲᬃᬳᭀᬮᬶᬄᬳᭀᬃᬢᬶᬓᬮᬶᬦ᭄ᬢᬂᬫᬾᬦ᭄ᬤ᭄ᬭᬿ᭞ᬫᬗ᭄ᬭᬸᬗᬸᬦᬶᬯᬬᬦ᭄ᬧᬸᬬᬸᬂ᭞ᬫᭂᬢᬸᬇᬥᭂᬧ᭄ᬳᬚᬸᬫ᭄᭞ᬦᬸᬮ᭄ᬬᬩᬸᬤᬮ᭄ᬲᬤᬕᭂᬮᬶᬲ᭄᭞ᬫᬗᬢᬸᬭᬶᬦ᭄ᬤᬾᬲᬓ᭄ᬩ᭄ᬬᬂ᭞ᬚᬕᬫᬥᬶᬓ᭄ᬯᬬᬦ᭄ᬧᬸᬬᬸᬂ᭞ᬧᬸ
ᬧᬸᬢᬶᬂᬭᬋᬫ᭄ᬩᬬᬦ᭄᭞ᬦᬸᬚ᭄ᬯᬂᬤᬾᬯᬱᬯᭂᬗᬶ᭞ᬩ᭄ᬬᬂᬤᬦᬾᬢᬦᬦᬧᬜ᭄ᬚᬂ᭞ᬉᬧᬓᬵᬭᬲᬵᬫ᭄ᬧᬸᬦ᭄ᬧᬸᬧᬸᬢ᭄᭟᭐᭟᭓᭟ᬳᭂᬦ᭄ᬤᬕ᭄ᬲᬹᬃᬬᬦᬾᬫᬗ᭄ᬓᬶᬦ᭄ᬦᬩ᭄ᬤᬩᬂᬤᭀᬓᬃ᭞ᬫᬫ᭄ᬯᬢ᭄ᬕᬸᬮᬶᬂ
Kaca:Bali-lontar-gaguritan-puyung-sugih-250ppi.pdf/91
Kaca puniki sampun kauji-wacén
