[ ᭙᭑ 91B]
᭙᭑
ᬳᬚᬶᬲ᭄ᬬᬸ᭞ᬫᬶᬯᬄᬭᬶᬗ᭄ᬕᬶᬢ᭄ᬲᬢᬸᬲ᭄᭞ᬢᬶᬕᬂᬤᭀᬓᬃᬕᭂᬮᬶᬲ᭄ᬮᬸᬫᬭᬶᬲ᭄᭞ᬧᬫᬃᬕᬶᬦᬾᬫᬢᬸᬫ᭄ᬩ᭄ᬭᬕᬦ᭄᭞ᬭᬯᬸᬄᬦᬭᬶᬂᬓᬭᬂᬲᬸᬯᬸᬂ᭞ᬦᬸᬮ᭄ᬬᬕᭂᬮᬶᬲ᭄ᬓᬲᬧ᭞ᬳᬦ᭄ᬢᬸᬓ᭄ᬧᬦ᭄ᬧᬸᬬᬸᬂᬲᬸ
ᬕᬶᬄ᭞ᬭᬭᬶᬲ᭄ᬜᬸᬗ᭄ᬓᭂᬤ᭄ᬫᬦᬸᬦᬲᬂ᭞ᬲᬫᬶᬢᬶᬗ᭄ᬕᬃᬢᬸᬢᬶᬫᬢᬸᬢᬸᬃ᭟᭐᭟᭔᭟ᬧᬸᬧᬸᬢ᭄ᬫᬤᬩ᭄ᬤᬩ᭄ᬫᬚᬜ᭄ᬚᬶᬓᬜ᭄ᬘᬭᬭᬗᬦ᭄᭞ᬲᬵᬫ᭄ᬧᬸᬦ᭄ᬗᬕᭂᬫ᭄ᬧᬥᬲᬗ᭄ᬕᬸᬧ᭄᭞ᬮᬸᬄᬧᬸᬬᬸᬂᬗᬚᬓ᭄ᬫᬦ᭄ᬢᬸᬓ᭄᭞ᬲᬕᬺᬳᬦ᭄ᬩᬸᬤ
ᬮ᭄ᬲᬫᬶ᭞ᬦᬭᬶᬂᬩᬜ᭄ᬚᬃᬳᭂᬫ᭄ᬩᬂ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬯᭂᬗᬶᬲᬵᬫ᭄ᬧᬸᬦ᭄ᬦᬗ᭄ᬕᬮ᭄᭞ᬧᬸᬧᬸᬢ᭄ᬫᬗᬦ᭄ᬳᬕᭀᬲ᭄ᬢᬶ᭞ᬗᬓᬦ᭄ᬕᭂᬥᬾᬫᬗᬦ᭄ᬤᬶᬓ᭞ᬦᬭᬶᬭᬩᬶᬦᬾᬦᬶᬮᬸᬄᬧᬸᬬᬸᬂ᭟᭐᭟
᭕᭟ᬥᬸᬄᬳᬤᬶᬧᬸᬬᬸᬂᬲᬸᬕᬶᬄ᭞ᬳᬗ᭄ᬕᬾᬦ᭄ᬧᬫᬃᬡ᭞ᬲᭀᬮᬄᬗᬦ᭄ᬢᬾᬦᬶᬮᬂᬤᬮᬸ᭞ᬦᬾᬮᬸᬄᬗᭂᬮᬾᬲᬶᬦ᭄ᬲᬸᬲᬸ᭞ᬦᬫᬶᬦᬾᬳᬶᬤᬾᬯᬉᬧᬤᬶ᭞ᬓᬾᬯᬮᬦᬾᬭᬶᬂᬮᬸᬯᬃ᭞ᬍᬕᬢᬶ
[ ᭙᭒ 92A]
ᬢ᭄ᬬᬂᬗᬸᬲᬸᬤᬸᬲᬸᬤ᭄᭞ᬬᬤ᭄ᬬᬧᬶᬦ᭄ᬫᬗᬭᬲ᭄᭞ᬤᬸᬓᬧᬦ᭄ᬢᬶᬢ᭄ᬬᬂᬧᬶᬗᬶᬢ᭄᭞ᬲᬵᬫ᭄ᬧᬸᬦ᭄ᬤᬾᬯᬫᬗᬃᬫᬸᬤ᭞ᬲᬸᬲᬸᬦ᭄ᬢᬶᬢ᭄ᬬᬂᬳᬗ᭄ᬕᬾᬫᬜᬮᬶᬫᬸᬃ᭟᭐᭟᭖᭟ᬫᬩᭂᬮᬢ᭄ᬩᬦ᭄ᬢᬳᬸᬶᬮ᭄ᬳᬕᬸᬮᬶᬂᬭᬶᬧᬫᬺ
ᬫᬦ᭄᭞ᬗᭂᬤᬶᬮ᭄ᬤᬦᬾᬗᬶᬲᭂᬧ᭄ᬲᬸᬲᬸ᭞ᬗᬯᬲ᭄ᬫᭂᬓᬸᬶᬂᬦᬾᬓ᭄ᬢᬸᬯᬸᬦ᭄᭞ᬢᭀᬂᬲᬸᬫᬦ᭄ᬤᬂᬢᬶᬕᬂᬯᭂᬗᬶ᭞ᬳᬦ᭄ᬢᬸᬓ᭄ᬓᬢᬸᬭᬶᬤᬦ᭄᭞ᬓᭂᬩᬸᬲ᭄ᬩᬭᬳᬸᬭᬢ᭄ᬓᬓᬸ᭞ᬕᭂᬲᭂᬂᬲ᭄ᬫᬭᬢᬸᬭ᭞ᬧᬕᭂᬄᬤᬦᬾᬫᬶ
ᬦᭂᬳᬶᬦ᭄᭞ᬲᬶᬦᬵᬫ᭄ᬧᬸᬭᬯᬬᬂᬲᬬᬂ᭞ᬲᬓᬶᬂᬧᭀᬗᬄᬩᭂᬮᬶᬫᬲᬥᬸ᭟᭐᭟᭗᭟ᬕᭂᬮᬶᬲᬦ᭄ᬢᬶᬢ᭄ᬬᬂᬗᭂᬫᬲᬶᬦ᭄ᬧᬘᬂᬳᬦ᭄ᬢᬓ᭞ᬓᬩᬢᭂᬓ᭄ᬳᬢᬶᬦᬾᬮᬶᬂᬮᬸᬂ᭞ᬚᬵᬢᬶᬓᬵᬤᬶᬥᬸᬥᬸᬢ᭄᭞ᬯᬶ
ᬦᬮᬸᬬᬦᭀᬦ᭄ᬢᭀᬦ᭄ᬰᬰᬶᬄ᭞ᬳᬕᭂᬢᬾᬓᬲᬸᬦ᭄ᬤᬭᬦ᭄᭞ᬲᬸᬫᬲᬢ᭄ᬗᬸᬗ᭄ᬕᬳᬶᬦ᭄ᬕᬸᬦᬸᬂ᭞ᬤᭂᬓᬄᬩᭂᬤᬓ᭄ᬮᬬᬄ᭞ᬮ᭄ᬯᬶᬃᬫᭂᬓᬦᬾᬧᬩᬮᬶᬄ᭞ᬳᬗ᭄ᬕᬦᬶᬂᬜᬗ᭄ᬓᬸᬢᬶᬦ᭄ᬮᬯᬢ᭄᭞ᬕᭂᬮᬶᬲᬦ᭄ᬢᬶ
Kaca:Bali-lontar-gaguritan-puyung-sugih-250ppi.pdf/92
Kaca puniki sampun kauji-wacén
