[᭖᭗ 67B]
᭖᭗
ᬦ᭄ᬳᬬᬸ᭟᭐᭟ᬧᬸᬧᬸᬄᬓᬸᬫᬫ᭄ᬩᬂ᭟᭐᭟᭑᭟ᬯᬾᬦ᭄ᬢᭂᬦ᭄ᬚᬦ᭄ᬫᬓᬲᬗ᭄ᬲᬭᬦ᭄ᬲᬓᬶᬢ᭄ᬳᬢᬶ᭞ᬯᬦ᭄ᬤᬸᬳᬸᬮᬶᬂᬲᬸᬩ᭞ᬓᬮᬸᬤᬦ᭄ᬬᬗᭂᬩᬸᬲ᭄ᬤᬶᬗᬶᬦ᭄᭞ᬘᭂᬘᭂᬄᬬᬫᬗᭂᬦ᭄ᬢᬄᬳᭂᬦ᭄ᬢᬄ᭟᭐᭟᭒᭟ᬮᬶᬦ᭄ᬢᬂᬮᬯᬲ᭄ᬦᬦ᭄ᬥᬂᬮᬭᬲᬫ᭄ᬧᬿ
ᬓᬶᬭᬶᬲ᭄᭞ᬯᬱ᭄ᬝᬦ᭄ᬜᬦᬾᬓᭂᬢᬄ᭞ᬕᭂᬥᬾᬳᬾᬮᭀᬕ᭄ᬲᬓᬶᬂᬳᬮᬶᬢ᭄᭞ᬲᬓᬶᬂᬩᬜ᭄ᬚᬃᬧᬗᬸᬗᬗᬦ᭄᭟᭐᭟᭓᭟ᬭᬭᬶᬲ᭄ᬜᬯᬂᬕᭂᬥᬾᬳᬾᬮᭀᬕ᭄ᬫᬲᬲᬗᬶ᭞ᬳᬶᬗᬸᬄᬫᬲᬯᬸᬤᬦ᭄᭞ᬲᬓᬶᬢ᭄ᬮᬫᬫᬸᬜᬶᬧᬮᬶᬂ᭞ᬫᬤᬓ᭄ᬲᭂ
ᬕᭂᬃᬤᬾᬯᬢᬶᬢ᭄ᬬᬂ᭟᭐᭟᭔᭟ᬢᬶᬢ᭄ᬬᬂᬜᬤ᭄ᬬᬫᬦᬸᬥᬸᬓ᭄ᬳᬶᬧᬸᬬᬸᬂᬲᬸᬕᬶᬄ᭞ᬫᬸᬗ᭄ᬧᬸᬂᬫᬗ᭄ᬓᬶᬦ᭄ᬧᬮᬲ᭄᭞ᬮᬓᬃᬩᬬᬄᬲᬢᬸᬲ᭄ᬭᬶᬗ᭄ᬕᬶᬢ᭄᭞ᬫᬮᬶᬄᬕᬸᬮᬸᬂᬧᬲᬓᬧᬦ᭄᭟᭐᭟᭕᭟ᬚᬵᬢᬶᬲᬤ᭄ᬬᬓᭂᬜ᭄ᬚᭂᬓᬦ᭄ᬢᬶᬗ᭄ᬕᬮᬶᬦ᭄ᬲ
ᬓᬶᬢ᭄᭞ᬲᭂᬕᭂᬃᬜᬦᬾᬦᬗ᭄ᬕᬮ᭄᭞ᬲᬲᬗᬶᬦᬾᬓᬢᬯᬸᬭᬶᬦ᭄᭞ᬚᬕᬫᬥᬶᬓ᭄ᬜᬳᬶᬯᬬᬦ᭄᭟᭐᭟᭖᭟ᬫᬲᬶᬳᭀᬭᬄᬦᬭᬶᬂᬫᬾᬫᬾᬦ᭄ᬜᬦᬾᬫᬗ᭄ᬓᬶᬦ᭄᭞ᬫᬮᬶᬄᬭᬶᬂᬳᬶᬩᬧ᭞ᬢᬶᬢ᭄ᬬᬂᬲᭂᬕᭂᬃᬓᬤᬶᬫᬗ᭄ᬓᬶ
[ ᭖᭘ 68A]
ᬦ᭄᭞ᬲᬲᬗᬶᬦᬾᬫᬗᬯᬶᬦᬂ᭟᭐᭟᭗᭟ᬫᬾᬫᬾᬩᬧᬢ᭄ᬯᬸᬃᬳᬸᬢᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬫᬗ᭄ᬩᬶᬮ᭄ᬦᬶᬮᬸᬄᬯᬬᬦ᭄᭞ᬳᬦ᭄ᬢᬾᬦᬂᬢᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬉᬧᬓᬭᬦᬾᬧᬸᬧᬸᬢᬂ᭟᭐᭟᭘᭟ᬦᬗ᭄ᬓᭂᬚᬸᬢᬂᬭᬭᬵᬫᬦ᭄ᬜᬦᬾᬫ
ᬫᬸᬜᬶ᭟ᬉᬥᬸᬄᬩᬥᬄᬤᬾᬯ᭞ᬓᬸᬚᬂᬕᭂᬥᬾᬫᬜᬸᬓᬦᬶᬦ᭄᭞ᬳᬦᬓ᭄ᬮᬸᬄᬤᬶᬩᬗᬦ᭄ᬢᬾᬦᬦ᭄᭟᭐᭟᭙᭟ᬳᬸᬮᬶᬂᬲᬸᬩᬕᭂᬥᬾᬳᬾᬮᭀᬕ᭄ᬦᬦ᭄ᬤᬂᬲᬓᬶᬢ᭄᭞ᬯᬦ᭄ᬤᬸᬲᬓᬶᬢ᭄ᬭᬳᬢ᭄᭞ᬇᬦᬩ᭄ᬕᬸᬫᬶᬲᬵᬫ᭄ᬧᬸᬦᬸᬦᬶᬂ᭞ᬳᬸᬮ᭄ᬬᬦ᭄ᬧᭂ
ᬧᭂᬲ᭄ᬫᬳᬸᬩᬤᬦ᭄᭟᭐᭟᭑᭐᭟ᬫᬯᬘᬓᬂᬧᬶᬂᬲᬮᬶᬓᬸᬃᬲᬦᬾᬗᬹᬦᬶ᭞ᬫᬲᬶᬢᭀᬂᬓᬲᬶᬤᬦ᭄᭞ᬓᬸᬤᬂᬩᬦ᭄ᬢᭂᬦ᭄ᬫᬶᬯᬄᬧᬶᬧᬶᬲ᭄᭞ᬲᬓᬶᬢ᭄ᬢᬶᬍᬄᬢᭀᬂᬫᬭᬭ᭄ᬬᬦ᭄᭟᭐᭟᭑᭑᭟ᬤᬸᬄᬧᭂᬃᬘᬸᬫᬯᬮᬸᬬᬗᬸᬭᬸᬕ᭄ᬧ
ᬗ᭄ᬓᬸᬂᬘᭂᬦᬶᬂ᭞ᬓᬾᬢᭀᬬᬦ᭄ᬭᬱᬬᬂ᭞ᬧᬢᭂᬫ᭄ᬧᬸᬄᬭᬵᬕᬦᬾᬚᬦᬶ᭞ᬉᬦ᭄ᬤᬸᬓᬾᬫᬓᬸᬋᬦᬦ᭄᭟᭐᭟᭑᭒᭟ᬲᬓᬶᬢ᭄ᬩᬧᬗᬸᬢᬂᬚᬶᬦᬄᬲᬢᬸᬲ᭄ᬭᬶᬗ᭄ᬕᬶᬢ᭄᭞ᬘᬭᬶᬓᬾᬲᬦᬤ᭄ᬥᬬᬂ᭞ᬫᬦ᭄ᬢᬸᬳᭀᬮᬗ᭄ᬫᭂᬤᬶᬄᬳᬢᬶ
Kaca:Bali-lontar-gaguritan-puyung-sugih-250ppi.pdf/68
Kaca puniki sampun kauji-wacén
