[᭖᭘ 68B]
᭖᭘
ᬩᬧᬢᬦ᭄ᬢᬸᬮᬸᬲ᭄ᬫᬓᭂᬦ᭄ᬢ᭟᭐᭟᭑᭓᭟ᬮ᭄ᬯᬶᬃᬲᬶᬦᭀᬗ᭄ᬕᬦ᭄ᬲᬾᬓᬾᬳᬗ᭄ᬕᭀᬦ᭄ᬫᬜᬗ᭄ᬓᬶᬮ᭄᭞ᬲᬚᬓᬤᬾᬦ᭄ᬳᬦᬓ᭄᭞ᬢᬗᬦᬾᬭᬸᬭᬸᬲ᭄ᬲᬸᬚᬵᬢᬶ᭞ᬢᬸᬮᬾᬦ᭄ᬗᬯᬾᬓᭂᬥᬾᬓ᭄ᬳᬦᬓ᭄᭟᭐᭟᭑᭔᭟ᬭᬭᬶᬲ᭄ᬦᬗ᭄ᬕ
ᬮ᭄ᬕᭂᬥᬾᬳᬾᬮᭀᬕ᭄ᬲᬦᬾᬫᬫᬸᬂᬗ᭄ᬓᬶᬦ᭄᭞ᬚᬵᬢᬶᬓᬤᬶᬉᬚᬃ᭞ᬢᬶᬢ᭄ᬬᬂᬧᭂᬃᬮᬸᬓᬧᬶᬦᬸᬭᬶ᭞ᬲᬢᬸᬲ᭄ᬳᬗ᭄ᬕᬾᬦ᭄ᬧᬦᭂᬩᬸᬲᬦ᭄᭟᭐᭟᭑᭕᭟ᬚᬶᬦᬄᬕᬫ᭄ᬧᬂᬩᬦ᭄ᬤᬶᬂᬗᬸᬶᬮᬸᬶᬳᬾᬸᬶᬭᬸᬶᬧᬸᬶ᭄᭞ᬓᬧᬶᬦ᭄ᬗᬮᬶᬄᬳᬸᬭᬶᬧ᭄᭞ᬫᬾᬫᬾᬦ᭄ᬜ
ᬦᬾᬧᬸᬦᬶᬓ᭞ᬓᬲᭂᬍᬓ᭄ᬚᬕ᭄ᬜᬯᬸᬭᬶᬦ᭄᭞ᬚᬯᬶᬦᬶᬂᬩᭂᬮᬶᬤᬸᬭᬸᬲᬂ᭟᭐᭟᭑᭖᭟ᬗ᭄ᬕᬶᬄᬥᬥᬓᬦ᭄ᬫᬓᬃᬬᬉᬧᬓᬵᬭᬕᭂᬮᬶᬲ᭄᭞ᬲᭂᬫᭂᬂᬜᬦᬾᬩᬾᬜ᭄ᬚᬂ᭞ᬲᬕᬺᬳᬦ᭄ᬭᬭᬶᬲ᭄ᬫᬫᬃᬕᬶ᭞ᬫᬲᬋᬗᬦ᭄ᬓᬸᬮᬯᬃᬕ᭟᭐᭟᭑
᭗᭟ᬓᬘᬭᬶᬢᬩᬧᬦ᭄ᬧᬸᬬᬸᬂᬲᬸᬕᬶᬄᬫᬗ᭄ᬓᬶᬦ᭄᭞ᬲᬋᬂᬧ᭄ᬬᬦᬓ᭄ᬱᭀᬫᬄ᭞ᬗᬶᬢᬸᬗᬂᬚᬶᬦᬄᬧᬶᬓᭀᬮᬶᬄ᭞ᬚᬗ᭄ᬓᭂᬧ᭄ᬲᬵᬫ᭄ᬧᬸᬦ᭄ᬤᭀᬫᬲ᭄ᬮᬾᬬᬃ᭟᭐᭟᭑᭘᭟ᬓᬓᬢᭀᬦᬂᬲᬓᬶᬂᬳᬤᭀᬄᬫᬭᬶᬂᬫᬃᬕᬶ᭞ᬓ
[ ᭖᭙ 69A]
ᬢᬄᬜᬲᬕᬺᬳᬦ᭄᭞ᬫᬭᬾᬭᭀᬤ᭄᭞ᬬᬮᬦᬂᬳᬶᬲ᭄ᬢ᭄ᬭᬷ᭞ᬩᬧᬦ᭄ᬧᬸᬬᬸᬂᬫᬢᬸᬤᬶᬗᬂ᭟᭐᭟᭑᭙᭟ᬭᬭᬶᬲ᭄ᬗᬸᬘᬧ᭄ᬩᬥᬄᬳᬕᭂᬢ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬤᬸᬭᬸᬲ᭄ᬜᬳᬶᬯᬬᬦ᭄᭞ᬤᬸᬭᬸᬲ᭄ᬳᬚᬶᬲᬢᬸᬲ᭄ᬫᬮᬶᬄ᭞ᬤᬸᬭᬸᬲ᭄ᬦᬾᬫ
ᬦᬶᬫᬓᭂᬫ᭄ᬩᬃ᭟᭐᭟᭒᭐᭟ᬬᬦ᭄ᬳᬶᬢᬸᬗᬂᬤᭀᬫᬲ᭄ᬲᬢᬸᬲ᭄ᬫᬧᬶᬓᭀᬮᬶᬄ᭞ᬦᬗ᭄ᬳᬶᬂᬲᬸᬩᬓᬮᬄ᭞ᬗᬍᬕᬦᬶᬦ᭄ᬤᭂᬫᭂᬦ᭄ᬳᬢᬶ᭞ᬢ᭄ᬯᬓ᭄ᬮᬩᬸᬓᬸᬚᬂᬗ᭄ᬢᬸᬗᬂ᭟᭐᭟᭒᭑᭟ᬦᬸᬮᬶᬧ᭄ᬭᬧ᭄ᬢᬶᬢᬫ᭄ᬬᬸᬦ᭄ᬜᬦᬾᬫᬓᬲᬫᬶ᭞ᬳᬾ
ᬧᭀᬢ᭄ᬜᬳᬶᬯᬬᬦ᭄᭞ᬰᬶᬱ᭄ᬬᬦᬸᬮᬸᬂᬧᬥᬕᬶᬧᬶᬄ᭞ᬧᬦ᭄ᬧᬸᬬᬸᬂᬕᬸᬧᬸᬄᬫᬜᬧ᭟᭐᭟᭒᭒᭟ᬓᬮᬶᬗ᭄ᬕᬬᬂᬢᬫ᭄ᬬᬸᬦ᭄ᬜᬦᬾᬫᬓᬲᬫᬶ᭞ᬭᬭᬶᬲ᭄ᬓᬢᬸᬦᬲᬂ᭞ᬯᬶᬄᬓ᭄ᬢᭀᬲᬓᬶᬂᬧᬸᬦᬧᬶ᭞ᬢᬫ᭄ᬬᬸᬦᬾᬳᬶᬫᬂᬗᬢᬸ
ᬭᬂ᭟᭐᭟ᬇᬗ᭄ᬕᬶᬄᬢᬶᬢ᭄ᬬᬂᬲᬓᬶᬂᬧᬗᬸᬗᬗᬦ᭄ᬓᬗᬶᬦ᭄᭞ᬢᭂᬮᬲ᭄ᬓᬳᬸᬦᬶᬗᬂ᭞ᬲᬭᬵᬢ᭄ᬜᬦᬾᬭᬯᬸᬄᬫᬗ᭄ᬓᬶᬦ᭄᭞ᬯᬦ᭄ᬢᬄᬫᬥᬶᬓ᭄ᬜᬳᬶᬯᬬᬦ᭄᭟᭐᭟᭒᭔᭟ᬭᬭᬶᬲ᭄ᬦᬗ᭄ᬕᬮ᭄ᬩᬧᬦ᭄ᬧᬸᬬᬸᬂᬲᬤᬓᭂᬜᬶᬂ᭞
Kaca:Bali-lontar-gaguritan-puyung-sugih-250ppi.pdf/69
Kaca puniki sampun kauji-wacén
