[ ᭔᭘ 48B]
᭔᭘
ᬢ᭄ᬯᬭᬘᭂᬮᬂ᭞ᬦᬯᬂᬬᬤᬶᬦ᭄ᬢ᭄ᬯᬭᬓᬸᬶᬭᬸᬶᬧᬗ᭄ᬕᬶᬄ᭞ᬳᬗ᭄ᬕᭀᬦ᭄ᬤᬶᬢᬸ᭞ᬢ᭄ᬯᬭᬩᬶᬱᬫᬗᬸᬦ᭄ᬤᬸᬓᬂ᭟᭐᭟᭘᭟ᬩᬧᬧᬸᬬᬸᬂ᭞ᬗᬸᬥᬸᬄᬫᬦ᭄ᬢᬸᬦ᭄ᬜᬦᬾᬫᬦ᭄ᬢᬸᬓ᭄᭞ᬩᬗᬸᬦ᭄ᬳᬶᬫᬂᬩᬸᬤᬮ᭄᭞ᬮᬶᬗ᭄ᬲᬶᬃᬓᬯᬸᬄᬲᬂᬳ᭄ᬬᬂᬭᬯᬶ
᭞ᬭᬯᬸᬄᬳᬶᬧᬸᬦ᭄᭞ᬫᬗᭀᬚᭀᬕ᭄ᬤᬦᬾᬓᬧᬲᬃ᭟᭐᭟᭙᭟ᬮᬶᬗᬓ᭄ᬮᬶᬗᬸᬓ᭄᭞ᬓᭀᬫ᭄ᬧ᭄ᬬᬂᬕᬡᬮ᭄ᬫᬜᬮᬸᬧ᭄ᬲᬸᬧ᭄᭞ᬭᬭᬶᬲ᭄ᬦᬸᬫ᭄ᬩᬲ᭄ᬓᬘ᭞ᬢᬦ᭄ᬓᬢᬯᬄᬧᬶᬢᬸᬂᬓᭂᬢᬶᬧ᭄᭞ᬲᭀᬭᬾᬲᬵᬫ᭄ᬧᬸᬦ᭄᭞ᬭ᭠
ᬭᬶᬲ᭄ᬩᬸᬤᬮ᭄ᬗᬶᬤᬶᬄᬤᬳᬃ᭟᭐᭟᭑᭐᭟ᬲᬵᬫ᭄ᬧᬸᬦ᭄ᬤᬮᬸ᭞ᬗᬫ᭄ᬧᬶᬓ᭄ᬤᬦᬾᬧᬸᬍᬲ᭄ᬤᬶᬢᬸ᭞ᬲᭂᬫᭂᬂᬳᭂᬦ᭄ᬤᬕ᭄ᬲᬹᬃᬬ᭞ᬦᬸᬕᬶᬧ᭄ᬭᬥᬂᬤᬦᬾᬫᬦ᭄ᬤᬶ᭞ᬲᭂᬫᭂᬂᬗᬗ᭄ᬕᬸᬃ᭞ᬦᬸᬚᬸᬭᬭᬶᬲ᭄ᬓᬲᭂᬓᭀᬮᬄ᭟᭐᭟᭑᭑᭟
ᬕᬦ᭄ᬢᭂᬂᬩᬕᬸᬲ᭄᭞ᬗᬗ᭄ᬕᭀᬚᬲ᭄ᬓᬳᬶᬦ᭄ᬩᬶᬭᬸ᭞ᬲᬵᬫ᭄ᬧᬸᬦ᭄ᬧᬸᬓᬸᬮ᭄ᬲᬗ᭞ᬤᬦᬾᬓᭀᬫ᭄ᬧ᭄ᬬᬂᬯᬳᬸᬧ᭄ᬭᬧ᭄ᬢᬶ᭞ᬲᬸᬶᬂᬜᬤ᭄ᬲᬤᬧᭂᬮᬸᬄ᭞ᬫᬘᬲᬸᬭᬵᬢ᭄ᬳᬸᬮᬶᬤᬶᬯᬂ᭟᭐᭟᭑᭒᭟ᬲᬵᬫ᭄ᬩᬶᬮᬶᬧᬸᬦ᭄᭞
[ ᭔᭙ 49A]
ᬜᬶᬗᬓ᭄ᬚᬸᬭᬶᬤ᭄ᬫᬘᬤᬶᬢᬸ᭞ᬫᬕᭂᬦ᭄ᬢᬶᬓᬧᬧᬦ᭄᭞ᬕᬸᬭᬸᬦ᭄ᬜᬦᬾᬫᬭᬶᬓ᭄ᬱᬳᬶᬦ᭄᭞ᬳᬤᬩᬗᬸᬦ᭄᭞ᬫᬢᬸᬤᬶᬗᬂᬲᬮᬄᬫᬘ᭟᭐᭟᭑᭓᭟ᬤᬤᬶᬜᬳᬸᬢ᭄᭞ᬳᬶᬓᭀᬫ᭄ᬧ᭄ᬬᬂᬜᬘ᭠
ᬤᬦ᭄ᬤᬶᬢᬸ᭞ᬲᬫᬶᬰᬵᬲ᭄ᬢ᭄ᬭᬍᬧᬲ᭄᭞ᬢ᭄ᬯᬭᬩᬶᬲᬬᬫᬫᬸᬜᬶ᭞ᬢᬸᬲᬶᬂᬳᬤᬸᬂ᭞ᬩᬶᬮᬂᬳᬸᬚᬂᬬᬫᭂᬦ᭄ᬥᭂᬧᬂ᭟᭐᭟᭑᭔᭟ᬤᬦᬾᬕᬸᬭᬸ᭞ᬭᬭᬶᬲ᭄ᬫᭂᬤᬮ᭄ᬬᬫᬦᬸᬦ᭄ᬤᬸᬂ᭞ᬫᬸᬭᬶᬤᬾᬫᬩ᭄ᬭᬶᬬᬕ᭄᭞ᬳᬸᬬᬸ
ᬢ᭄ᬲᬫᬶᬬᬗᭂᬤᬾᬓᬶᬦ᭄᭞ᬳᬦᬓ᭄ᬩᬸᬤᬸᬄ᭞ᬳᬚᬸᬫ᭄ᬗᬗ᭄ᬕᭀᬓᬘᬫᬢ᭟᭐᭟᭑᭕᭟ᬫᬗ᭠ᬤᬸᬂᬓ᭄ᬮᬸᬂ᭞ᬓᬩᬶᬮ᭄ᬩᬶᬮ᭄ᬳᬶᬓᭀᬫ᭄ᬧ᭄ᬬᬂᬤᬶᬢᬸ᭞ᬫᬶᬲᬸᬄᬗᬯᬕ᭄ᬳᬯᬕ᭄᭞ᬓᬘᬦᬾᬭᬭᬶᬲ᭄ᬓᬤᬮᬶᬄ᭞ᬳᬶᬩᬧᬸᬗ᭄ᬕᬸᬂ᭞ᬯ
ᬓᬾᬗᬗ᭄ᬕᭀᬦ᭄ᬢᬸᬲᬶᬂᬜᬓ᭄᭟᭐᭟᭑᭖᭟ᬫᭂᬤᬶᬄᬓᬳ᭄ᬬᬸᬦ᭄᭞ᬓᬘᬦᬾᬧᬦ᭄ᬢᬶᬕᬂᬤᬶᬢᬸ᭞ᬓᭂᬩ᭄ᬬᬓ᭄ᬲᬸᬩᬩᭂᬜ᭄ᬘᬃ᭞ᬧᬢᬶᬲᭂᬮ᭄ᬲᭂᬮ᭄ᬬᬤᬶᬫᬃᬕᬶ᭞ᬢ᭄ᬯᬭᬢᬳᬸ᭞ᬳᬯᬓ᭄ᬧᬸᬗ᭄ᬕᬸᬂᬢᭀᬂᬫᬮᬚᬄ᭟᭐᭟
Kaca:Bali-lontar-gaguritan-puyung-sugih-250ppi.pdf/49
Kaca puniki sampun kauji-wacén
