[ ᭔᭙ 49B]
᭔᭙
᭑᭗᭟ᬲᬵᬫ᭄ᬧᬸᬦ᭄ᬭᬯᬸᬄ᭞ᬓᬧᬯᭀᬦ᭄ᬫᬗᬫ᭄ᬩᬶᬮ᭄ᬲᬗᬸ᭞ᬭᬩᬶᬦ᭄ᬤᬦᬾᬳᬶᬘ᭞ᬮᬸᬗᬓᬶᬚᬲᬓᬶᬂᬢᬸᬦᬶ᭞ᬤᬯᬸᬄᬢᭂᬮᬸ᭞ᬢᬦ᭄ᬯᬗ᭄ᬲᬶᬢᬦ᭄ᬩᭂᬮᬶᬢᭂᬓ᭟᭐᭟᭑᭘᭟ᬭᬭᬶᬲ᭄ᬗᬓᬸ᭞ᬩᬥᬄᬳᬤᬶᬯᬬᬦ᭄ᬧᬸ
ᬬᬸᬂ᭞ᬢᬶᬢ᭄ᬬᬂᬓᬲᭂᬓᭀᬮᬄ᭞ᬗᭂᬢᭀᬦ᭄ᬫᬭᬶᬤ᭄ᬗᬶᬯᭀᬶᬦᬸᬶᬢᬸᬂᬧᬶᬧᬶᬲ᭄᭞ᬫᬘᬳᬸᬭᬸᬧ᭄᭞ᬫᬘᬰᬵᬲ᭄ᬢ᭄ᬭᬲᬫ᭄ᬫᬶᬲᬮᬄ᭟᭐᭟᭑᭙᭟ᬤᬤᬶᬳᬶᬗᬸᬄ᭞ᬩᭂᬮᬶᬫᬶᬮᬸᬫᬘᬤᬶᬢᬸ᭞ᬦᬾᬫᬸᬜᬶᬬᬂᬢ᭄ᬯᬭᬢᬯᬂ᭞ᬰᬵᬲ᭄ᬢ᭄ᬭ
ᬢᭀᬂᬩᬶᬱᬜᬳᬸᬢᬶᬦ᭄᭞ᬗᬸᬲᬸᬤᬸᬲᬸᬤ᭄᭞ᬜᬳᬶᬯᬬᬦ᭄ᬓᭂᬤᬾᬓ᭄ᬗ᭄ᬭᬓ᭄ᬕᬓ᭄᭟᭐᭟᭒᭐᭟ᬩᭂᬮᬶᬚᬸᬕᬸᬮ᭄᭞ᬩᭂᬮᭀᬕ᭄ᬧᭀᬚᭀᬮ᭄ᬧᬧᬓ᭄ᬭᬸᬭᬸᬄ᭞ᬓᭂᬫᬮ᭄ᬯᬲ᭄ᬫᬩ᭄ᬮᬜ᭄ᬚ᭞ᬓᬧᬲᬃᬫᬫᬓ᭄ᬢᬧᬶᬧᬶᬲ᭄᭞ᬦᬸᬫ᭄ᬩᬲ᭄ᬚᬳᬸᬫ᭄
᭞ᬮᬓᬃᬳᬗ᭄ᬕᭀᬦ᭄ᬢᬶᬢ᭄ᬬᬂᬜᬸᬮᬫ᭄᭟᭐᭟᭒᭑᭟ᬫᬲ᭄ᬭᬧ᭄ᬩᬗᬸᬦ᭄᭞ᬗᬫ᭄ᬩᬶᬮ᭄ᬚᬶᬦᬄᬢᬶᬦ᭄ᬤᬓ᭄ᬩᬸᬦᬸᬄ᭞ᬘᭂᬘᭂᬄᬫᬗᬶᬗᭂᬢᬂ᭞ᬜᬫ᭄ᬩᬢ᭄ᬚᬳᬸᬫ᭄ᬓᭂᬫᬓ᭄ᬓᭂᬫᬶᬓ᭄᭞ᬢᭀᬫ᭄ᬧ᭄ᬮᭀᬓ᭄ᬳᬲᬸ᭞ᬳᬶᬓᭀᬫ᭄ᬧ᭄ᬬᬂᬢᬗ᭄ᬓᭂᬚᬸᬢ᭄ᬓᭂᬧᬃ᭟᭐᭟
[ ᭕᭐ 50A]
᭒᭒᭟ᬳᭂᬗ᭄ᬲᬧ᭄ᬤᬶᬢᬸ᭞ᬳᬧᬳᬮᬶᬄᬤᬶᬚᬭᬸᬭᬸᬄ᭞ᬭᬭᬶᬲ᭄ᬤᬦᬾᬢᬸᬮᬓ᭄᭞ᬚᬶᬦᬄᬳᬶᬮᬂᬫᬓᬲᬫᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬫᬗᬢᬸᬭᬂᬳᬯᬓ᭄ᬳᭂᬗ᭄ᬲᬧ᭄᭟᭐᭟᭒᭓᭟ᬯᬬᬦ᭄ᬧᬸᬬᬸᬂ᭞ᬫᬦᬭᬶᬫᬲᬳᬓᭂᬜᬸᬂ᭞᭠
ᬓᬗᭂᬦ᭄ᬭᬶᬂᬮᬦᬂ᭞ᬳᬦ᭄ᬢᬸᬓ᭄ᬩᭂᬮᭀᬕ᭄ᬢᬶᬤᭀᬂᬕᬶᬕᬶᬲ᭄᭞ᬳᬕᭂᬢᬶᬧᬸᬦ᭄᭞ᬫᬦᬸᬫᬤᬶᬤᬤᬶᬚᬦ᭄ᬫ᭟᭐᭟᭒᭔᭟ᬓᭀᬫ᭄ᬧ᭄ᬬᬂᬚᬸᬕᬸᬮ᭄᭞ᬗᬫ᭄ᬩᬶᬮ᭄ᬢᬫ᭄ᬩᬄᬚᬕᬫᬘᬸᬮ᭄᭞ᬦ᭄ᬮᭀᬓᬶᬦ᭄ᬢᬢᬦ᭄ᬤᬸᬭᬦ᭄᭞ᬫᬭᬶᬂᬲᬯᬄᬧᬤᬶᬤ᭄ᬬ
ᬦ᭄᭞ᬩᬸᬭᬸᬄᬫᬘᬸᬮ᭄᭞ᬲᬫ᭄ᬧᬿᬲᬜ᭄ᬚᬢᬸᬲᬶᬂᬢᬲᬂ᭟᭐᭟᭒᭕᭟ᬓᭂᬭᬸᬕ᭄ᬳᬕᬸᬂᬫᬲᬾᬬᭀᬓ᭄ᬳᬸᬚᬦᬾᬢᭂᬤᬸᬄ᭞ᬩᬍᬲ᭄ᬦᭀᬭᬲᬫ᭞ᬕᭂᬦ᭄ᬢᬸᬄᬳᬕᬸᬂᬫᬗᭂᬫ᭄ᬩᬳᬶᬦ᭄᭞ᬫᬗᬭᬸᬤᬸᬕ᭄᭞ᬢᭀᬬᬦᬾᬫ
ᬘᬧᬘᬧᬦ᭄᭟᭐᭟᭒᭖᭟ᬲᬫᬶᬮᬸᬮᬸᬲ᭄᭞ᬢᬦ᭄ᬤᬸᬭᬦᬾᬮᬜ᭄ᬘᬄᬩᬜᬸ᭞ᬧᭂᬤᬶᬄᬤᬦᬾᬓᭀᬫ᭄ᬧ᭄ᬬᬂ᭞ᬭᬭᬶᬲ᭄ᬦᬸᬮᬸᬂᬫᬜᬫ᭄ᬧᭂᬢᬶᬦ᭄᭞ᬫᬲᬶᬄᬳᬜᬸᬤ᭄᭞ᬤ᭄ᬯᬦᬶᬂᬓᬵᬓᬕᭂᬗᬦ᭄ᬢᭀᬬ᭟᭐᭟
Kaca:Bali-lontar-gaguritan-puyung-sugih-250ppi.pdf/50
Kaca puniki sampun kauji-wacén
