[ ᭔᭒ 42B]
᭔᭒
ᬢ᭄᭟᭐᭟᭒᭐᭟ᬕ᭄ᬮᬶᬲᬶᬂᬢᬸᬢᬸᬘᬭᬶᬢᬦᬾᬯᬬᬦ᭄ᬧᬸᬬᬸᬂ᭞ᬳᬶᬦᬩ᭄ᬦᭀᬭᬦᬾᬧᬸᬢᬸᬲᬶᬦ᭄᭞ᬢᬸᬢᬸᬭᬾᬫᬗ᭄ᬓᬶᬦ᭄ᬫᬲᬫ᭄ᬩᬸᬂ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬳᬦᬓ᭄ᬫᬥᬶᬓ᭄᭞ᬳᬫ᭄ᬧᬸᬭᬢᬭᬸᬡᬩᬜᭀᬮ᭄
᭟᭐᭟ᬧᬸᬧᬸᬄᬲ᭄ᬫᬭᬦ᭄ᬤᬦ᭟᭐᭟᭑᭟ᬲᬓᬶᬂᬕᬸᬦᬸᬂᬓᭂᬤᬲ᭄ᬫᬗ᭄ᬓᬶᬦ᭄᭞ᬳᬪᬶᬱᬾᬓᬓᭀᬫ᭄ᬧ᭄ᬬᬂᬕᬡᬮ᭄᭞ᬳᬸᬩᬸᬄᬧᬤᬶᬤ᭄ᬬᬦᬺᬓᬾ᭞ᬯᬾᬦ᭄ᬢᭂᬦ᭄ᬓᬭᬾᬦ᭄ᬳᬦᬓ᭄ᬳᭀᬤᬄ᭞ᬫᬶᬱᬓᭂᬩᭀᬓᬮᬶᬄᬓᬦ᭄ᬤᬂ᭞ᬳᬤᭀᬮ᭄ᬤ
ᬦᬾᬲᬵᬫ᭄ᬧᬸᬦ᭄ᬤᬸᬭᬸᬲ᭄᭞ᬫᬧᬗᬚᬶᬲᬫᬲ᭄ᬮᬾᬬᬃ᭟᭐᭟᭒᭟ᬭᬶᬗ᭄ᬕᬶᬢᬾᬓᬪᬓ᭄ᬢᬲᬫᬶ᭞ᬫᬭᬾᬂᬓᬸᬩᭀᬦ᭄ᬜᬦᬶᬯᬬᬦ᭄᭞ᬚᬵᬢᬶᬳᬦᬓ᭄ᬩᭂᬮᭀᬕ᭄ᬩᬜᭀᬮ᭄᭞ᬢᬦ᭄ᬓᭀᬘᬧᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢ᭞ᬚᬕ᭄ᬫ
ᬫᬸᬜᬶᬮᬮᬕᬲᬦ᭄᭞ᬦᬭᬶᬂᬳᬫ᭄ᬧᬶᬓ᭄ᬦᭂᬕᬓ᭄ᬤᬶᬢᬸ᭞ᬧᬦ᭄ᬧᬸᬬᬸᬂᬓᬲᬾᬧᬫᬜᬧ᭟᭐᭟᭓᭟ᬧᬯᬬᬦ᭄ᬓᬵᬤᬶᬫᬗ᭄ᬓᬶᬦ᭄᭞ᬮᬾᬤᬂᬫᬗ᭄ᬓᬶᬦ᭄ᬦᬸᬤᬸᬓ᭄ᬢᬶᬢ᭄ᬬᬂ᭞ᬫᬸᬗ᭄ᬧᬸᬂᬩᭂᬘᬶᬓ᭄ᬤᬾᬯᬰᬦᬾ᭞ᬯᬬᬦ᭄ᬧᬸᬬᬸᬂᬢᬸ
[ ᭔᭓ 43A]
ᬦᬲ᭄ᬢᬶᬢ᭄ᬬᬂ᭞ᬩ᭄ᬯᬢ᭄ᬳᬗ᭄ᬕᬾᬦ᭄ᬢᬶᬢ᭄ᬬᬂᬓᬸᬋᬡᬦ᭄᭞ᬢᬶᬢ᭄ᬬᬂᬫᬗᬢᬹᬭᬂᬧᬸᬧᬸᬢ᭄᭞ᬫᬩᬦ᭄ᬢᬂᬲ᭄ᬮᬓᬲᬫᬲ᭄᭟᭐᭟᭔᭟ᬧᬸᬧᬸᬢᬂᬲᬫᬶᬳᬶᬭᬶᬓᬶ᭞ᬉᬧᬓᬭᬧᬲᬓᬧᬦ᭄᭞ᬢᬢᬩᬦ᭄ᬢᬶᬢ᭄ᬬᬗᬾᬗᬦ᭄ᬢᬾᬦ᭄᭞
ᬲᬋᬂᬤᬦᬾᬳᭀᬓᬦ᭄ᬩᬧ᭞ᬦᬶᬧᬸᬬᬸᬂᬲᬸᬕᬶᬄᬧᬸᬦᬶᬓ᭞ᬤᬶᬦᬶᬢᬶᬢ᭄ᬬᬂᬗᬜᬸᬤᬶᬦ᭄ᬮᬸᬄ᭞ᬮᬘᬸᬃᬢᬶᬢ᭄ᬬᬂᬢᬦ᭄ᬧᬩᬧ᭟᭐᭟᭕᭟ᬧᬦ᭄ᬧᬸᬬᬸᬂᬲᬸᬕᬶᬄᬜᬯᬸᬭᬶᬦ᭄᭞ᬩᬥᬄᬲᬤ᭄ᬬᬢᬫ᭄ᬧᬶᬯᬬᬦ᭄᭞ᬫᬶᬯᬄᬜ
ᬳᬫᬾᬦ᭄ᬘᭂᬦᬶᬗᬾ᭞ᬳᬯᬲ᭄ᬳᭂᬦ᭄ᬢᭀᬦᬾᬳᬩᭀᬗ᭄ᬓᭀᬲ᭄᭞ᬤᬾᬯᬢᭂᬓᬳᭂᬦ᭄ᬢᭀᬳᬥᬦ᭞ᬧᬥᬜᬢᬓ᭄ᬚᬮᬦ᭄ᬳᭂᬤᬸᬫ᭄᭞ᬧᬥᬧᬥᬤᬳᭂᬮᭀᬗᬦ᭄᭟᭐᭟᭖᭟ᬳᬯᬲ᭄ᬦᬦᬂᬲᬦᬾᬫᬦᬶ᭞ᬤᬤᬶᬭᬚ
ᬤᬶᬲᬩᬸᬗᬦ᭄᭞ᬫᬓᭂᬫ᭄ᬩᬃᬳᬸᬤᭂᬗᬾᬗᬾᬩᬾᬮ᭄᭞ᬦᬤ᭄ᬢᬤ᭄ᬓᬜ᭄ᬘᬸᬢ᭄ᬲᬲᬫ᭄ᬧᬶᬭᬶᬦ᭄᭞ᬲᬳᬲᬸᬗ᭄ᬓᭂᬮᬶᬢ᭄᭞ᬢᭀᬕᭀᬕ᭄ᬫᬲ᭄᭞ᬗᭂᬫ᭄ᬩᬃᬳᬬᬫ᭄ᬩᬶᬬᬶᬂᬲᬗ᭄ᬓᬸᬃ᭞ᬗᬗ᭄ᬕᭀᬚᬫ᭄ᬩᬸᬮ᭄ᬤᬶᬫ᭄ᬧᬶᬮ᭄ᬧ᭄ᬭᬗᬢ᭄᭟᭐᭟
Kaca:Bali-lontar-gaguritan-puyung-sugih-250ppi.pdf/43
Kaca puniki sampun kauji-wacén
