[ ᭔᭓ 43B]
᭔᭓
᭗᭟ᬧᬸᬧᬸᬢ᭄ᬳᬤᬸᬂᬤᬶᬢᬸᬲᬫᬶ᭞ᬫᬾᬫᬾᬦ᭄ᬧᬸᬬᬸᬫᬦ᭄ᬭᬕ᭄ᬬᬂ᭞ᬗᬯᬾᬩᬦ᭄ᬢᭂᬦ᭄ᬤᬦᬾᬳᬾᬧᭀᬢ᭄᭞ᬭᬭᬶᬲ᭄ᬦᬢᬩ᭄ᬧᬲᬓᬧᬦ᭄᭞ᬯᬬᬦ᭄ᬧᬸᬬᬸᬂᬭᬭᬶᬲ᭄ᬗᬸᬘᬧ᭄᭞ᬩᭂᬮᬶᬓᭀᬫ᭄ᬧ᭄ᬬᬂᬢᬶᬢ᭄ᬬᬂᬚᬸᬚᬸᬢ᭄᭞ᬢᬳᬾ
ᬦ᭄ᬩᭂᬮᬶᬫᬓᬸᬋᬡᬦ᭄᭟᭐᭟᭘᭟ᬓᭀᬫ᭄ᬧ᭄ᬬᬂᬕᬡᬮ᭄ᬫᬜᬯᬸᬭᬶᬦ᭄᭞ᬳᬧᬫᬵᬤᬦ᭄ᬫᬓᬸᬋᬡᬦ᭄᭞ᬦᬶᬯᬬᬦ᭄ᬳᭂᬦ᭄ᬢᭂᬂᬳᬢᬶᬦᬾ᭞ᬫᬮᬶᬄᬤᬦᬾᬫᬜᬸᬢ᭄ᬚᬸᬢᬂ᭞ᬗᬚᬓ᭄ᬳᭂᬮᬸᬄᬫᬘᬓᭂᬧᬦ᭄᭞ᬢᬸᬲᬶᬂᬩᭂᬮᬶᬦᬯᬂᬳᭂᬮᬸᬄ᭞
ᬓᭂᬥᬾᬓ᭄ᬳᬦᬓᬾᬫᬶᬋᬗᬂ᭟᭐᭟᭙᭟ᬦᬶᬯᬬᬦ᭄ᬕᬸᬬᬸᬦᬓᭀᬦᬶᬦ᭄᭞ᬫᬢᬸᬫ᭄ᬧᬸᬓ᭄ᬗᬚᬓ᭄ᬮᬸᬯᬜ᭞ᬓᭀᬫ᭄ᬧ᭄ᬬᬂᬕᬡᬮ᭄ᬲᭂᬫᬩᭀᬗᭀᬄ᭞ᬢᬸᬲᬶᬂᬦᬯᬂᬫᬢᬸᬫ᭄ᬧᬸᬓᬦ᭄᭞ᬢᬸᬫ᭄ᬧᬸᬓᬦ᭄ᬤᬶᬲᬯᬄᬢᬯᬂ᭞ᬦᬗ᭄ᬓᭂᬦ᭄ᬢ
ᬳᬸᬦ᭄ᬗᬶᬮᬂᬗᬫ᭄ᬧᬸᬂ᭞ᬳᬸᬬᬸᬤ᭄ᬤᬶᬢᬸᬫᬕᬸᬮ᭄ᬕᬸᬮᬦ᭄᭟᭐᭟᭑᭐᭟ᬩᬧᬫᬢ᭄ᬯᬫᬜᬳᬸᬭᬶᬦ᭄᭞ᬓᬦ᭄ᬥᬶᬓ᭄ᬧᬭᬲ᭄ᬓᭀᬫ᭄ᬧ᭄ᬬᬂᬕᬡᬮ᭄᭞ᬫᬦ᭄ᬢᬸᬦ᭄ᬜᬦᬾᬩᬗᬸᬦ᭄ᬳᬕᬾ᭞ᬦᬕᬶᬄᬓᬦ᭄ᬥᬶᬓ᭄ᬚᬕᬮᬸᬗ᭄ᬳ᭞ᬩᬧᬧᬸᬬᬸᬂ
[ ᭔᭔ 44A]
ᬓᭂᬥᬾᬓ᭄ᬗ᭄ᬭᬓ᭄ᬕᬓ᭄᭞ᬘᬳᬶᬫᬦ᭄ᬢᬸᬮᬘᬸᬃᬮᬮᬸᬓ᭄᭞ᬮᬾᬕᭀᬤᬤᬶᬫᬦ᭄ᬢᬸᬦ᭄ᬩᬧ᭟᭐᭟᭑᭑᭟ᬫᬘᭂᬩᬸᬃᬧᬦ᭄ᬧᬸᬬᬸᬂᬲᬸᬕᬶᬄ᭞ᬓᬦᬢᬳᬾᬜᭂᬮᬸᬓ᭄ᬓᬸᬭᬸᬗᬦ᭄᭞ᬜᬭ᭄ᬯᬂᬭᬭᬶᬲ᭄ᬫᬩᭀᬂᬩᭀᬂ,ᬭᬳᬶᬡ
ᬦᬾᬢᬦᬸᬘᬧᬦ᭄᭞ᬲᬢᬶᬗ᭄ᬓᬄᬜᬭᬶᬂᬧᭀᬦ᭄ᬤᭀᬓᬦ᭄᭞ᬯᭂᬗᬶᬲᬵᬫ᭄ᬧᬸᬦ᭄ᬧᬸᬓᬸᬮ᭄ᬓᬸᬢᬸᬲ᭄᭞ᬜᬳᬶᬯᬬᬦ᭄ᬦᬜ᭄ᬚᬦ᭄ᬤᬳᬃ᭟᭐᭟᭑᭑᭟ᬩᭂᬮᬶᬓᭀᬫ᭄ᬧ᭄ᬬᬂᬩᬋᬂᬤᬶᬦᬶ᭞ᬲᬋᬂᬗᬚᭂᬂᬳᬚᬓ᭄ᬢᬶᬢ᭄ᬬᬂ
᭞ᬗᬫ᭄ᬩᬶᬮ᭄ᬦᬲᬶᬩᭂᬢᬾᬦ᭄ᬜᭀᬗ᭄ᬓᭀᬓ᭄᭞ᬢᬸᬲᬶᬂᬮᬕᬸᬩᭂᬮᬶᬫᬤᬳᬃ᭞ᬦᭂᬕᬓᬶᬦ᭄ᬓᭀᬃᬲᬶᬫᬾᬬᬾᬕᬦ᭄᭞ᬬᬦ᭄ᬤᬶᬓᬸᬩᬸᬓᬤᭀᬂᬘᬮᬸᬂ᭞ᬚᬗ᭄ᬓᬓ᭄ᬚᭀᬗ᭄ᬓᭀᬓ᭄ᬗᭂᬲᭀᬧ᭄ᬤᬳᬃ᭟᭐᭟᭑᭓᭟
ᬯᬬᬦ᭄ᬧᬸᬬᬸᬂᬫᬗ᭄ᬯᬗ᭄ᬲᬶᬢᬶᬦ᭄᭞ᬫᬳᬶᬤᬶᬦᬶᬫᬢᬶᬤᬸᬭᬦ᭄᭞ᬲᬸᬫᬳᬸᬃᬭᬭᬶᬲ᭄ᬮᬓᬶᬦᬾ᭞ᬳᬭᬄᬳᭀᬗ᭄ᬓᭂᬩ᭄ᬬᬦ᭄ᬫᬢᬶᬫ᭄ᬧᬮ᭄᭞ᬓᬤᭀᬂᬢᬸᬫᬦ᭄ᬧᬤᬶᬤ᭄ᬬᬦ᭄᭞ᬧᬸᬍᬲ᭄ᬳᭀᬜᬄᬮᬶᬂ᭠
Kaca:Bali-lontar-gaguritan-puyung-sugih-250ppi.pdf/44
Kaca puniki sampun kauji-wacén
