[ ᭓᭐ 30B]
᭓᭐
ᬋᬗᬲ᭄᭞ᬫᬗᬮᬶᬄᬧᬢᬸᬮᬸᬂ᭞ᬲᬓᬶᬢ᭄ᬢᬶᬢ᭄ᬬᬂᬧᬢᬸᬮᬸᬗᬂ᭞ᬲᬮᬄᬚᬮᬦ᭄᭞ᬳᬦᬓᬾᬩᬓᬢ᭄ᬲᬓᬶᬢᬶᬦ᭄᭞ᬩᭂᬮᭀᬕᬾᬩᬓᬢ᭄ᬳᬶᬦ᭄ᬤᭂᬗᬂ᭟᭐᭟ᬧᬸᬧᬸᬄᬧᬸᬘᬸᬂ᭟᭐᭟᭑᭟ᬳᬯᬓ᭄ᬧᬸᬬᬸᬂ᭞ᬩᬧᬓᬵᬤᬶᬓ
ᬓᬶᬧᬸᬘᬸᬂ᭞ᬧᬸᬬᬸᬗᬾᬳᬶᬦ᭄ᬥᭂᬗᬂ᭞ᬓᬧᬶᬲᬕᬦᬕᬶᬄᬗᬶᬤᬶᬄ᭞ᬗᬩᬧᬸᬬᬸ᭞ᬳᬗ᭄ᬕᭀᬦ᭄ᬦᬢᬓᬼᬕᬦ᭄ᬳᬦᬓ᭄᭟᭐᭟᭒᭟ᬬᬦᬶᬂᬳᬤᬸᬂᬳᬦᬓᬾᬫᬢᬺᬱ᭄ᬡᬮᬸᬯᬸᬂ᭞ᬬᬾᬦᬶᬂᬓᬚᬳᬶᬮᬶᬦ᭄᭞ᬩᬘᬶᬦ᭄ᬧᬜᬸᬄ
ᬓᬧᭂᬦ᭄ᬧᭂᬦᬶᬦ᭄᭞ᬳᬧᬂᬢᬳᬸ᭞ᬚᬵᬢᬶᬩᬧᬫᬵᬯᬓ᭄ᬕᭂᬢᬧ᭄᭟᭐᭟᭓᭟ᬧᬦ᭄ᬦᬷᬧᬸᬬᬸᬂ᭞᭠ᬲᬶᬕ᭄ᬲᬶᬕᬦ᭄ᬫᬫᬶᬮᬸᬰ᭄ᬘᬸᬗᬸᬄ᭞ᬢᬾᬗᬾᬲᬾᬢᬦ᭄ᬧᭂᬕᬢ᭄᭞ᬢᭀᬬᬦ᭄ᬢᬶᬗ᭄ᬳᬮ᭄ᬓᬲᬤ᭄ᬲᬤᬶᬦ᭄᭞ᬘᭂᬦᬶᬂᬳᬬᬸ᭞ᬩᭂ
ᬮᭀᬕ᭄ᬩᬧᬦᬾᬗᬯᬶᬦᬂ᭟᭐᭟᭔᭟ᬯᬬᬦ᭄ᬧᬸᬬᬸᬂᬳᬤᬸᬄᬳᬤᬸᬄᬲᬫ᭄ᬩᬶᬮ᭄ᬦᬸᬢᬸᬃ᭞ᬩᬧᬓᭀᬚᬕᭂᬢᬧ᭄᭞ᬓᭂᬫᬫᬳᬶᬓᬢᭂᬕᬓᬶᬦ᭄᭞ᬜᬸᬗ᭄ᬲᬸᬂᬢᬓᬸᬢ᭄᭞ᬓ᭄ᬭᬡᬫᬸᬶᬩᬧᬚᬦᬶᬳᭀᬲᬄ᭟᭐᭟
[ ᭓᭑ 31A]
᭕᭟ᬢᬓᬸᬢ᭄ᬳᬶᬓᬸ᭞ᬗᬯᬦᬂᬳᬯᬓᬾᬮᬶᬜᬸᬦ᭄᭞ᬮᬶᬜᬸᬦᬾᬲᬓᬶᬂᬫᭀᬓᬓ᭄᭞ᬫᭀᬓᬓᬾᬳᬸᬫᬳᬶᬦ᭄ᬳᬶᬭᬶ᭞ᬧᬢᬸᬄᬩᬶᬗᬸᬢ᭄᭞ᬩᬸᬤ᭄ᬥᬶᬳᬗ᭄ᬓᬭᬗᬧᬓ᭄ᬗᬧᬓ᭄᭟᭐᭟᭖᭟ᬲᬗ᭄ᬓᬦ᭄ᬯᬸᬯᬸᬲ᭄᭞ᬩᬧᬗᬋᬧ᭄ᬩᭂᬮᭀᬕ
ᬗ᭄ᬕᬸᬂ᭞ᬫᬬᬸᬲ᭄ᬓᬳᬸᬮᬸᬭᬦ᭄᭞ᬢᬸᬲᬶᬂᬓᬶᬫᬸᬤ᭄ᬓᬓᭂᬤᬾᬓᬶᬦ᭄᭞ᬩᬸᬤ᭄ᬥᬶᬫᬬᬸᬲ᭄᭞ᬦᭀᬭᬮ᭄ᬬᬦ᭄ᬓᬵᬤᬶᬩᬧ᭟᭐᭟᭙᭟ᬩᬧᬧᬸᬬᬸᬂ᭞ᬲᬶᬕ᭄ᬲᬶᬕᬦ᭄ᬗᬶᬤᬶᬄᬧᬶᬢᬸᬢᬸᬃ᭞ᬚᬵᬢᬶᬮ᭄ᬯᬶᬃᬳᬶᬦᬸᬘᬧ᭄᭞ᬦᭀᬭᬲᬶᬫ᭄ᬧᬂᬢᬸᬢᬸᬃᬘᭂᬦᬶᬂ᭞ᬩ
ᬧᬗᬓᬸ᭞ᬫᭀᬦ᭄ᬤᭀᬂᬩᭂᬮᭀᬕ᭄ᬳᬸᬮᬶᬲᬸᬩ᭟᭐᭟᭘᭟ᬳᬧᬂᬲᬸᬯᬸᬤ᭄ᬲᬲᬗᬶᬦᬾᬲᬦᬾᬤᬸᬫᬸᬦ᭄᭞ᬗᬦ᭄ᬢᬾᬦᬂᬧᬶᬂᬲᭀᬮᬲ᭄᭞ᬮᬯᬸᬢ᭄ᬮᬘᬸᬃᬩᬸᬓᬚᬦᬶ᭞ᬘᭂᬦᬶᬂᬳᬬᬸ᭞ᬩᬳᬂᬩᬧᬗᬮᬶᬄᬩᬮ᭄ᬬᬦ᭄᭟᭐᭟᭙᭟
ᬕᭂᬮᬶᬲ᭄ᬫᬢᬸᬃᬤᬦᬾᬯᬬᬦ᭄ᬲᬸᬕᬶᬄᬧᬸᬬᬸᬂ᭞ᬢᬶᬢ᭄ᬬᬂᬢ᭄ᬭᬶᬫ᭞ᬤᭂᬧᬂᬲᬓᬶᬢ᭄ᬓᬤᬶᬫᬗ᭄ᬓᬶᬦ᭄᭞ᬳᬧᬂᬲᬸᬲᬸᬤ᭄᭞ᬦᬯᬸᬃᬳᬸᬢᬂᬓᬲᬗ᭄ᬲᬭ᭟᭐᭟᭑᭐᭟ᬩᬧᬳᬶᬗᬸᬄ᭞ᬩᭂᬮᭀᬕ᭄ᬩᬧᬓᬶᬭᬂᬢᬸᬢᬸᬃ
Kaca:Bali-lontar-gaguritan-puyung-sugih-250ppi.pdf/31
Kaca puniki sampun kauji-wacén
