[ ᭓᭑ 31B]
᭓᭑
᭞ᬫᬭᬲᬓᬶᬢ᭄ᬳᬾᬧᬓ᭄᭞ᬤᬢᬤᬸᬓᬸᬦ᭄ᬢᬕᬶᬄᬳᬮᬶᬄ᭞ᬲᬓᬶᬢ᭄ᬢᬶᬓᬸᬮ᭄᭞ᬳᬦᬓ᭄ᬢᬸᬦ᭄ᬤᬾᬦ᭄ᬫᬗᬶᬮᬗᬂ᭟᭐᭟᭑᭑᭟ᬲᬓᬶᬂᬧᬸᬭᬸᬦ᭄᭞ᬢᬶᬢ᭄ᬬᬂᬗᭀᬚᬄᬩᬧᬩᬶᬗᬸᬂ᭞ᬮ᭄ᬯᬶᬃᬭᬭᬾᬫᬭᬗ᭄ᬓᬂ᭞ᬳᬲᬶᬂᬳᬜᬃᬮᬓᬃ
ᬢᬕᬶᬄ᭞ᬩᭂᬗ᭄ᬓᬸᬂᬲᬶᬕᬸᬕ᭄᭞ᬫᬸᬗᬶᬮ᭄ᬢᬸᬲᬶᬂᬤᬤᬶᬤᬫ᭄ᬧᬢ᭄᭟᭐᭟᭑᭒᭟ᬳᬧᬂᬢᬳᬸ᭞ᬫᬶᬋᬂᬢᬶᬢ᭄ᬬᬂᬚᬦᬶᬦᬸᬢᬸᬃ᭞ᬲᭀᬮᬳᬶᬂᬫᬦᬸᬱ᭞ᬲᬦᬾᬧᬢᬸᬢ᭄ᬓᬮᬫ᭄ᬧᬳᬶᬦ᭄᭞ᬳᬸᬓᬸᬤᬸᬓᬸᬤ᭄᭞ᬇᬥᭂᬧᬾᬳᬸᬚᬗᬂ᭠
ᬢᬶᬢ᭄ᬬᬂ᭟᭐᭟᭑᭓᭟ᬫᭀᬫᭀᬧᭂᬗ᭄ᬓᬸᬂ᭞ᬇᬥᭂᬧᬾᬲᬢᬢᬩᬶᬗᬸᬂ᭞ᬦᬶᬓᬯᬯᬸᬢᬭᬸᬡ᭞ᬗᬯᬇᬥᭂᬧ᭄ᬳᬮᬂᬳᬾᬮᬶᬂ᭞ᬳᬕᬮ᭄ᬳᬕᬸᬮ᭄᭞ᬲᬶᬢᭂᬗᬾᬲᬳᬶᬳᬦ᭄ᬥᭂᬮᬂ᭟᭐᭟᭑᭔᭟ᬰᬓ᭄ᬢᬶᬳᬓᬸ᭞ᬳᬓᬸ
ᬯᭂᬭᬸᬄᬯᬦᬾᬦ᭄ᬳᬓᬸ᭞ᬫᬸᬜᬶᬢᭀᬂᬚᬗ᭄ᬓᬬᬦ᭄᭞ᬗᬥᬸᬲᬶᬕᬸᬕ᭄ᬓᭂᬫᬫᬳᬶ᭞ᬗᬤᬸᬧᬸᬭᬸᬦ᭄᭞ᬗᬲᬾᬦ᭄ᬲᬶᬢᭂᬂᬗᬶᬧᬓᬶᬧᬓ᭄᭟᭐᭟᭑᭕᭟ᬫᬮᬶᬄᬳᬶᬧᬸᬦ᭄᭞ᬓᬧᬶᬂᬢᬶᬕᬦᬾᬓᬯᬸᬯᬸᬲ᭄᭞ᬓ
[ ᭓᭒ 32A]
ᬤᬶᬲᭀᬮᬄᬳᬦᬓ᭄᭞ᬗᭂᬮᬄᬳᭀᬓᬫᬶᬯᬄᬭᬩᬶ᭞ᬯᬯᬸᬳᬶᬧᬸᬦ᭄᭞ᬳᬸᬦᬶᬂᬦᬶᬫ᭄ᬩᬂ᭞ᬩᭂᬦᭂᬄᬳᬶᬘᬂ᭟᭐᭟᭑᭖᭟ᬚᬵᬢᬶᬦᬶᬧᬸᬦ᭄᭞ᬯᬯᬸᬳᬸᬦᬶᬂᬳᬗ᭄ᬕᬄᬳᬸᬗ᭄ᬕᬸᬄ᭞ᬲᭀᬮᬄᬫᬯᬶᬯᬾᬓ᭞ᬫᬓ᭄ᬭᬸᬡ᭠
ᬦᬶᬩᬓᬂᬫᬸᬜᬶ᭞ᬲᭀᬮᬄᬳᬤᬸᬂ᭞ᬫᬧᬶᬲᬕᬜᬫᬩ᭄ᬭᬬ᭟᭐᭟᭑᭗᭟ᬢᭂᬕᭂᬲ᭄ᬳᬶᬧᬸᬦ᭄᭞ᬲᬓᬶᬂᬫᬦᬄᬯᬶᬯᬶᬢᬶᬧᬸᬦ᭄᭞ᬦᬶᬓᬧᬶᬦᬶᬄᬚᬩ᭞ᬗᬾᬤᬍᬫ᭄ᬫᬮᬶᬄᬳᬮᬧᬶᬲ᭄᭞ᬘᬶᬧ᭄ᬢᬳᬓᬸ᭞ᬳᬫᭀᬗ
ᬦ᭄ᬲᬂᬯᭂᬢᬸᬢ᭄ᬭᬸᬡ᭟᭐᭟᭑᭘᭟ᬩᬧᬢᬸᬳᬸ᭞ᬗᬫᭀᬂᬫᬦᬄᬳᬕᬮ᭄ᬳᬸᬕᬸᬮ᭄᭞ᬯᬦ᭄ᬢᬄᬢᬶᬕᬂᬳᭂᬦ᭄ᬚᭂᬓᬦ᭄᭞ᬫᬦᬄᬘᬶᬧ᭄ᬢᬳᬗᭂᬦ᭄ᬫᬮᬶᬄ᭞ᬢᬶᬕᬂᬲᬸᬲᬸᬦ᭄᭞ᬤᬶᬢᬸᬇᬥᭂᬧ᭄ᬩᬧᬫᬕᭂᬦᬄ᭟᭐᭟
᭟᭑᭙᭟ᬩᬧᬳᬶᬩᬸ᭞ᬲᬬᬦ᭄ᬳᭀᬤᬄᬩᬬᬸᬮᬸᬗ᭄ᬲᬸᬃ᭞ᬤᬤᬶᬫᬾᬫᬾᬩᬧ᭞ᬳᬾᬮᬶᬂᬩᬧᬮᬫᬸᬦ᭄ᬚᬦᬶ᭞ᬕᬫᬭᬶᬓᬸᬄ᭞ᬇᬥᭂᬧᬾᬲᬢᬢᬓᬫ᭄ᬩᬂ᭟᭒᭐᭟ᬳᬗᭂᬦᬶᬓᬸ᭞ᬤᬤᬶᬳᬶᬩᬸᬓ᭄ᬳᬶᬗᭂᬢ᭄ᬮᬶᬬᬸ᭟ᬩ
Kaca:Bali-lontar-gaguritan-puyung-sugih-250ppi.pdf/32
Kaca puniki sampun kauji-wacén
