[ ᭑᭑᭐ 110B]
᭑᭑᭐
ᬯᬾᬦ᭄ᬢᭂᬦ᭄ᬦᬮᬸᬄᬯᬾᬦ᭄ᬢᭂᬦᬼᬓᬤ᭄᭞᭟᭐᭟᭙᭟ᬓᬮᬶᬂᬮᬶᬫᬦᬹᬲ᭄ᬬᬯᬱ᭄ᬝᬦᬶᬧᬸᬦ᭄ᬜᬳᬶᬂᬲᬭᬶᬦᬾ᭞ᬳᬫ᭄ᬧᬲ᭄ᬜᬦᬾᬭᬸᬧᬓᬮᬶᬄ᭞ᬤᬤᭀᬲ᭄ᬓᬲᬃᬓᬧᬶᬦ᭄ᬳᬮᬸᬲ᭄᭞ᬤᬤᭀᬲ᭄ᬧ᭄ᬮᬦᬶᬢ᭄ᬩᬶᬦ᭄ᬢᬂᬦᬸᬃ᭞ᬢᬸᬫᬶᬩᬓ
ᬫᬥ᭄ᬬᬲᬤ᭞ᬤᬤᭀᬲ᭄ᬚᬦ᭄ᬫᬓᬲᬃᬳᬮᬸᬲ᭄᭟ᬲᬸᬓᬤᬸᬓᬲ᭄ᬯᬃᬕᬦᬭᬓ᭞ᬧᬥᬗᬩᬧᬧᬶᬓᬸᬮᬦ᭄᭟᭐᭟᭑᭐᭟ᬮᬶᬫᬂᬧᬗ᭄ᬓᭂᬤ᭄ᬧᬦᬸᬫᬤ᭄ᬬᬦ᭄ᬩᬯᬸᬃ᭞ᬘᭂᬘᭂᬄᬫᬬᬄᬳᬸᬢᬗᬾ᭞ᬩᬸᬲᬦ᭄ᬩᬸᬲᬦ᭄ᬫᬦᬸᬫᬤᬶ
᭞ᬳᬲᬶᬂᬲᭀᬮᬄᬦᭀᬭᬧᬢᬹᬢ᭄᭞ᬦᬕᬶᬄᬳᬸᬢᬂᬫᬕᭂᬍᬩᬸᬕ᭄᭞ᬤᬤᬶᬚᬦ᭄ᬫᬫᭀᬦ᭄ᬤᭀᬂᬳᬸᬢᬂ᭞ᬗᬭᬦ᭄ᬓᬃᬫᬨᬮᬳᬶᬓᬸ᭞ᬳᬶᬯᬂᬫᬃᬕᬢᭂᬤᬸᬦ᭄ᬓᭂᬮᬲ᭄᭞ᬢᬸᬯᬶᬦᬶᬓᬢᭂᬦ᭄ᬲᭀᬮᬄᬦ᭄ᬬ᭟᭐᭟᭑
᭑᭟ᬧᬶᬂᬦᭂᬫ᭄ᬩᬬᬫᬭᬦᬗᬦᬶᬧᬸᬦ᭄᭞ᬯᭀᬂᬲᬥᬸᬤᬤᭀᬲᬾ᭞ᬦᬸᬗ᭄ᬕᬮ᭄ᬳᬫ᭄ᬧᬲ᭄ᬜᬦᬾᬩᭂᬘᬶᬓ᭄᭞ᬦᬾᬩᭂᬘᬶᬓ᭄᭞ᬳᬦᬓ᭄ᬱᬢ᭄ᬭᬶᬬᬤᬤᭀᬲ᭄ᬳᬶᬧᬸᬦ᭄᭞ᬭᬶᬂᬮᬗᬶᬢ᭄ᬲᬋᬂᬫᬧᬸᬧᬸᬮ᭄᭞ᬦᬶᬓᬩ᭠
[ ᭑᭑᭑ 111A]
ᬓᬮ᭄ᬲᬂᬫᬿᬢ᭄ᬭᬶᬬ᭞ᬤᬤᭀᬲ᭄ᬚᬦ᭄ᬫᬳᬶᬓᬭᬸᬦ᭄ᬢᬸᬄ᭞ᬰᬰᬶᬄᬢᬗ᭄ᬕᬮ᭄ᬦᬸᬚᬸᬫᭂᬮᬄ᭞ᬫᬦᬸᬫᬤᬶᬩ᭄ᬯᬶᬦ᭄ᬳᬧᬶᬲᬦ᭄᭟᭐᭟᭑᭒᭟ᬓᬧᬶᬂᬧᬶᬢᬸᬲᬭᬶᬗᬦᬾᬧᬸᬧᬸᬢ᭄᭞ᬢᬦᬦᬳᬫ᭄ᬧᬲᬾ᭞ᬚᬕᬢ᭄ᬮᬶᬘᬶᬦ᭄ᬓᬯᬱ᭄ᬝᬦᬶ
ᬦ᭄᭞ᬫᬦᬸᬢᬸᬕᬂᬫᬮᬶᬄᬢᭂᬤᬸᬦ᭄᭞ᬦᬸᬢᬸᬕᬂᬤᬸᬫᬤ᭄ᬬᬦ᭄ᬤᬶᬢᬸ᭞ᬦᬩ᭄ᬤᬩᬂᬧ᭄ᬭᬓᬺᬢᬶᬫᭂᬮᬄ᭞ᬓᬢᬶᬭᬸᬭᬶᬂᬚᬕᬢ᭄ᬳᬕᬸᬂ᭞ᬓᬪᬶᬱᬾᬓᬲᬂᬳ᭄ᬬᬂᬩᬸᬤ᭄ᬥ᭞ᬫᬦ᭄ᬢᬸᬓ᭄ᬳᬶᬤᬗᬦᬶᬃᬯᬡ᭟᭐᭟᭑᭓᭟ᬳᬮᬸᬄᬫᬦ᭄ᬢᬸᬓ᭄ᬢᬮᬶ᭠
ᬦᬾᬫᬘ᭄ᬮᬫ᭄ᬧᬸᬢ᭄᭞ᬓᬰᬹᬦ᭄ᬬᬫᬃᬕᬦᬾ᭞ᬫᬢᬧᬓᬦ᭄ᬲᬹᬃᬬᬰᬰᬶᬄ᭞ᬦᬸᬗ᭄ᬓᬧ᭄ᬢᬬᬮᬶᬘᬶᬦ᭄ᬫᬦ᭄ᬭᬸᬲ᭄᭞ᬦᬸᬗ᭄ᬕᬶᬮ᭄ᬤᬤᭀᬲ᭄ᬲᬂᬳ᭄ᬬᬂᬳᬬᬸ᭞ᬧᬸᬧᬸᬢ᭄ᬦᭀᬭᬩ᭄ᬯᬶᬦ᭄ᬫᬚᬦ᭄ᬫ᭞ᬲᬧᬸᬦᬶᬓᬮ᭄ᬯᬶᬄᬫᬫᬦ᭄ᬢᬸᬓ᭄᭞ᬓᭀᬫᬂ
ᬮᬬᬂᬫᬦᬸᬦᬲᬂ᭟᭐᭟᭑᭔᭟ᬯᬬᬦ᭄ᬧᬸᬬᬸᬂᬫᬮᬶᬓᬶᬦ᭄ᬧᬶᬢᬸᬢᬸᬃ᭞ᬳᬮᭀᬦᬗᬸᬘᬧᬾ᭞ᬲᬦᬾᬧᬜ᭄ᬘᬳᬸᬚᬂᬫᬮᬶᬄ᭞ᬩᬩᬓᬮᬦ᭄ᬲᬦᬾᬭᬸᬦ᭄ᬢᬸᬄ᭞ᬲᬓᬶᬂᬮᬗᬶᬢ᭄ᬳᬶᬓᬂᬦᬸᬃ᭞ᬢᭂᬤᬸᬦ᭄ᬯᬳᬫᬸ
Kaca:Bali-lontar-gaguritan-puyung-sugih-250ppi.pdf/111
Kaca puniki sampun kauji-wacén
