Kaca:Bali-lontar-gaguritan-puyung-sugih-250ppi.pdf/110

Saking Wikisource
Kaca puniki sampun kauji-wacén

[ ᭑᭐᭙ 109B]
᭑᭐᭙
ᬳᬶ᭞ᬦᬯᬲᬗ᭄ᬳᬢᬮᬶᬦᬶᬧᬸᬦ᭄᭞ᬢᬶᬢᬄᬲᬂᬓᬯᬰᬳᬶᬓᬸ᭞ᬫᬗᬶᬢᭂᬳᬂᬭᬚᬶᬦ᭄ᬜᬦᬾ᭞ᬗᬤᬶᬩᬓᬮ᭄ᬳᬦᭂᬫ᭄ᬳᬶᬓᬸ᭞ᬓᬜ᭄ᬘᬜ᭄ᬚᬶᬯᬤᬕᬶᬂᬚᬕᬢ᭄᭞ᬤᭂᬓ᭄ᬤᭂᬓ᭄ᬳᬮᬸᬲ᭄ᬢᬦ᭄ᬢ᭄ᬦ᭄ᬤᬶᬗᬶᬦ᭄᭟᭐᭟᭔᭟
ᬳᭂᬦ᭄ᬤᬕ᭄ᬲᬹᬃᬬᬗᬯᬶᬢ᭄ᬗᬃᬤᬶᬲᬵᬫ᭄ᬧᬸᬦ᭄᭞ᬧ᭄ᬭᬕᬢ᭄ᬫᬸᬧᬸᬓᭂᬫ᭄ᬩᬗᭂ᭞ᬓᬧᬶᬂᬧᬶᬢᬸᬦᬲᬭᬶᬗᬶᬦ᭄᭞ᬲᬓᬶᬂᬲᭀᬃᬲᬵᬧ᭄ᬧᬿᬤᬸᬳᬸᬃ᭞ᬫ᭄ᬩᬂᬕᬸᬫᬶᬦᬾᬮᬧᬶᬲ᭄ᬧᬶᬢᬸ᭞ᬧᬶᬦᬶᬄᬲᬶᬲᬶᬗᬭᬦ᭄ᬳᬧᬄ᭞ᬕᭂᬦᬄᬓᬃᬤᬶᬦᬾᬧᬜᬸᬫᬸ᭞
ᬧᬸᬦᬶᬓᬦᭂᬧᬮᬶᬂᬓᬲᬃ᭞ᬫᬲᬭᬶᬂᬯᬳᬸᬳᬧᬶᬲᬦ᭄᭟᭐᭟᭕᭟ᬭᬹᬧᬤ᭄ᬯᬳᬫ᭄ᬧᬲᭂᬓᬲᬃᬳᬮᬸᬲ᭄᭞ᬫᬸᬗ᭄ᬕᬄᬭᬶᬂᬆᬓᬰᬦᬾ᭞ᬤᬤᭀᬲ᭄ᬩᬶᬦ᭄ᬢᬂᬧᬓᬸᬭᬶᬭᬶᬂ᭞ᬦᬶᬓᬗᬭᬦ᭄ᬩᬶᬦ᭄ᬢᬂᬤᬫᬸᬄ᭞ᬯᭂᬓ
ᬲ᭄ᬢᬸᬶᬲᬦ᭄ᬢᬸᬫᬸᬮᬶᬭᬸᬦ᭄ᬢᬸᬄ᭞ᬭᬭᬶᬲ᭄ᬫᭂᬦ᭄ᬢᬶᬓ᭄ᬦᬭᬶᬂᬢᬦᬄ᭞ᬢᬭᬸᬩᬸᬓᬸᬤᬤᭀᬲᬶᬧᬸᬦ᭄᭞ᬤᬤᭀᬲ᭄ᬳᭂᬩᬸᬦ᭄ᬫᬶᬯᬄᬧᬤᬂ᭞ᬓᬲᬃᬳᬮᬸᬲ᭄ᬭᬸᬧᬭᬹᬧ᭟᭐᭟᭖᭟ᬚ᭄ᬭᭀᬦᬶᬂᬳᬧᬄᬳᭂᬫ᭄ᬩᬂᬯᬲ᭄ᬢᬦᬶᬧᬸ᭠
[ 110A]
ᬦ᭄᭞ᬜᬭᬶᬂᬲᬭᬶᬦ᭄ᬜᬦᬾ᭞ᬯᬸᬲ᭄ᬧᬶᬂᬓᬮᬶᬄᬓᬓᬃᬬᬦᬶᬦ᭄᭞ᬲᬭᬶᬦ᭄ᬜᬦᬾᬓᬸᬓᬸᬲ᭄ᬳᬮᬸᬲ᭄᭞ᬭᬹᬧᬓᬮᬶᬄᬳᬫ᭄ᬧᬲᬶᬧᬸᬦ᭄᭞ᬓᬲᬃᬳᬮᬸᬲ᭄ᬤᬤᭀᬲ᭄ᬩᬶᬦ᭄ᬢᬂ᭞ᬭᬶᬂᬆᬓᬰᬗᬭᬦ᭄ᬦᬃ᭞ᬢᬶᬩᬤ
ᬤᭀᬲ᭄ᬓᬜ᭄ᬘᬦ᭄ᬲᬢ᭞ᬦᬭᬶᬂᬚᬕᬢ᭄ᬳᬧᬭᬹᬧ᭟᭐᭟᭗᭟ᬓᬧᬶᬂᬢᬶᬕᬲᬭᬶᬗᬦᬾᬓᬯᬸᬯᬸᬲ᭄᭞ᬲᬸᬯᬸᬂᬳᬭᬦ᭄ᬜᬦᬾ᭞ᬗᬃᬤᬶᬩᬩᬓᬮᬦ᭄ᬲᬳᬶ᭞ᬳᬫ᭄ᬧᬲᬾᬢᬍᬃᬓᬲᬃᬳᬮᬸᬲ᭄᭞ᬩᬶᬦ᭄ᬢᬂᬤᬫᬸᬄᬤ
ᬤᭀᬲ᭄ᬳᬶᬧᬸᬦ᭄᭞ᬢᬶᬩᬦ᭄ᬢᬶᬩᬦ᭄ᬭᬶᬂᬚᬕᬢ᭄᭞ᬤᬦᬸᬶᬤᭀᬲ᭄ᬫᬶᬡᬦᬭᬶᬂᬩᬜᬸ᭞ᬍᬓᬤ᭄ᬜᬦᬾᬭᬹᬧᬳᬾᬦ᭄ᬤᬄ᭞ᬦᬕᬶᬗᬶᬦ᭄ᬚᬕᬢ᭄ᬫᬓᭂᬚᬂ᭟᭐᭟᭘᭟ᬳᬸᬚᬂᬢᬶᬢ᭄ᬬᬂᬲᬭᬶᬗᬦ᭄ᬧᬶᬂᬘᬢᬸᬃ᭞ᬲᭂᬧᬶᬗᬭᬦ᭄ᬜ
ᬦᬾ᭞ᬗᬃᬤᬶᬓᬬᬸᬦ᭄ᬓᬲᬃᬩᭂᬘᬶᬓ᭄᭞ᬭᬹᬧᬓᬮᬶᬄᬤᬤᭀᬲ᭄ᬦᬸᬂ᭞ᬭᬶᬂᬮᬗᬶᬢ᭄ᬳᬫᬧᬲ᭄ᬫᬧᬸᬧᬸᬮ᭄᭞ᬢᬸᬫᬶᬩᬓᬫᬤ᭄ᬬᬧᬤ᭞ᬦᬤᬶᬩᬸᬭᭀᬦ᭄ᬯᬦ᭄ᬢᬸᬦᬶᬧᬸᬦ᭄᭞ᬭᬹᬧᬳᬾᬦ᭄ᬤᬄᬗᬾᬩᬸᬶᬩᭂᬓ᭄ᬚᬕᬢ᭄᭞