[ ᭑᭐᭑ 101B]
᭑᭐᭑᭞
ᬲᬸᬓᬸ᭞ᬓᬲᬸᬓᬦᬾᬬᬾᬦᬸᬧᬫ᭞ᬬᬦ᭄ᬧᬶᬦᭂᬳᬶᬦ᭄᭞ᬢᭀᬬᬧᬸᬢᭂᬓ᭄ᬫᬓᭂᬢᬾᬮᬦ᭄᭟᭐᭟᭒᭓᭟ᬲᬧᬸᬦᬶᬓᬩᭂᬮᬶᬓᭀᬫᬂ᭞ᬉᬫᬸᬭᬾᬲᬫᬭᬶᬂᬢᬢᬶᬢ᭄᭞ᬳᬸᬭᬶᬧᬾᬭᬶᬂᬚᬕᬢ᭄ᬩᬯᭀᬲ᭄᭞ᬓᬵᬤᬶ
ᬢᭀᬬᬫᭂᬫ᭄ᬩᬄᬢᭂᬭᬸᬲ᭄᭞ᬪᭀᬬᬫᬮᬶᬄᬚᬕᬢᬸᬮᬓ᭄᭞ᬓᬵᬤᬶᬳᬸᬭᬸᬲᬶᬦ᭄᭞ᬉᬫᬸᬂᬫᭂᬫ᭄ᬩᬄᬢᬦ᭄ᬧᭂᬕᬢᬦ᭄᭟᭐᭟᭒᭔᭟ᬓᭀᬫᬂᬮᬬᬂᬭᬭᬶᬲ᭄ᬦᬗ᭄ᬕᬮ᭄᭞ᬚᭀᬮᭀᬢ᭄ᬓᬧᬶᬦ᭄ᬢᬸᬢᬸᬃᬳᬤᬶ᭞ᬚᬢᬶᬩᭂᬮᬶᬮᬶ
ᬦ᭄ᬢᬂᬳᭂᬗᭀᬦ᭄᭞ᬩ᭄ᬭᬢᬲᬫᬵᬥᬶᬩᭂᬮᬶᬗᬮᬸᬗ᭄ᬲᬸᬃ᭞ᬲᬧᬸᬦᬧᬶᬮ᭄ᬯᬶᬃᬮᬭᬗᬦ᭄᭞ᬓᬲᬯᬸᬭᬶᬦ᭄᭞ᬯᬬᬦ᭄ᬧᬸᬬᬸᬂᬫᬦᬸᬢᬸᬭᬂ᭟᭐᭟᭒᭕᭟ᬧᬺᬢᬫᬫᬢᬢᬶᬫ᭄ᬩᬗᬦ᭄᭞ᬦᭀᬭᬜᬦ᭄ᬤᬂᬓᬢᭂᬫ᭄ᬧᬮᬶᬦ᭄᭞ᬲᬸ᭠
ᬓᬤᬸᬄᬓᬓᬧᬶᬦ᭄ᬧᬶᬦ᭄ᬤᭀ᭞ᬓᬢᬭᬶᬫᬓᬜ᭄ᬘᬦᬶᬂᬭᬯᬸᬄ᭞ᬢᬦ᭄ᬯᬦᭂᬄᬭᬶᬂᬤᬕᬶᬂᬚᬕᬢ᭄᭞ᬲᬵᬫ᭄ᬧᬸᬦ᭄ᬓᬢ᭄ᬭᬶᬡᬶ᭞ᬧᬶᬂᬧᬢᬾᬗᬮᬳᬮ᭟᭐᭟᭒᭖᭟ᬓᬧᬶᬂᬮᬶᬫᬧᬗᬓ᭄ᬱᬫ᭞ᬫᬍᬄᬫᬦᬄᬲ
[ ᭑᭐᭒ 102A]
ᬳᬶᬲᬳᬶ᭞ᬬᬤ᭄ᬬᬦ᭄ᬫᬫᬗ᭄ᬕᬸᬄᬓᬯᭀᬦ᭄᭞ᬓᬧᬶᬂᬦᭂᬫ᭄ᬫᬮᬓ᭄ᬱᬡᬧᬢᬹᬢ᭄᭞ᬓᬧᬶᬂᬧᬶᬢᬸᬜᬫᬩ᭄ᬭᬬ᭞ᬓᬢᬺᬱ᭄ᬡᬳᬶᬦ᭄᭞ᬲᭁᬫᬸᬃᬳᬶᬤᬸᬧ᭄ᬢᬦ᭄ᬲᬸᬭᬸᬤᬦ᭄᭟᭐᭟᭒᭗᭟ᬓᬧᬶᬂᬓᬸᬢᬸᬲ᭄ᬧᬕᭂᬄᬫᬦᬄ᭞ᬦᭀᬭ
ᬢᭂᬮᬤ᭄ᬓᬢᬦ᭄ᬤᬓᬶᬦ᭄᭞ᬓᬧᬶᬂᬲᬗᬦᬾᬓᬩᬯᭀᬲ᭄᭞ᬢᬦ᭄ᬲᬄᬳᬸᬮᬢ᭄ᬫᬦᬶᬲᬭᬸᬫ᭄᭞ᬫᬶᬯᬄᬫᬦᬶᬲᬶᬂᬧᬗᬸᬘᬧ᭄᭞ᬤᬰᬫᬮᬶᬄᬢᬓᬸᬢ᭄ᬗᭂᬓᭀᬄᬦᭀᬭᬜᬦ᭄ᬤᬂ᭟᭐᭟᭒᭘᭟ᬫᬮᬶᬄᬯᬾᬦ᭄ᬢᭂᬦ᭄ᬓᬢᬸᬢᬸ
ᬭᬦ᭄᭞ᬢᬢᬶᬭᭀᬦᬦᬭᬶᬂᬪᬸᬫᬶ᭞ᬧᬥᬦᬧᬺᬢᬫᬩᬯᭀᬲ᭄᭞ᬓᬧᬶᬂᬓᬮᬶᬄᬫᬗ᭄ᬤᬢᬸᬳᬸ᭞ᬧᬶᬢ᭄ᬭᬧᬹᬚᬤᬾᬯᬬᬚ᭄ᬜ᭞ᬢᬶᬕᬫᬮᬶᬄ᭞ᬲᭀᬮᬄᬧᬕᭂᬄᬢᭂᬧᭂᬢ᭄ᬧᬶᬲᬦ᭄᭟᭐᭟᭒᭙᭟ᬗᬲ᭄ᬢᬶᬢᬶᬰᬶ᭠
ᬯᬢᭂᬧᭂᬢᬂ᭞ᬓᬧᬶᬂᬳᭂᬫ᭄ᬧᬢ᭄ᬳᬸᬚᬂᬲᬫᬶ᭞ᬓᬧᬶᬂᬮᬶᬫᬦᬾᬓᬩᬯᭀᬲ᭄᭞ᬳᬫᬯᬾᬄᬳᬾᬮᬵᬳᬶᬂᬲᬢᬸᬯᬸᬓ᭄᭞ᬦᭂᬫ᭄ᬫᬸᬗ᭄ᬕᭂᬮᬶᬦᬶᬦ᭄ᬭᬶᬬ᭞ᬧᬶᬢᬸᬫᬮᬶᬄ᭞ᬇᬥᭂᬧᬾᬮ᭄ᬯᬶᬳᬂᬲᬢᬢ᭟᭐᭟᭓᭐᭟
Kaca:Bali-lontar-gaguritan-puyung-sugih-250ppi.pdf/102
Kaca puniki sampun kauji-wacén
