[ ᭑᭐᭐ 100B]
᭑᭐᭐᭞
ᬢᬫ᭄ᬬᬸᬦᬾᬓᬲᬧᬳᬮᭀᬦ᭄᭞ᬘᬦᬗᬾᬲᬵᬫ᭄ᬧᬸᬦ᭄ᬓᬵᬢᬸᬃ᭞ᬫᬮᬶᬗ᭄ᬕᬶᬄᬫᬋᬧᬋ᭠ᬧᬦ᭄᭞ᬲᬋᬂᬮᬓᬶ᭞ᬦᬫ᭄ᬧᬶᬩᬦ᭄ᬢᭂᬦ᭄ᬧᬲᬓᬧᬦ᭄᭟᭐᭟᭑᭖᭟ᬗᬦ᭄ᬢᬾᬦᬾᬧᬸᬧᬸᬢ᭄ᬫᬦᬢᬩ᭄᭞ᬢ᭠
ᬫ᭄ᬬᬸᬦᬾᬗᬚᭂᬗᬂᬲᬫᬶ᭞ᬯᬬᬦ᭄ᬧᬸᬬᬸᬂᬭᬭᬶᬲ᭄ᬫᬯᭀᬲ᭄᭞ᬭᬭᬗᬦ᭄ᬓᬸᬳᬚᬂᬤᬶᬢᬸ᭞ᬫ᭄ᬯᬂᬲᭀᬮᬄᬩ᭄ᬭᬢᬓᭂᬫᬶᬢᬦ᭄᭞ᬧᬶᬋᬂᬫᬗ᭄ᬓᬶᬦ᭄᭞ᬮᬓᬶᬦ᭄ᬢᬶᬢ᭄ᬬᬂᬓᭀᬫᬂᬮᬬᬂ᭟᭐᭟᭑᭗᭟ᬲᬓᬶᬂᬢᬦᬵᬦ᭄ᬢᬭ᭠
ᬤᬾᬰ᭞ᬜᬤ᭄ᬬᬢᬶᬢ᭄ᬬᬂᬫᬦᬦ᭄ᬤᬓᬶᬦ᭄᭞ᬓᬜ᭄ᬘᬦ᭄ᬭᬭᬗᬦᬾᬳᬩᭀᬢ᭄᭞ᬲᬦᬾᬮᬦᬂᬫᬵᬢᬹᬃᬧᬸᬧᬸᬢ᭄᭞ᬯᬬᬦ᭄ᬧᬸᬬᬸᬂᬭᬭᬶᬲ᭄ᬦᬗ᭄ᬕᬮ᭄᭞ᬯᬾᬦ᭄ᬢᭂᬦ᭄ᬫᬮᬶᬄ᭞ᬮ᭄ᬯᬶᬃᬳᬫᭀᬗᬦ᭄ᬲᬂᬩᬸᬚᬗ᭄ᬕ᭟᭐᭟
᭑᭘᭟ᬕᭂᬢᬧ᭄ᬤᬤᬶᬧᬜ᭄ᬚᬓ᭄ᬲᬗ᭄ᬲᬭ᭞ᬮᬶᬬᬸᬳᬦᬓᬾᬫᬗᬧᬶᬦ᭄᭞ᬢᬸᬮᬾᬦ᭄ᬳᬗ᭄ᬕᭀᬦᬩᬩᭀᬗ᭄ᬕᬦ᭄᭞ᬗᬮᬧᬶᬦ᭄ᬯᭀᬄᬦᬾᬭᬳᬬᬸ᭞ᬤᭂᬫᭂᬦ᭄ᬮᭀᬩᬳᬶᬗᭂᬢ᭄ᬳᬶᬗᭂᬢᬦ᭄᭞
[ ᭑᭐᭑ 101A]
ᬫᬗᬺᬩᬸᬢᬶᬦ᭄᭞ᬫᬗᬯᬶᬦᬂᬳᬦᬓ᭄ᬓᬶᬸᬲᬶᬸᬂ᭟᭐᭟ᬓ᭄ᬱᬲᬃ᭟᭐᭟᭑᭙᭟ᬦᬶᬦᬸᬢᬶᬦ᭄ᬧᬧᬶᬦᭂᬄᬲᬲᬃ᭞ᬩᭂᬘᬶᬓᬾᬗᬢᬹᬢ᭄ᬳᬓᭂᬥᬶᬓ᭄᭞ᬢᬮᬸᬬᬳᬶᬢᬸᬓᬂᬢᭂᬫ᭄ᬩᬂ᭞ᬤᬸᬯᭂᬕ᭄ᬗᬯᬾᬲ᭄ᬯᬭᬳᬤᬸᬂ᭞ᬲᬵᬫ᭄ᬧᬸᬦ᭄ᬗᬫᭀᬂᬭᬵ
ᬕᬳᭀᬩᬄ᭞ᬧᬶᬢᬸᬢᬸᬭᬶᬦ᭄᭞ᬳᬦᬓ᭄ᬩᬶᬗᬸᬂᬓᬢᬸᬦᬬᬦ᭄᭟᭐᭟᭒᭐᭟ᬧᬥᬾᬢᬸᬲᬶᬂᬫᬗᬦᬹᬢᬂ᭞ᬳᬶᬩᬶᬗᬸᬂᬜᬦ᭄ᬤᬂᬳᭀᬭᬳᬶᬦ᭄᭞ᬚᬯᬢ᭄ᬦᬸᬦ᭄ᬤᬸᬦ᭄ᬳᬦ᭄ᬢᬸᬓ᭄ᬫᭀᬫᭀ᭞ᬬᬤᬶᬦ᭄ᬲᬸᬕᬶᬄᬮᬫᬸᬦ᭄ᬩᬶᬗᬸᬂ᭞ᬯᬶᬓᬮᬸᬲᬫᬶᬮᬸᬪᬸ
ᬢ᭞ᬬᬦ᭄ᬢᬶᬦᬹᬢᬶᬦ᭄᭞ᬦᬸᬮᬸᬄᬭᬸᬭᬸᬂᬓᬲᬗ᭄ᬲᬭᬦ᭄᭟᭐᭟᭒᭑᭟ᬦᬾᬢ᭄ᬯᬭᬳᬶᬤᬸᬧ᭄ᬲᬢᬢ᭞᭠ᬓᬩᬕᬸᬲᬦ᭄ᬚᭂᬕᬾᬕ᭄ᬫᬮᬶᬄ᭞ᬓᬲᬸᬕᬶᬳᬦ᭄ᬳᬶᬤᬸᬧᬾᬋᬓᭀ᭞ᬓᬓᭀᬤᬕᬦ᭄ᬬᬤᬶᬦ᭄ᬳᬕᬸᬂ᭞ᬓᬧᬶᬢᬺᬱ᭄ᬡ
ᬦ᭄ᬫᬶᬯᬄᬓᬲᬸᬓᬦ᭄᭞ᬬᬧᬶᬦᭂᬳᬶᬦ᭄᭞ᬢ᭄ᬯᬭᬧᬕᭂᬄᬫᬗᭀᬤᬕᬂ᭟᭐᭟᭒᭒᭟ᬯᬮᬸᬬᬩᬶᬓᬲᬾᬩᬚᬂ᭞ᬢᭀᬬᬫᭂᬫ᭄ᬩᬄᬲᬓᬶᬂᬳᬤ᭄ᬭᬷ᭞ᬓᬵᬕᬸᬗᬦᬾᬬᬦᬶᬂᬩᬯᭀᬲ᭄᭞ᬯᬮᬸᬬᬩᬸᬓ᭄ᬦᬭᬶᬂ
Kaca:Bali-lontar-gaguritan-puyung-sugih-250ppi.pdf/101
Kaca puniki sampun kauji-wacén
