Kaca puniki sampun kauji-wacén
[᭔᭖ 46 B]
᭔᭖
ᬦᬾᬫᬦᬦ᭄ᬤᬦᬂ᭞ᬧᬘᬂᬗᬸᬗ᭄ᬲᬶᬲ᭄ᬯᬃᬕ᭄ᬕᬍᬯᬶᬄ᭛ᬕᬸᬦᬦ᭄ᬜᬦᬾ ᬳᬶᬧᬗᬗ᭄ᬕᭀ᭞ᬧᬢᬸᬢ᭄ᬭᬗ᭄ᬲᬸᬓ᭄᭞ᬳᬧᬵᬗᬦᬸᬢ᭄ᬲᭂᬗ᭄ᬓᭂᬃᬲᬫᬶ᭞ᬮᬕᬸᬢᬾᬫᬗᬾᬮᬄᬮᬶ
ᬬᬸ᭞ᬗᬗ᭄ᬕᭀᬢ᭄ᬯᬭᬫᬫᬲᬦ᭄᭞ᬩᭂᬮᭀᬕ᭄ᬳᬚᬸᬫ᭄᭞ᬳᭂᬦ᭄ᬢᭀᬫᬤᬦ᭄ᬳᬦᬓ᭄ᬲᬶᬕᬸᬕ᭄᭞ᬢᬦᬸᬭᬸᬗᬦ᭄ᬫ᭄ᬩᬳᬦ᭄ᬚᭂᬗᬄ᭞ᬗᬗ᭄ᬕᭀᬕ᭄ᬮᬄᬳᬗ᭄ᬕᭀᬦ᭄ᬧᭂᬮᬶᬄ
᭛ᬕᬸᬡᬦᬾᬫᬦ᭄ᬤᬤᬶᬧᬦᬓ᭄᭞ᬧᬢᬸᬢ᭄ᬪᬓ᭄ᬢᬶᬭᬶᬂᬲᬂᬗ᭄ᬭᬸᬧᬓᬓᬮᬶᬄ᭞ᬢ᭄ᬯᬭᬤᬤᬶᬧᬶᬯᬮ᭄ᬳᬢᬸᬃ᭞ᬲᬧᬶᬢᬸᬤᬸᬄᬲᬂᬭᬫ᭞ᬳᬧᬂᬳᭂᬥᬵ᭞ᬘ᭄ᬦᬶᬂᬓ᭄ᬦᬢᬸᬮᬄᬫᬦᬸᬄ
᭞ᬢᬶᬗ᭄ᬓᬄᬘ᭄ᬦᬶᬂᬢᭂᬓᬾᬦ᭄ᬲᬂᬭᬵᬫ᭞ᬤᬶᬧᬸᬢ᭄ᬭᬰᬰᬡᬳᬮᬶᬄ᭛ᬓᬾᬢᭀᬫᬲᬶᬄᬲᬂᬭᬵᬫ᭞ᬳᬧᬂᬢᬗᬃ᭞ᬫᬲᭀᬮᬄᬢ᭄ᬓᬾᬦ᭄ᬫᬸᬜᬶ᭞ᬗᬶᬘ᭄ᬘᬾᬦ᭄ᬘᭀ
[᭔᭗ 47 A]
ᬦ᭄ᬢᭀᬲᬦᬾ ᬧᬢᬸᬢ᭄᭞ᬳᬶᬩᬧᬲᬓ᭄ᬱᬢ᭄ᬫᭂᬓ᭞ᬳᬶᬲᭂᬦ᭄ᬢᬦ᭞ᬢᬦ᭄ᬲᬄᬗᬮᬶᬄᬮᬯᬢ᭄ᬤᬶᬢᬸ᭞ᬬᬦᬶᬂᬫᭂᬓᬫᬸᬮᬓᬲᬃ᭞ᬮᬯᬢᬾ ᬓᬲᬭᬦ᭄ᬩᬸᬯᬶᬦ᭄᭞᭛
ᬲᬮ᭄ᬯᬶᬭᬶᬦ᭄ᬜᬦᬾ ᬢᭀᬫᬓᭂᬚᬂ᭞ᬢᬸᬯᬄᬬᬤᬤ᭄ᬯᬤᬤᬶᬤᬲᬭᬾᬦᬾ ᬚᬢᬶ᭞ᬳᬮᬫᬓᬫᬶᬯᬄᬳᬬᬸ᭞ᬫᬺᬢᬦᬾᬤᬤᬶᬯᬶᬱ᭄ᬬ᭞ᬯᬶᬱ᭄ᬬᬭᬘᬸᬦ᭄᭞ᬤᬤᬶ
ᬫᬺᬢᬢᬫ᭄ᬪᬳᬬᬸ᭞ᬧᭂᬥᬲᬂᬘ᭄ᬦᬶᬂᬧ᭄ᬥᬲᬂ᭞ᬫᬗᬶᬗᭂᬢᬶᬦ᭄ᬩ᭄ᬦᭂᬄᬧ᭄ᬮᬶᬄ᭛ᬳᬤᭀᬄᬲᬯᬂᬓᬲᭂᬗ᭄ᬓᬮᬦ᭄᭞ᬬᬦᬶᬂᬩᬶᬱᬵᬫᬗᬶᬗᭂᬢᬶᬦᬾ ᬦᬾ ᬚᬢᬶ᭞ᬬᬦᬶᬂ
ᬕᬸᬡᬦ᭄ᬜᬦᬾ ᬢᭂᬧᬸᬓ᭄᭞ᬤᬶᬢᬸᬘ᭄ᬦᬶᬂᬚᬮᬦᬂ᭞ᬬᬤᬶᬦ᭄ᬩᭀᬩᬤ᭄᭞ᬲᭂᬗ᭄ᬓᭂᬃᬩᭀᬩᬤᬾᬦᬾ ᬧᬢᬸᬢ᭄᭞ᬢᭀᬤᬶᬚᬧᬘᬂᬲᭂᬗ᭄ᬓᬮ᭞ᬲᬶᬦᬄᬭᬳᬬᬸ
