Kaca:Bali-lontar-gaguritan-putra-sasana-01-350ppi.pdf/48

Saking Wikisource
Kaca puniki sampun kauji-wacén

[᭔᭗ 47 B]
᭔᭗
ᬓᬧᬗ᭄ᬕᬶᬄ᭛ᬧᬶᬢᬸᬯᬶᬜᬲᬃᬯ᭄ᬯᬲ᭄ᬓᬃ᭞ᬦᬾ ᬦᬾ ᬫᬶᬳᬶᬓ᭄᭞ᬢᬸᬭᬶᬂᬭᬸᬧᬦ᭄ᬜᬦᬾ ᬩ᭄ᬘᬶᬓ᭄᭞ᬤᬶᬲ᭄ᬫᬦᬾ ᬮᬯᬸᬢ᭄ᬢᬸᬫ᭄ᬩᬸᬄ᭞ᬳ᭄ᬜᬾᬧᬘᬂᬫᬫᬸᬤᬶᬬᬂ᭞ᬢᬦᬸᬭᬸᬗ
ᬦ᭄᭞ᬲᬶᬦᬄᬩᬺᬓ᭄ᬓᬦ᭄ᬢᬶᬮᬬᬸ᭞ᬢ᭄ᬯᬭᬳᬤᬳᬦᬓ᭄ᬗᬮᬧ᭄᭞ᬯᬶᬭᬾᬄᬢᭀᬗᭀᬲ᭄ᬜᬦᬾᬧ᭄ᬮᬶᬄ᭛ᬓᬾᬢᭀᬲᬮ᭄ᬯᬶᬭᬶᬂᬓᬩᬶᬱᬦ᭄᭞ᬧᬶᬢᭂᬢᭂᬲᬂᬧᬘᬂ
ᬓᬳᬶᬘᬾᬦᬵᬳᬶᬦ᭄᭞ᬳᭂᬥᬵᬗᬸᬮᬄᬳᬲᬮ᭄ᬧᭂᬲᬸ᭞ᬫᬦᬸᬢᬸᬭᬂᬥᬃᬫ᭄ᬫᬰᬵᬲ᭄ᬢ᭄ᬭ᭞ᬬᬾᬦ᭄ᬯᭀᬂᬘᭀᬭᬄ᭞ᬳᭂᬦ᭄ᬢᭀᬩᬓᬢ᭄ᬳᬶᬘᬾᬦ᭄ᬢᬸᬢᬸᬃ᭞ᬲᬶᬦᬄᬳᬶᬧᬸᬦ᭄ᬧ
ᬘᬂᬲᭂᬩᭂᬢ᭄᭞ᬳᬶᬘᬾᬦ᭄ᬢᬸᬢᬸᬃᬥᬃᬫ᭄ᬫᬚᬢᬶ᭛ᬉᬧᬫᬶᬜᬓᬤᬶᬩᬸᬓᬮ᭄᭞ᬳᬶᬘᭂᬍᬧᬸᬓ᭄‌ᬩᬸᬭᭀᬦ᭄ᬮᬸᬩᬓ᭄ᬫᬶᬦᬓᬤᬶ᭞ᬓ᭄ᬦᬶᬘᬬᬦ᭄ᬲᬹᬃᬬ᭄ᬬᬫᬸ
[᭔᭘ 48 A]
ᬭᬸᬩ᭄᭞ᬲᬶᬦᬄᬫᬢᬦ᭄ᬜᬦᬾ ᬳᬸᬮᬧ᭄᭞ᬳᬶᬘᬾᬦ᭄ᬕᬮᬂ᭞ᬫᬯᬸᬯᬸᬄᬬᬧ᭄ᬢᭂᬂᬳᬶᬩᬸᬢ᭄᭞ᬓᬾᬢᭀᬢ᭄ᬯᬄᬳᬶᬚᬦ᭄ᬫᬘᭀᬭᬄ᭞ᬓᬾᬯᭂᬄᬳᬶᬘᬾᬦ᭄ᬢᬸᬢᬸᬃ
ᬩ᭄ᬘᬶᬓ᭄᭛ᬳᬧᬂᬳᭂᬥᬲᬮᬄᬧᬲᬂ᭞ᬫᬜᬮᬦᬂᬓᬩᬶᬓᬲ᭄‌ᬘ᭄ᬦᬶᬗᬾ ᬚᬦᬶ᭞ᬳᬧᬂᬳᭂᬥᬵᬲᬮᬄᬳᬸᬦ᭄ᬤᬸᬓ᭄᭞ᬢᬶᬗ᭄ᬓᬄᬘ᭄ᬦᬶᬗᬾ ᬫᬚᬦ᭄ᬫ᭞ᬳᬧ
ᬦ᭄ᬲᭂᬗ᭄ᬓᬵ᭞ᬢᬶᬗ᭄ᬓᬳᬾ ᬫᬗᬮᬶᬄᬧᬢᬸᬢ᭄᭞ᬳ᭄ᬜᬾᬦ᭄ᬳᬦᬓᬾᬲᬮᬳᬂ᭞ᬳᬯᬓᬾ ᬫᬤᬲᬃᬧ᭄ᬮᬶᬄ᭛ᬳᬶᬦᬸᬘᬧ᭄ᬭᬶᬂᬤ᭄ᬭᬸᬘᭀᬯᬓ᭄᭞ᬲᬶᬫ᭄ᬩᬶᬂᬧᬢᬸᬢ᭄ᬳ
ᬯᬓ᭄ᬩᭂᬮᭀᬕ᭄ᬮᬦ᭄ᬭᬶᬭᬶᬄ᭞ᬧᬮᬶᬂᬢᬸᬗ᭄ᬓᬸᬮ᭄‌ᬗᬸᬮᬶᬓ᭄ᬢᬸᬢᬸᬃ᭞ᬕᬯᬾ ᬩᬸᬳᬂᬢ᭄ᬯᬭᬢᬯᬂ᭞ᬦᬾᬦᬾᬲᬯᬢ᭄ᬓᬤᬾᬦ᭄ᬕᬫ᭄ᬧᬂᬩᬓᬢ᭄ᬭᬸᬭᬸᬄ᭞ᬦᬾ ᬦᬾ ᬧᬕᭂ