[᭓᭕ 35 B]
᭓᭕
ᬲᭀᬭᭀᬳᬜ᭛ᬫᬮᬶᬄᬘᬘᬓᬦ᭄ᬳᬶᬩᭀᬩᬤ᭄᭞ᬯᬶᬚᬶᬲᭀᬯᬂᬓᬤᬦ᭄ᬤᬦᬶᬦ᭄᭞ᬬᬦ᭄ᬩᭀᬩᬤ᭄ᬢᭂᬓᬾᬦᬶᬂᬩᬸᬭᭀᬦ᭄᭞ᬤᬰᬢᬶᬩᬦ᭄ᬓᬲᬓᬶᬢᬶᬦ᭄᭞
ᬭᬶᬂᬓᬯᬳᬾᬲ᭄ᬤᬶᬄᬓᬶᬗ᭄ᬓᬶᬂ᭞ᬬᬦ᭄ᬢᭂᬓᬾᬦ᭄ᬫᬦᬸᬱᬧᬢᬸᬄ᭞ᬲᬢᬸᬲ᭄ᬢᬶᬩᬦ᭄ᬕᭂᬍᬕᭂᬍ᭞ᬬᬦ᭄ᬮᬶᬜᭀᬓ᭄ᬭᬶᬂᬰ᭄ᬭᬶᬪᬸᬧᬢᬶ᭞ᬲᬶᬬᬸᬢᬯᬸᬦ᭄᭞ᬓᬢᬶᬩᬦᬦ᭄ᬕᭂᬍᬕᭂᬍ
᭛ᬬᬦ᭄ᬮᬶᬜᭀᬓ᭄ᬢᭂᬓᬾᬦ᭄ᬧᬥᬡ᭄ᬥ᭞ᬫᬓᬤᬶᬭᬶᬂᬲᬗ᭄ᬳ᭄ᬬᬂᬯᬶᬥᬶ᭞ᬲᬳᬸᬭᬶᬧᬾ ᬦᭂᬫᬸᬥᬡ᭄ᬥ᭞ᬲ᭄ᬤᬶᬄᬓᬶᬗ᭄ᬓᬶᬂᬲᬳᬶᬲᬳᬶᬳᭂᬦ᭄ᬢᭀᬓ᭄ᬭᬡᬘ᭄ᬦᬶᬂᬚᬦᬶ᭞ᬧᬸᬗ᭄ᬕᭂᬮᬶᬦ᭄ᬳᬶᬥᭂ
ᬧᬾᬧᭂᬗ᭄ᬓᬸᬂ᭞ᬳᭂᬥᬵ ᬫᬜᬮᬦᬂᬩᭀᬩᬤ᭄᭞ᬦᬾ ᬦᬾ ᬫᬮᬸᬘ᭄ᬦᬶᬂᬧᭂᬮᬶᬄ᭞ᬚᬦᬶᬍᬩᬸᬃ᭞ᬚᬸᬫᬸᬯᬶᬦ᭄ᬫᬕᬯᬾᬬᬰ᭛ᬳᬲᬶᬂᬫᬮᬓ᭄ᬱᬡᬳᬶᬯᬂ᭞ᬲᬶᬦᬄ
[᭓᭖ 36 A]
ᬲᬲᬃᬲᬸᬭᬸᬤᬤᬶ᭞ᬬᬦᬶᬂᬤᬾᬯᬤᬾᬢ᭄ᬬᬲᬲᬃ᭞ᬓᬫᬦᬸᬱᬫᬦᬸᬫᬤᬶ᭞ᬬᬦᬶᬂᬫᬦᬸᬱᬦᬾ ᬧᬶᬮᬶᬄ᭞ᬲᬸᬭᬸᬤ᭄ᬤᬤᬶᬩᬸᬭᭀᬦ᭄ᬳᬕᬸᬂ᭞ᬳᬶᬩᬸᬭᭀᬦ᭄ᬫᬮᬶᬄᬲᬲᬃ᭞ᬲᬸᬭᬸ
ᬤ᭄ᬤᬤᬶᬲᭀᬭᭀᬄᬓ᭄ᬤᬶᬲ᭄᭞ᬓ᭄ᬤᬶᬲ᭄ᬲᬸᬭᬸᬤ᭄ᬤᬤᬶᬳ᭄ᬩᬾᬧᬲᬶᬄᬢᬸᬓᬤ᭄᭛ᬩᬸᬭᭀᬦ᭄ᬧᬓ᭄ᬱᬶᬫᬶᬯᬄᬳᬸᬮᬫ᭄᭞ᬫᬶᬯᬄᬓᬸᬫᬢᬓ᭄ᬓᬸᬫᬶᬢᬶᬢ᭄᭞ᬫᬳᬤᬦ᭄ᬲᬃᬯ᭄ᬯ
ᬚᬗ᭄ᬕᬫ᭞ᬳᬶᬚᬗ᭄ᬕᬫᬲᬸᬭᬸᬤ᭄ᬩᬸᬯᬶᬦ᭄᭞ᬲ᭄ᬢ᭄ᬯᬯᬭᬓᬯᬱ᭄ᬝᬦᬶᬦ᭄᭞ᬲᬃᬯ᭄ᬯᬧᬬᬂᬳ᭄ᬩᬸᬦ᭄ᬓᬬᬸ᭞ᬳᭂᬦ᭄ᬢᭀᬫᬤᬦ᭄ᬲᬢ᭄ᬯᬭ᭞ᬚᬢᬶᬦ᭄ᬜᬦᬾ ᬫᬓᬲᬫᬶ᭞ᬬᬦᬶᬂᬓᬸᬫ᭄ᬧᬸᬮ᭄
ᬓᬳᬸᬘᬧ᭄ᬫᬤᬦ᭄ᬢᬶᬃᬬ᭄ᬬᬓ᭄᭛ᬲᬸᬩᬲᬶᬦᬄᬓᬩᬮᬶᬓᬂ᭞ᬬᬦ᭄ᬲᬸᬰᬶᬮᬥᬃᬫ᭄ᬫᬚᬢᬶ᭞ᬳᬶᬢᬶᬃᬬ᭄ᬬᬓ᭄ᬫᬦ᭄ᬤᬤᬶᬚᬦ᭄ᬫ᭞ᬳᬶᬫᬦᬸᬱᬲᬶᬦᬄᬤᬤᬶ᭞ᬤᬾᬯᬥ
Kaca:Bali-lontar-gaguritan-putra-sasana-01-350ppi.pdf/36
Kaca puniki sampun kauji-wacén
