Kaca:Bali-lontar-gaguritan-putra-sasana-01-350ppi.pdf/35

Saking Wikisource
Kaca puniki sampun kauji-wacén

[᭓᭔ 34 B]
᭓᭔
ᬦ᭄ᬤᬶᬄᬳᬮᬶᬤ᭄᭞ᬳᭂᬦ᭄ᬢᭀᬮᬶᬬᬸᬫᬦᭂᬫᭂᬦᬶᬦ᭄᭞ᬓᬦ᭄ᬢᬶᬧᬸᬜᬄᬧᬮᬶᬂᬗᬸᬤᬸᬄ᭞ᬓ᭄ᬫᬫᬳᬶᬫᬳᬸᬤᬸᬢᬦ᭄᭞ᬳᬧᬂᬫᬳᬦ᭄ᬓᬤ᭄ᬓᭂᬩ᭄ᬯᬶᬦ᭄᭞ᬩᬳᬦ᭄ᬩᭂᬭᬸ᭞ᬫᬮᬶᬄ
ᬓᬤ᭄ᬫᬶᬢᬂᬳᭀᬧᬶᬲᬦ᭄᭛ᬩᬧᬫᬲᬶᬄᬫ᭄ᬗᬳᬦ᭄ᬧᬸᬜᬄ᭞ᬓᬦ᭄ᬢᬶᬩᬧᬧᭂᬧᭂᬲ᭄ᬳᭂᬗ᭄ᬲᬧ᭄᭞ᬢ᭄ᬓᬾᬦ᭄‌ᬲᭀᬮᬄᬩ᭄ᬦᭂᬄᬧ᭄ᬮᬶᬄ᭞ᬓ᭄ᬭᬡᬩᬶᬓᭂᬢ᭄ᬩᬸᬓᬚᬦᬶ᭞ᬩᬧ
ᬲᬗᭂᬢ᭄ᬤᭂᬲᭂᬓ᭄ᬩᭂᬭᬸᬂ᭞ᬫᬭᬚᬦᬶᬩᬧᬫᬸᬩᬤ᭄᭞ᬜᬧᬸᬳᬂᬩᬶᬓᭂᬢᬾᬚᬦᬶ᭞ᬫᬤᬦ᭄ᬢᭂᬧᬸᬓ᭄᭞ᬧᬗ᭄ᬭᬯᬢᬦ᭄ᬯᬸᬲᬫᬮ᭛
ᬤᬮᭀᬦ᭄᭞ᬳᬧᬂᬳᬶᬤᬭᬳᬢ᭄ᬲᬓᬶᬢ᭄᭞ᬭᬾᬳᬶᬲᬓᬶᬢ᭄‌ᬓ᭄ᬭᬡᬳᬶᬩᬸᬓ᭄᭞ᬓᬳᬸᬘᬧ᭄ᬤᬶᬥᬃᬫ᭄ᬫᬉᬱᬥ᭞ᬳᬶᬧᬫᬾᬥᬲ᭄ᬫᬭᬕ᭄ᬦᬶ᭞ᬗᬯᬾ
[᭓᭕ 35 A]
ᬕ᭄ᬭᬸᬩᬸᬕ᭄᭞ᬧᬫᬾᬥᬫᬾᬤᬦᬶᬂᬲ᭄ᬫᬭ᭛ᬢᬦ᭄ᬯᬗ᭄ᬤᬾᬫᬗ᭄ᬭᬸᬲᬓ᭄ᬳᬯᬓ᭄᭞ᬬᬦᬸᬓᬶᬦ᭄ᬤᭂᬫᭂᬦ᭄ᬳᬮᬶᬄ᭞ᬲ᭄ᬫᬭᬕ᭄ᬦᬶᬫᬫᭀᬩᭀᬃ᭞ᬭᬕᬧᬸᬳᬸᬦ᭄‌ᬕᭂᬲᭂᬂᬤ
ᬤᬶ᭞ᬫᬳᬾᬦ᭄ᬤᬳᬦ᭄ᬧᭂᬲᬸᬲᬓᬶᬢ᭄᭞ᬤᬤᬶᬢᬶᬯᬂᬤᬤᬶᬢᬸᬚᬸ᭞ᬤᬤᬶᬳᬾᬤᬦ᭄ᬲᬓᬶᬢ᭄ᬤᬳᬢ᭄᭞ᬳᭂᬦ᭄ᬢᭀᬓᬸᬤ᭄ᬬᬂᬫᬗᬸᬩᬤᬶᬦ᭄᭞ᬢᬸᬮᬸᬲ᭄ᬮᬫ᭄ᬧᬸᬲ᭄᭞
ᬓᬕᭂᬍᬕᭂᬍᬤᬶᬓᬯᬄ᭛ᬳᬤᬩᬸᬯᬶᬦ᭄ᬜᬦ᭄ᬤᬂᬳᭂᬋᬢ᭄᭞ᬳᭂᬥᬵᬕᬶᬮᬳᬶᬭᬶᬳᬢᬶ᭞ᬢ᭄ᬓᬾᬦᬵᬓᬲᬸᬕ᭄ᬬᬦ᭄ᬳᬦᬓ᭄᭞ᬫᬶᬯᬄᬭᬶᬂᬳᬕᬸᬂᬤᬶᬕᬸᬫᬶ᭞ᬢ᭄ᬓᬾ
ᬦ᭄ᬳᬦᬓ᭄ᬫᭂᬮᬄᬚᬢᬶ᭞ᬭᬶᬂᬲᬂᬩᬕ᭄ᬬᬫᬗ᭄ᬕᬶᬄᬳᬬᬸ᭞ᬫᬶᬯᬄᬢ᭄ᬓᬾᬦᬵᬯᬗ᭄ᬰᬳᬦᬓ᭄᭞ᬢ᭄ᬓᬾᬦ᭄ᬳᬸᬫᬄᬳᬦᬓ᭄ᬩᭂᬘᬶᬓ᭄᭞ᬲᬸᬩᬫᬶᬢᬸᬂ᭞ᬯᬦ᭄ᬢᬄᬦᭂᬫ᭄ᬦᭂᬫ᭄