[᭑ 1B]
᭚᭜᭚ᬒᬁᬅᬯᬶᬖ᭄ᬦᬫᬲ᭄ᬢᬸ᭚ᬧᬹᬃᬯ᭄ᬯᬓᬃᬫ᭄ᬫ᭟ᬧᬸᬄᬲᬶᬦᭀᬫ᭄᭟᭜᭟ᬳᬶᬲᭂᬂᬳᬶᬲᭂᬗᬦ᭄ᬫᬜᬸᬭᬢ᭄᭞ᬮᬦ᭄ᬢᬲᬦ᭄ᬤᬤᬶᬫᬗᬸᬭᬶᬢ᭄᭞ᬫᬸᬜᬶᬩᬮᬶᬢᭂᬫ᭄ᬩᬂᬲᬶᬦᭀᬫ᭄᭞ᬧᬸᬧᬸᬄᬜᬦᬾᬲ
ᬮᬄᬕᭂᬦ᭄ᬤᬶᬂ᭞ᬲᬢ᭄ᬯᬓᬵᬋᬧ᭄ᬓᬯᬸᬭᬶ᭞ᬜᬮᬶᬫᬸᬭᬂᬳᬢᬶᬳᬶᬩᬸᬓ᭄᭞ᬫᬲᬶᬄᬫᬶᬮᬸᬫᬜᬢ᭄ᬯᬬᬂ᭞ᬓᬢᬸᬢᬸᬭᬦ᭄ᬲᬂᬳ᭄ᬬᬗᬚᬶ᭞ᬰᬵᬲ᭄ᬢ᭄ᬭᬢᭂᬮᬸ᭞ᬫᬓᬭᭀᬦ᭄ᬢᭀᬂᬤᬤᬶᬩᭂᬮᬲ᭄᭟
ᬦᬾᬳᬩᭂᬲᬶᬓ᭄ᬫᬦᬸᬤᬸᬳᬂ᭞ᬢᬶᬗ᭄ᬓᬄᬚᬦ᭄ᬫᬦᬾᬤᬸᬫᬤᬶ᭞ᬲᬗ᭄ᬓᬦ᭄ᬳᬤᬚᭂᬮᬾᬫᭂᬮᬄ᭞ᬲᬂᬧᬡ᭄ᬟᬶᬢᬫᬶᬦᬓᬤᬶ᭞ᬦᬶᬢᬄᬧᬶᬢ᭄ᬭᬦᬾᬲᬫᬶ᭞ᬫᬗᬯᬾᬦᬶᬦ᭄ᬭᬸᬲᬓ᭄ᬯᭂᬢᬸ᭞ᬳᬸᬢ᭄ᬧᬢᬶ
ᬲ᭄ᬣᬶᬢᬶᬧ᭄ᬭᬮᬷᬡ᭞ᬳᬗ᭄ᬳᬶᬂᬫᬤᬓ᭄ᬱᬶᬡᬫᬸᬜᬶ᭞ᬫᬗ᭄ᬤᬧᬸᬧᬸᬢ᭄᭞ᬰᬲ᭄ᬢ᭄ᬭᬦᬶᬱ᭄ᬝᬫᬤ᭄ᬬᭀᬢ᭄ᬢᬫ᭟ᬤᬶᬢᬸᬫᬗᬮᬶᬄᬧᬯᬓᬦ᭄᭞ᬳᬧᬂᬓᬃᬯ᭄ᬯᬦ᭄ᬫᬲᭀᬃᬲᬶᬗ᭄ᬕᬶᬄ᭞ᬤᬳᬓᬸ
[᭒ 2A]
ᬢ᭄ᬧᬘᬂᬓᬩᬾᬬᬦ᭄᭞ᬤᬸᬮᬸᬭᬶᬦ᭄ᬧᬶᬢᬺᬱ᭄ᬡᬩᬓ᭄ᬢᬶ᭞ᬭᬶᬂᬳᬶᬤᬲᬂᬗᬯᬶᬯᬾᬤᬳᬶᬦ᭄᭞ᬢᭀᬂᬤᬤᬶᬢᬦ᭄ᬧᬲᬲᬦ᭄ᬢᬸᬦ᭄᭞ᬤᬾᬦᬶᬂᬳᬤᬳᬂᬫᭂᬜᬦ᭄ᬜ᭞ᬲᬦᬾᬢ᭄ᬯᬭᬫᬦᬹᬢ᭄ᬳᬶᬦ᭄ᬤᬶᬓ᭄᭞ᬧᬢᬶᬓᬘᬸᬄ᭞
ᬩᬦ᭄ᬜᬮᬦᬂᬳᬸᬧᬵᬓᬭ᭟ᬬᬦ᭄ᬭᬶᬂᬓᬚᬂᬲᬾᬓᭂᬢ᭄ᬧᬢ᭄ᬧᬢ᭄᭞ᬫᬤᬓ᭄ᬱᬶᬡᬩᬦ᭄ᬫᬸᬜᬶ᭞ᬗ᭄ᬳᬶᬂᬤᬸᬮᬸᬭᬶᬦ᭄ᬓᬦᬷᬃᬫ᭄ᬫᬮᬦ᭄᭞ᬓᬬᬸᬦ᭄ᬢᬶᬮᬶᬂᬭᬶᬂᬳ᭄ᬬᬂᬯᬶᬥᬶ᭞ᬤᬶᬚᬚᬸᬯᬭᬸᬭᬸᬄᬳᬮᬶᬄ᭞ᬢᬸᬫᬶᬢᬶ
ᬲᬦᬾᬭᬵᬳᬬᬸ᭞ᬳᭂᬦ᭄ᬢᭀᬓᬳᬶᬘᬾᬦ᭄ᬧᬢᬓᬦ᭄᭞ᬧ᭄ᬭᬮᬶᬡᬲᬃᬯ᭄ᬯᬧ᭄ᬭᬡᬷ᭞ᬲᬗ᭄ᬓᬦ᭄ᬮᬶᬬᬸ᭞ᬢᬸᬫ᭄ᬩᬸᬄᬫᬧᬾᬮᬕ᭄ᬧᬾᬮᬕᬦ᭄᭟ᬲᬮ᭄ᬯᬶᬭᬶᬂᬓᭀᬘᬧ᭄ᬘᬤᬗ᭄ᬕ᭞ᬩᬸᬢᬢᬸᬮᬶᬩᬢᬶᬲ᭄ᬤᬶᬫ᭄ᬧᬶ
ᬮ᭄᭞ᬕᭀᬦ᭄ᬢᬓ᭄ᬲᬾᬗ᭄ᬓᭀᬓ᭄ᬩᬢᬶᬲ᭄ᬳᬦᬾᬄ᭞ᬕᭀᬦ᭄ᬤᭀᬂᬩᬶᬩᬶᬳᬾᬘᬸᬗᬶᬓ᭄᭞ᬚᬸᬤᭂᬕ᭄ᬮᬶᬫᬦ᭄ᬜᬦᬾᬤᬶᬫ᭄ᬧᬶᬮ᭄᭞ᬳᬦ᭄ᬢᭀᬧᬮᬦ᭄ᬲᬮᬄᬳᬸᬓᬸᬃ᭞ᬢᬶᬗ᭄ᬓᬳᬾᬳᬗᬸᬧᬵᬓᬭ᭞ᬩ
Kaca:Bali-lontar-gaguritan-purwa-karma-300ppi.pdf/2
Kaca puniki sampun kauji-wacén
