[᭙ 9B]
᭙
ᬓᬾᬂᬪ᭄ᬯᬦᬶ᭞ᬲᬮ᭄ᬯᬦᬶᬓᬂᬚᬕᬢ᭄᭞ᬫ᭄ᬯᬄᬯ᭄ᬢᬸᬦᬶᬂᬲᬃᬯ᭄ᬯᬫᬹᬭᬶᬧ᭄᭟ᬲᬦᬾᬫᬗ᭄ᬓᬶᬦ᭄ᬯᬶᬦᬮ᭄ᬬᬦ᭄ᬓᬝᬓᬶᬦᬸᬘᬧ᭄᭞ᬲᬫᬺᬢᬶᬦ᭄ᬳ᭄ᬬᬂᬧ᭄ᬭᬚ᭄ᬚᬧᬢᬶ᭞ᬧᬥ᭄ᬫᬬᭀᬡᬶᬓᬧᬢ᭄᭞ᬫᬸᬓᬦᬾᬫᬵᬋᬧ᭄ᬯᬾᬢᬦ᭄᭞ᬥᬃᬫ᭄ᬫᬗᬭᬦ᭄ᬯᬶᬪᬹᬰᬓ᭄ᬢᬶ᭞ᬲᬂ
ᬳ᭄ᬬᬂᬇᬰ᭄ᬯᬭᬵ᭞ᬫᬹᬓᬦᬾᬫᬋᬧ᭄ᬤᬓ᭄ᬱᬶᬡᬶ᭟ᬢ᭄ᬯᬶᬚ᭄ᬜᬡᬵᬧ᭄ᬭᬪᬹᬰᬓ᭄ᬢᬶᬦᬶᬂᬳᬶᬗᬭᬦ᭄᭞ᬲᬶᬭᬳ᭄ᬬᬂᬭᬹᬤᬺᬫᬹᬃᬢ᭄ᬢᬶ᭞ᬫᬹᬓᬵᬗᬋᬧ᭄ᬓᬸᬮ᭄ᬯᬦ᭄᭞ᬓ᭄ᬭᬶᬬ᭄ᬬᬰᬓ᭄ᬢᬶᬂᬥᬾᬃᬬ᭄ᬬᬵ᭞ᬲᬶᬭᬲᬂᬳ᭄ᬬᬂᬰᬗ᭄ᬕᬭᬵᬥᬶ᭞ᬓᬵᬗ᭄ᬳᬵᬭᬸᬢᬭ᭞ᬳ᭄ᬬᬂ᭠
ᬇᬰᬫᬚ᭄ᬜᬡᬰᬓ᭄ᬢᬶ᭟ᬫᬯᬾᬭᬕ᭄ᬬᬥᬃᬫ᭄ᬫᬮᬗ᭄ᬕᭂᬂᬦᬶᬰᬾᬬᬰᬵ᭞ᬧᬸᬧᬸᬢ᭄ᬬᬹᬥᬵᬧᬵᬢ᭄ᬲᬵᬢ᭄ᬫᬶ᭞ᬤᬤᬶᬦᬶᬂᬲᬏᬓ᭞ᬓᬂᬲᬶᬦᬺᬱ᭄ᬝᬶᬤᬾᬳ᭄ᬬᬂ᭞ᬧ᭄ᬭᬫᬾᬱ᭄ᬝᬶᬲ᭄ᬦᬦᬶᬂᬯᬶᬥᬶ᭞ᬗᬫᭀᬂᬓᬢᬸᬕ᭄ᬱᬶ᭞ᬩ᭄ᬯᬢ᭄ᬧᬲᬹᬓ᭄ᬯ᭄ᬢᬸᬦᬶᬂᬚᬦ᭄ᬫᬶ᭟
᭚ᬫ᭄ᬭᬬᭀᬖᬬᬂᬉᬢ᭄ᬧ᭄ᬢᬶᬲ᭄ᬣᬶᬢ᭄ᬬᬧᬺᬮᬶᬡ᭞ᬯ᭄ᬢᬸᬦᬶᬂᬘᬤᬸᬰᬓ᭄ᬢᬶ᭞ᬘᬢᬹᬭᬶᬗᬾᬰ᭄ᬯᬭᬶᬬ᭄ᬬ᭞ᬥᬮᬓᬂᬧᬥ᭄ᬫᬰᬡ᭞ᬦᬫᬰᬶᬯᬵᬲᬤ᭄ᬥᬵᬫᬶᬚᬶᬮ᭄᭞ᬳᬾᬂᬧᬸᬭᬸᬱᬢᬵᬢ᭄ᬯ᭞ᬤᬤᬶᬦᬶᬂᬳ᭄ᬬᬂᬧ᭄ᬭᬚᬧᬢᬶ᭟ᬲᬓᬶᬂᬧᬥ᭄ᬫᬵ
[᭑᭐ 10A]
ᬬᭀᬡᬶᬦᬾᬳ᭄ᬬᬂᬘᬢᬹᬃᬫᬸᬓᬵ᭞ᬨᬢ᭄ᬯᬓ᭄ᬢ᭄ᬭᬤᬾᬯᬣᬵᬥᬶ᭞ᬫᬇᬰᭀᬭᬭᬹᬤ᭄ᬤᬺ᭞ᬰᬗ᭄ᬓᬭᬵᬰᬫ᭄ᬪᬸᬤᬾᬯᬢᬵ᭞ᬲᬢ᭄ᬫ᭄ᬬᬦᬶᬂᬤᬤᬶᬫᬦᬸᬗ᭄ᬕᬶᬮ᭄᭞ᬫᬓᬵᬮᬶᬗ᭄ᬕᬦ᭄ᬲᭂᬫ᭄ᬩᬄ᭞ᬭᬶᬂᬓᬮᬧᬶᬝ᭄ᬭᬬᬚ᭄ᬜᬡᬶ᭟ᬫᬓᬵᬫᬡᬶᬧᬾ
ᬲ᭄ᬢᬲᬶᬳ᭄ᬬᬂᬯᬶᬥᬶᬯᬰ᭞ᬓᬂᬢᬬᬲᬸᬡ᭄ᬬᬮᬶᬘᬶᬦ᭄᭞ᬉᬫᬶᬰ᭄ᬭᬳᬶᬂᬢᬯᬂ᭞ᬍᬬᭂᬂᬧ᭄ᬦᬶᬃᬪᬦᬘᬶᬦ᭄ᬢ᭄ᬬ᭞ᬢᬦ᭄ᬓᬳᬭᬄᬤᬾᬦᬶᬂᬳᬢᬶ᭞ᬦᬶᬂᬫᬦᬸᬱᬧᬤ᭞ᬬᬦ᭄ᬢᬦ᭄ᬲᬸᬘᬶᬦᬶᬃᬯᬭᬦᬶ᭟ᬲᬧᬸᬦᬶᬓᬵᬕᬢᬺᬱᬫᬃᬲᬓᬶᬂᬢᬵᬢ᭄ᬯ᭞ᬧᬸᬃᬯ᭄ᬯᬯᬾ
ᬥᬧᬫᬶᬸᬢ᭄ᬫᬸᬃᬢ᭄ᬢᬶ᭞ᬩᭀᬬᬲᬓᬶᬂᬢᬶᬢ᭄ᬬᬂ᭞ᬳᬸᬦᬶᬂᬓᬯ᭄ᬬᬓ᭄ᬢ᭄ᬬᬜ᭞ᬚᬢᬶᬯᬦ᭄ᬢᬄᬳᭀᬮᬶᬄᬗᭀᬧᬶᬂ᭞᭠ᬉᬃᬢ᭄ᬢᬶᬫᬮ᭄ᬬᭀᬃᬢ᭄ᬬᬂ᭞ᬢᬶᬢ᭄ᬬᬗᬹᬥᬵᬫᬧᬶᬬᬧᬶ᭟ᬬᬦᬶᬂᬯᬾᬦ᭄ᬢᭂᬦ᭄ᬦᬸᬕᭂᬲ᭄ᬫᬵᬢᬹᬃᬲᬶᬲᬶᬧ᭄ᬢᬶᬢ᭄ᬬᬂ᭞ᬩᬗᭂᬢ᭄ᬓᬶᬭᬂᬧ᭠
ᬳᬸᬦᬶᬂ᭞ᬢᬸᬦᬵᬭᬲᬫ᭄ᬬᬦ᭄᭞ᬢᬸᬳᬸᬩᬦ᭄ᬢᬲ᭄ᬓᬶᬦᬸᬘᬧ᭄᭞ᬯᬶᬧᬺᬤᬳᬵᬢ᭄ᬫᬸᬥᬵᬧᬶᬗ᭄ᬕᬶᬂ᭞ᬓᬢᬹᬦ᭠ᬦ᭄ᬧᬕᬹᬃᬯ᭄ᬯᬦ᭄᭞ᬓᬧᭂᬜ᭄ᬘᬶᬮ᭄ᬫᭂᬡ᭄ᬝᬶᬓ᭄ᬫᬦᬸᬗ᭄ᬕᬶᬮ᭄᭟ᬤᬤᭀᬲ᭄ᬯᬶᬓᬹᬭᬶᬂᬧᬦ᭄ᬧᬶᬯᬦᬘᬮᬵ᭞ᬳᬤᭀᬄᬯᬭᬦᬶᬂᬳᬢᬶ᭞
Kaca:Bali-lontar-gaguritan-pura-dalem-abyantubuh-300ppi.pdf/10
Kaca puniki sampun kauji-wacén
